#موطني
-١٠-
((بعد عبدالله شرح لي فاطمه وطلع❤قعدت تفكر في انها لي ركزت في عيونو كده🌝؟؟??...صباح اليوم التاني... قامت بدري وراجعت الكيمياء... وطلعت.... اول م طلعت صادفت دكتور عبدالله في الباب😻💜.))
عبدالله:صباحك خير
فاطمه:صباحك عافيه
عبدالله:طالعه ع المدرسه صاح؟
فاطمه:اكيد...
عبدالله:اممم..فاطمه هو انا م عارف اذا دا شي بخصني او لا... بس انتي عاجباك روحك ولا حاجه،،،
فاطمه:😳كيف يعني
عبدالله:يعني طريقه لبسك...دايما فاكه شعرك،،،،وحتى ملابسك بتاعت البيت قصيره وبعد دا كلو بتطلعي بيها الشارع عادي،،،في رايك دا ما إعجاب بالنفس😒
فاطمه:ع فكره ما افتكر دا شي بخصك‘...ومدام انا مرتاحه كده وعاجباني روحي كده... انت مين علشان تضايق من طريقه لبسي😊...
عبدالله:ع فكره انا...
((فجأه صفاء طلعت والاتنين سكتوا،،،،))
صفاء:توته انتي لسه واقفه😳يابت الامتحان...
فاطمه:ماشه خلاص
صفاء:اتأخرتي...اسي لو مشيتي برجولك ماح تحصلي.
عبدالله:م مشكله ياخاله انا كمان طالع... بوصلا في طريقي...
فاطمه:الموضوع مامحتاج والمدرسه قريبه😊
صفاء:قريبه شنو.. عايني لي ساعه يدك.. امتحانك نص ساعه ويبدا... خلي يوصلك يلا....
((فاطمه عاينت لي امها وفعلا م كان قداما حل... طوالي طلعت مع عبدالله.... اول م ركبت العربيه مسكت كتابا وعملت روحا بتقرا،،،،،،وهو مره يعابن ليها ومره يركز في سواقتو،،،،،لحدي م وصلا.....جات تنزل الباب ابى يفتح معاها☹))
عبدالله:ثواني افتحوا ليك من برا.. مابفتح من جوا...
فاطمه(بي صوت منخفض):خرده زي سيدا😒.،،،،،،
عبدالله:نعم!!!
فاطمه:ولاشي😊
((ونزل عبدالله فتح ليها الباب... وفي نفس الوقت كانوا واقفين في بوابه المدرسه نياز وشهد💜.،،،،،))
عبدالله:موفقه😊
فاطمه:مامحتاجه دعوتك😊
((ومشت ع ناس نياز.. وهو دور عربيتو ومشى.... ))
نياز:ووبعلي ياا فاطمه دا منو❤😭😭😭
فاطمه:منو😳
نياز:القرض النزلتي من عربيتو دا😭😭❤
شهد:احيي ياقلبي.. اللحيه يخلوها ليهو.. والشعر دا كيف يايمه😭❤والجزمه والساعه واللبسه زاتا ياخ❤😭✋ ريحتو وصلتني هنا🐸
فاطمه:دا انبراش من نوع اخر🌝
نياز:والعجب ياشوشتي لمن فتح ليها الباب❤😭ااخ بس... اتكلمي جبتي من وين.. اصلا الشغل النضيف دا استحاله يعاين ليك🐸❤
فاطمه:😒انا زاتي م بعاين ليهو...بطلوا انبراش في الغبي دا.. وورانا امتحان
شهد:النبي يا فاطمه دا منو❤😭😭اموت ليك وريني
فاطمه:دكتور عبدالله. جارنا😒
نياز:تمى الناقصه😭❤قالت ليك دكتور...شغل دا😭😭اكيد قفلتي عليهو يابت اللذينه😭😭
فاطمه:يقفلوك في السجن شاحده ربي🐸انقلعوا ورانا امتحان ياخ😒
شهد:انا ح اجيب 100في الكيمياء😭بس عشان شفتا عبدالله❤😻
((فاطمه مشت وخلتهم😂😂....بعد الامتحان كانوا لسه بجيبوا سيره عبدالله... ولمن اروى جات حكوا ليها😂وقعدت تضرب في فاطمه.. احساس عندكم القوومر دا وما كلمتيني😒....بعد الامتحان طلعوا كلهم....اما عبدالله يومو في المستشفى كلو كان مقلوب... لانو محتار في روحو))
عبدالله:يا الله.. يعني انا عقلي كان وين لمن قعدتا اتكلم معاها كده.. ودخلي فيها شنو😑علي غباءي اكيد ح تفهم اني مهتم بيها...
((واثناء ماهو بتكلم جاهو طارق داخل.. وقعد يتكلم معاهو كتير))
طارق:اها جاهز تستلم المجمع الفي امدرمان❤
عبدالله:والله ياعمي حاليا م بقدر اخلي المستشفى لانو عندي كميهه من المرضى متابعين معاي...فلازم اخلص هنا بالاول بعدين امسك المجمع الفي امدرمان
طارق:مامشكله حوول كل المرضى العندك لي دكتور وسيم....اهو صحبك ونفس تخصصك... قلتا شنو؟!
عبدالله:لا ياعمي... معليش عندي حاله شويهه خاصه ولازم امسكها انا وبس😊❤....
طارق:للدرجه دي... دي منو الحاله سعيده الخظ دي😂❤
عبدالله:خاله تقريبا في عمر امي الله يرحمها.. وعندها ورم في الراس ومع الاسف خبيث.. وهي ماناويه تعمل عمليه خالص ورافضه الفكره.. مع اني حاولتا معاها.. وقلته ليها عشان بتك❤بس برضو رفضت... وكأنها بتعاقب روحا على ذنب... ماعارف.. بس نفسي اعرف قصتها شنو؟
طارق:والله انا زاتي خليتني متشوق اعرف قصتها شنو.. غريبه زول يكون في يدو الحل.. ويرفضو!!...اا اسمها منو مريضتك دي؟؟
عبدالله:صفاء الزين موسى تقريبا
طارق:منو😳😳،،،،،
((فاطمه وصلت البيت ولقت امها راقده.. طبعا حست بي انو امها صحتا بقت هزيله ومابتاكل زي الناس... وضعفت شديد.... دخلت المطبخ عملت ليها عصير منقه تقيل.. وجابتوا ليها😻))
فاطمه:يلا يامزتي اشرربي المنقه دي.. ح تقويك
صفاء:اها الامتحان كان كيف؟
فاطمه:حلو...يلا اشربي
((صفاء شربت العصير وختت الكبايه في التربيزه ومسكت يدين فاطمه وضمتهم بي يدينا قوي❤))
صفاء:عايني يافاطمه.. انتي حاليا م صغيره... يعني انسانه واعيهه وواكيد ح تفهمي الح اقولوا ليك دا،،،،،يمكن بعد فتره تكتشفي حاجات م كنتي عارفاها،،،،يظهروا ناس جدد في حياتك ويختفوا ناس،،،،،ح تحسي انو حياتك غريبه ومقلووبه ويمكن تنكسري وتحسي بالضعف والخوف،،،،يمكن تجيك لحظه تتمني الموت فيها،،،،بس عاوزه اقول ليك مهما ح
صل ،،،خليك قويه زي امك❤ودايما ختي في بالك انو اي شي بحصل معاك قدرك ومكتوب ليك،،،،وماتزعلي من زول ولاتشيلي زول ذنب شي ماليهو علاقه بيهو،،،،يمكن حاليا كلامي ليك مبهم،،،،بس بعد فتره ح تتختا النقط على الحروف،،،،
فاطمه:ماما رغم اني زي ماقلتي م فهمتا شي... بس اكيد طالما انتي معاي،،،مافي عوجه بتجيني❤
((ورقدت في حضنها... وصفاء الدموع ملت وشها.. وبتقول في قلبها ياريت تسامحيني💔...طارق بعد سمع اسم صفاء جسمو كلو بقى يرجف...))
طارق:انت..انت متأكد انو اسم مريضتك كده💔
عبدالله:اي
طارق:طيب ممكن تخدمني خدمه بدون م تسألني السبب شنو،،،
عبدالله:خدمة شنو؟
طارق:عاوز عنوان صفاء دي،،،الموضوع دا مسأله حياه او موت.. ساعدني يااولدي
عبدالله:هي ساكنه في()في نفس العماره الانا ساكن فيها...بس لي؟؟
طارق:مش قلتا ليك بدون تسألني... يلا عليك الله اسي وصلني ليها بي اي طريقه.... ارح ليها
((عبدالله مستغرب فيهو وماقادر يسألو... ))
طارق:اها ياعبدالله.. ح توديني ليها؟؟
عبدالله:اي...ارح
((اما نور كانت بتتكلم مع وليد ))
وليد:اها ناويه تجيني متين😻لسه ماحددتي
نور:ياوليد...انا م بقدر اجيك في البيت خلينا نتلاقى في محل تاني،،،
وليد:لا..في البيت بناخد راحتنا اكتر،،،،اها بكره كيف معاك ؟؟
نور:وليد
وليد:عيونو
نور:م بقدر اجيك في البيت. م تزعل مني بس والله م بقدر اجيك
وليد:كده😡طيب... (تيت تيت...)
((اما طارق وعبدالله اتحركوا على شقه صفاء.... وطارق الطريق كلو يدعي ويقول يارب تكون هي،،،،لحدي ماوصلوا باب العماره))
عبدالله:وصلنا يا عمي
طارق:يلاا...
((وطلعوا فوق... عبدالله ضرب الجرس... وطارق عيونو مترقبه منو الح يفتح الباب... فاطمه عاينت بالعين السحريه))
فاطمه:اووف الغبي دا... بس دا منو المعاهو دا
((وفتحت الباب طبعا الشعر ممفكوك ومنسدل،،،،وطارق سرح فيها وذكرتو بي ناهد❤،))
فاطمه:خير يادكتور
عبدالله:خالتو صفاء موجوده؟؟
طارق:لو سمحتي...لو موجوده انا ضروري جدا اشووفا...لوسمحتي
فاطمه:اي موجوده... بس انت منو وعايزها لي
طارق:خليني اشوفا.. ااندهي ليها...
((فاطمه استغربت فيهو وطوالي مشت لي امها وكلمتا))
صفاء:دا منو ياربي الجا مع دكتور عبدالله وعايزني... كده النشووف
((وطلعت من غرفتا ومشت ع اتجاه الباب طارق كان مديها ضهرو))
صفاء:سلام عليكم
طارق:وعليكم السلام ياصفاء،،،،
صفاء:طارق😳
طارق:اي طارق ياصفاء.. انتي ماعارفه انا تعبتا قدر شنو عشان اصل لي ناهد او اصل ليك...كل مره كنت بتعذب وضميري بأنبني... بس عاوز اشووف ناهد.. هيي كيف ووين والحاصل عليها.. ووالطفل ااا،، صفاء:طارق لحظه.. بالاول اخد نفس واتفضل لي جوه...
((دخل جوه هو وعبدالله وفاطمه جابت ليهم مويه...طبعا مستغربه دا منو وبسأل في صفاء كده لي وناهد دي منو... وعبدالله نفس الشي💔))
طارق:ياصفاء انا م صدقتا لميت فيك... ناهد وين... لسه متواصلين مع بعض؟؟
صفاء:احم..اا توته انتي مش شغاله امتحانات... شيلي كتبك وامشي لي اروى ذاكري معاها شويه
فاطمه:...حاضر
صفاء:عبدالله ياولدي بس معليش.. ممكن توصل فاطمه لانو الدنيا قربت تمغرب...
عبدالله:جد
((فاطمه لبست عبايتا ولفت الطرحه حول رقبتا..وطلعت... وعبدالله نزل معاها،،،،))
طارق:لي ساكته ياصفاء جااوبيني الحاصل شنو،،،وناهد وين وولدي،،،،،اتكلمي
صفاء:وعندك دم تسأل وعاوزني اجاوب،،،انت خدعتا ناهد واستغليتا وعرضتا كرامتا وسمعتا للتشويه،،،وجااي بتسأل عنها،،،مش كفايه خليتا تحمل منك بالحرام😡
طارق:دقيقه دقيقه دا كلام شنو يا صفاء...حرام كيف يعني انا وناهد كنا متزوجين على سنةة الله ورسووله،،،،✋ ❤
يتبع
