على المحك 24

#على_المحك
-٢٤-
لما نِزار قال لي كده،،،بقيت أبكي،،،قولته ليهو نِزار خلينا نتفاهم💔قال لي ماف تفاهم،،قولته ليهو طيب أقول لي اهلي شنوو انا💔قال لي خجلانه تقولي ليهم العملتيهو💔،،،قولته ليهو نِزار الله يخليك ماتعمل فيني كده😭💔،،،قال لي اول ما سامي يطلع،،لمي هدومك واطلعي،،،وعلى فكرة انا ما كلمتو بالحصل كلو💔،،،،بعد شوية سامي جاا طالع،،،قال لنزار انا ح أسوق معاي الكلبهه دي،،،ياخلصت الجامعه بأدب،،يا رجعتها لناس أمي💔💔،،،نِزار قال ليهو اعمل الشايفو مناسب❤،،،ريان طلعت من غرفتها وهي شايله شنطهه ملابسها💔💔،،،،سامي قال ليها قدامي،،،،،اطلعي😡💔،،،،طلعت ركبت العربيهه،،وسامي لحقها،،،ومشوا💔،،،نزار قال لي انا طالع،،،ياريت اجي ألقاك ماف💔قولته ليهو بناتي ح يجو بعد شوية،،،كيف انت طالع وعايزني امشي💔💔قال لي انا طالع برة البيت لحدي ماتجهزي نفسك وبتك💔💔،،،،طلع برة وقعد في العربيهه،،،انا دخلتا المطبخ،،عملتا الغداء وجهزتا ليهم عصير،،،،مشيت غرفتي،،لميت ملابسي وملابس بتي💔💔،،،،ولبستا لي عباية وجيت طالعهه💔💔،،،مشيت برة لقيت نزار راقد في الكرسي،،ضربتا ليهو الشباك،،،نزل فتح لي الباب وشال الشنطهه مني💔💔،،،قال لي ح اوصلك سريع واجي،،،،قولته ليهو نِزار،،،حرام عليك،،،،انا عارفة نفسي غلطانه والعملتو غلط،،،قاطعني وقال لي غلط💔؟،،،،العملتيهو انتي حرام يا استاذه،،،ماغلط💔،،،، قولته ليهو طيب انا اسفه،،أيوة حرام،،،،بس يا نزار لو كنتا مكاني....قال لي لو كنتا مكانك ح اتصرف بحكمه مابي غباء،،،دور العربيه،،،وطول الطريق ما فتح خشمو معاي💔💔وانا حلقي قفل من كترة البكا💔💔،،،،وصلني،،ونزل،،،ختا الشنطهه جنب باب الشارع ومعاها قروش💔قال لي يلا انزلي،،،نزلتا وآن كانت بتبكي💔💔باسا في خدها❤وقال لي ياريت لو ما كانت متعلقه بيك💔💔وركب عربيتو ومشى💔💔،،،،ضربتا الباب،،،فتحت لي أمي💔،،،عاينت لي بخلعه،،،قالت لي إيناس،،،مالك يابتي💔💔،،،،قعدت أبكي،،،شالت مني آن💔،،،وأنا شلتا الشنطه دخلتها جوه💔💔،،،،قالت لي تعالي تعالي،،،في شنو أحكي لي ؟،،،قولته ليها ابوي وين ؟،،،قالت لي ابوك مشى يجيب قروش إيجارات البيوت،،،عشان يدفع لاخواتك القسط،،،قولته ليها اهاا،،قالت لي اتكلمي يلا مالك،،،،قولته ليها أمي انا تعبانه،،ماقادرة اتكلم،،،خليني انوم مصدعه،،قالت لي اتشاكلتي مع نِزار💔،،،قولته ليها عاوزة انوم،،،قالت لي طيب نومي💜

دخلتا غرفه ناس هديل،،،طلعتا عبايتي ونومتااا،،،، ما حسيت بنفسي اصلا💔💔،،،،صحيت المساء لقيت هديل وهدى في راسي،،،،قولته ليهم كيفكم؟،،،هديل قالت لي تمام،،،في شنو يا عباس خييير الجابك🌚😂😂😂👊قولته ليها هديل ما ناقصاك،،،،،هدى قالت لي ليه ما جبتي بناتك معاك؟،،،قولته ليها لانو عندهم روضة،،،،أمي جات داخله قالت لي ارتحتي صاح؟يلا أحكي لي انا سامعاك❤قولته ليها يا أمي ما وقتو،،،قالت لي كيف ماوقتو،،،جاياني بشنطه هدومك وبتبكي،،،عايزاني اعرف الحاصل ولالا،،،نِزار مستحيل يكون هو الغلطان،،،،عشان كده اتكلمي💔💔،،،سكت شوية وبعدينن بديت أحكي لي أمي القصه💔💔💔،،،طبعا هدى و هديل بس بعاينوا لبعض💔💔،،،بعد خلصتا،،،أمي قالت لي ليه عملتي كده،،،ليه ساعدتيها💔💔اها رأيك شنو اسي خربتي بيتك💔💔يابتي انتي مجنونه ولا شنو،،،انتي الكبيرة وبتعملي كده،،،الصغار الوراك يسوا كييف💔💔حسبي الله ونعم الوكيل،،،لا إله إلا الله،،،اها اسي لو ربنا ابتلاك بسبب الروح القتلتيها دي💔💔ابتلاك في روحك ولا في راجلك ووولا في بناتك💔💔💔ح تتصرفي كيف؟،،،قولته ليها والله يا أمي كان كل غرضي اساعدها💔💔💔😭مافكرتا في اي شي وقتها💔💔💔😭،،،،قالت لي نِزار لو طلقكك حتى،،،نحنا ما ح يكون لينا عين نتكلم،،هدى قالت لي يعني لو انا كنتا محلها،،كنتي ح تجهضي لي ولدي برضو صاح💔💔!؟ قولته ليها والله العظيم عارفة نفسي غلطانه يا ناس😭💔💔خلاص خلوني في حالي💔،،،هديل قالت ليهم خلاص،،،ارح نطلع برة ونخليها،،،هي ماناقصهه💔💔،،،،طلعوا خلوني براي💔،،،بكيت وبقيت أفكر في كلام أمي💔💔اتصلتا بنزار،،،كان بشوف المكالمات ومابرد💔💔،،،،،،فضلنا على الحاله دي اسبوع💔💔،،،،،،،ونزار كان بستعين بالاء علشان تعمل الأكل وتجهز البنات للروضة❤،،حاولت تعرف منو كذا مرة،السبب الخلاني اخلي البيت،،بس نِزار رافض يكلم اي زول،،،ومحافظة على اختو بس،،لا محافظه على انا في عيون الناس❤،،،،،،الجيران لما شافوا الاء داخله طالعه وهم مافاهمين الحاصل،،،بدوا يطلعوا كلام عليها هي ونزار💔 وأنها بتمشي ليهو البيت في غيابي💔💔،،،،طوالي تاني يوم،،،،عزه ركبت ركشه وجاتني في بيتنا💔،،،سلمت على ناس البيت،،وأنا الفترة ديك حالتي اتحسنت شوية،،،سلمتا عليها وأنا مستغربه طبعا،،،،قالت لي والله فقدنا حسك في البيت،،،سألتا منك نِزار،،قال لي في بيت اهلك،،عندكم عرس ود خالتك،،،قولته ليها نزار قال ليك كده؟،،قالت لي اااااي،،،المهم يابت دا ما موضوعنا،،قولته ليها موضوعنا شنو؟،،،،،قالت لي شوفتي من يوم ما انتي جي

تي هناا،،،الاء لقتااااا فرصة،،،داخله طالعه من بيتك،،أحيانا الصباح انا لما أقدم ولدي الترحيل،،بشوفها طالعه من بيتك💔،،،،ونزار بعد الساعه 9بجي راجع من شغلو يسوقها من البيت،ماعارفاهم بمشوا وين،،،وبناتك الترحيل بنزلهم في بيت حجه كوثر،،،،نِزار مع الاء بجو قريب العصر💔💔💔غايتو ربك اعلم بيهم،،،،قولته ليها يعني اسي انتي راكبة ركشه ومتعبه روحك،،عشان تجي تقولي لي الكلام الماعندو معنى دا؟؟،،قالت لي كيف ماعندو معنى،،يا بت انتي مابتغيري على راجلك،،،،اقعدي كده لمن يشلبوك💔😒،،قولته ليها أغير على راجلي من اختووو؟❤❤،،،قالت لي اختو منو؟،،،قولته ليها الاء ونزار ما في بينهم شي💜،،،والاء منو الح تشلبني،،،انتي واحدة وفهمك ضيق،،،،الاء بتعتبرني زي اختها الكبيرة❤ وأنا مستحيل أفكر فيها تفكير عفن زي تفكيرك دا،،،بالنسبه لانو نِزار بجي راجع من الشغل ويسوقا،،فهو بوديها الامتحان وبجيبا راجعه💜،،،الاء بتمشي بيتي علشان بناتي❤ماعلشان نزار،،،،،،،والاء البتتكلمي عنها دي،،هي الوحيده الفقدتني وبتتصل علي يومي كمان رأيك شنو،،،طبعا عزة بقت منططه عيونا،،،قالت لي انا،،انا بقول الشفتوو،،قولته ليها ليه مابتحسني الظن،،،له دايما ظنك وشكك يكون عفن ووسخان ليه؟؟؟،،،طبعا دخلتها في ضفورا،،،بعد سكووت طالت مدتو،،،قولته ليهاا انا ح أمشي لأمي في المطبخ،،،شكرا لجيتك😊❤،،،،ومشيت خليتاا💔،،،،

طبعا انا كل يوم كنتا بدعي انو ربنا يسامحني ويغفر لي❤مرت علينا حكايه شهر💔وابوي كان زعلان مني هو وامل💔،،،خالتو كوثر جاتني في البيت تحنس فيني عشان ارجع وهي مافاهمهه القصهه💔💔،،،،،والاء كانت بتتصل علي يوميا،،بتخليني اتكلم مع بناتي وتقفل💔💔،،،،،،يوم بليل سمعتا نغمه تلفوني،،قومتا مخلوعه،،لقيتوو دا نزار💔رديت ليهو ب الوو،،،قال لي إيناس انا في المستشفى،،م ماعارف،،،بس فجأه ذان تعبت💔💔قولته ليهو بخلعه تعبت كيف يعني؟،،،أنت في اي مستشفى؟،،قال لي في،()،،قولته ليهو طيب انا جايهه💔بقلم ايناس ادم ننس تمدين