#موطني
-٢-
فاطمة:دي منو دي يا ربي🤔....اها.. وانا مالي
((ورجعت الصوره في محلها... وشالت القرووش....لبست ليها بنطلون جبنز وتي شيرت وردي💞❤....وعملت شعرا كعكه وطلعت.. اتصلت على صحباتها شهد.. آروى...نياز..واتلاقوا في مطعم ظريف❤😴))
نياز:اها الجاهز للتجريبي منو...
فاطمة:نياز انتي جاده.. اسي دا وقتو... شووفي لينا سيره تانيه
شهد:هههه لي ماوقتو يا توتة.. انتي ناسيه رووحكك علميه😒
أروى:ناس العلمي بري منكم💔😂اسي لو مشيتو معاي ادبي مالوو..
فاطمة:والله كان نفسي بس ماما اصرت اني اخش علمي.. وطب كمان😴بعدين الله يعيني بس...
شهد:انا عاوزه70بس..بس والله
اروى:انتي يا عواليق.. عشان ضاامنه واسطاتك😒...
نياز:خلاص انا اسفه اني فتحت ليكم سيره القرايه م تتشاكلوا يااخ😂👊...
شهد:طيب..انا ماشه الحمام.. اروى تعالي معاي... (وغمزت لي نياز😉)
نياز:ااخ يااا
فاطمه:مالك في شنو...
نياز:انتي عارفه شنو نسيت اكلم ماما اني طلعتا لو جات ح تعمل شنه ورنه.. ثواني اعمل تلفون وارجع...
فاطمة:طيب...
((فاطمة انتظرتهم زي5دقايق م جوا.. بعد شويه جات اروى وشهد بغنوا😍❤.....ونياز ومعاها واحد من المطعم جايبين التورته❤😍😍.....))
فاطمه:😳
شهد:اتفاجأتي صاح😍
فاطمة:لالا😂لانو كل سنه دي حركاتكم
((وقامت حضنتهم التلاته❤بعدين طفت الشمعه........ ))
نياز:كل سنهه وانتي عنيده وراسك قويه😂👊
شهد:كل سنهه وانتي مجنونه وجنك زايد❤😂
أروى:كل سنهه وانتي...😂ضاااحكه يارب.... عولاق شلتنا يااخ❤😂
فاطمه:خلصتوا😒اسي دي دعوات ليكم👊😂
شهد:المهم الهدايا ح نجيبا ليك بكره في المدرسه ظابط❤👊😍
فاطمة:طيب تمام
((وودعوها ومشوا.... رجعت البيت لقت امها لسه ما جات قعدت انتظرتا مساافه.... طبعا صفاء رجكحلت من المنطقه بتاعتها لانو ناس الحله سمعوها ميه كلمه فارغه.. وبقول انو بتها بت حرام... الخ... اتجبرت تخلي بيتها واجرت شقه في الخرطوم.......))
فاطمة:اووف يا ماما لي اتأخرتي كده....ح افضل مستنياك لي متين... احسن حل اذاكر اسي....
((ومشت غرفتا وبدت تذاكر💞في مكان تاني في ڤيلا واسعه ورهيبه شديد....طارق كان بتكلم بالتلفون وبصرخ. ))
طارق:ياااخ لازم المجمع دا تخلصوا لي معداتو في اسرع وقت مفهووم.. ماعاوز ولا غلطه... طيب تمام
اميره:الجووطه شنو
طارق:بسبب المجمع....مازن دا لسه ماجاا من برا
اميره:اي لسه..
طارق:وعبدالله؟؟
اميره:قاعد😒...نفسي اعرف لي الولد دا عايش معانا😒
طارق:اميره عليك الله الموضوع دا قفليهو وانسيك منو يااخ...عبدالله دا زي ولدي بالظبط. ماولد اخوي بس فهمتي.. زيو زي مازن ونور...
اميره:بالنسبه ليك😒اما بالنسبه لي لا🙅🏼
((في غرفه فيها صوت موسيقى... نغمه رنين هادئه.. قاعد عبدالله وماسك كتاب😍....عبدالله شاب عمرو26سنه...لونو اسمر قرقوري😍طويل.. جذاااب.. عندو علامه صلاه.. لحيتو سكسوكه😍❤وشو طبيعي صاري😒💔👊....درس طب بشري(مخ واعصاب)......))
عبدالله:ياربي...نسيت اني لازم اسأل عمو طارق من موضوع الشغل....
((ونزل ليهو تحت...قعد معاهو.. واتكلم في موضوع الشغل))
طارق:شوف يا ابني.. الموضوع دا منتهي.. انا عارف انك عندك خبره وكذا.... فاا المجمع قرب يكتمل... ان شاء الله تمسك الفرع الهنا
عبدالله:طيب..مشكور يا عمي
طارق:ولوو يا ابني.. القروش دي ما حقتي براي.. دي حقت ابووك برضوو..اها مرووس وين الليله.
عبدالله:ههههه بين كتبي بس.....
((فاطمة خلصت قرايتا وعملت ليها قهوة بي مزااج.... شويه وصفاء جات داخله))
صفاء:مساء الخير..
فاطمة:زعلانه منك😴
صفاء:حبيبه امها مالا😉
فاطمة:اتأخرتي لي😒انا من قبيل منتظرااك
صفاء:ههه..بس كان عندي شغل مهم... يلا قومي جهزي نفسك.. عشان نمشي
فاطمة:طيب..
((ودخلت غرفتا لبست ليها اقرب فستان.. اسود فيهو شغل بالبيجي... ورفعت شعرتا وجات طالعه😍😍❤..))
صفاء:يا بت ميه مره قلتا ليك البسي عبايه يااخ.. بقيتي بت كبيره.. طفولتك خلصت فاهمه😒👊
فاطمة:لا انا لسه بيبي.... وحااتك مافي زوول شايفني.... يلا يلا
صفاء:مشييني كويس😒👊
((وطلعوا من البيت اجروا ليهم امجااد.... ووصلوا المكان.. البيت المهجوور... فاطمه دخلت وقعدت ليها في كرسي كده... وصفاء كأنو كل سنه بتكرر ليها نفس الموقف💔))
فاطمة:يوم31/12.....يا ماما.. انا حاسه كانو البيت دا مرتبط بي تاريخ ميلادي... هههه ماعارفه لي.. بس عندي احساس بقوول لي كده
صفاء:ااا..دا كلام شنو يا بت جنيتي... انا بس بحب الحته دي ما اكتر... وقلتا ليك ح يجي يوم وتعرفي سر المكان دا شنو
فاطمه:طيب اسي الساعه11بليييز خلينا نرووس يا ماما... ارح االمول او اي مطعم نطفي الشمعه ونرجع البيت....والحارقني شنو.. انتي لي والداني يوم 31والساعه12الاربع كمان☹اسي كان عيد ميلادي ح يكون1/1...
صفاء:هههههه..مافرقت... غيريهو بس.... فرق ربع ساعه... بس لو تعرفي في الربع ساعه دي الحصل شنو... حياتي انا اتغيرت 180درجه..وحياة واحده تانيه انتهت في الربع ساعه دي
فاطمه:احم..حياتك انتي اتغيرت لاني جيت طبعا😌لكن دي
منو الحياتها انتهت دي... وعلاقتا بالموضوع شنو
صفاء:ااا..لالا م تأخدي في بالك.. انا.. انا بقيت بجيب خارجياات... يلا خلينا نمشي نتعشا عشان بكره وراك مدرسه... يلا
فاطمة:طيب
((مازن كان برا البيت مع اصحابو.. واخر صياااعه... اما نور مشت مع صحباتا مطعم..... ))
نور:طبعا المطعم دا بقدم لي اي شي مجان.. بس مجرد مايسمعوا بي اسم ابوي😌
روان:والله حظك يااخ.. ياريت لو كنتا اختك😍
نور:احلمي ساي😂👊
مروه:بطلي الكلام وقوومي اطلبي لينا شي ناكلوا
نور:طيب...
((وفي نفس الوقت جات فاطمه ومعاها صفاء نفس المطعم💔....))
صفاء:اقعدي هنا انا ح اطلب لينا شي ناكلوا
فاطمة:تمام...م تنسي توصي على الهوت شوكلت والتورته😁
صفاء:طيب
((ومشت وقفت جمب محل الكاشير ونور كانت قداما💔))
نور:يا الله انا لي ساعه واقفه.. لو سمحتا سرعه يااخ
.....:يا انسه بالدور
نور:دور شنو الانا ح انتظروا... انت ما عارف انا بت منو😡
......:لو سمحتي اهدي واقيفي في الصف
نور:مابقف حضرتك فاكر نفسك شنو علشان تتكلم معاي كده.. وكمان تقول لي اقيف في الصف.. شكلك جديد وماعارف انا بت منو
صفاء:استغفر الله.. يابتي ماتقيفي في الصف... ح تكوني بت منو مثلا.. ماعيب عليك الكلام دا....
نور:وانتي كمان منو. . علشان تدخلي في شي مابخصك😡...
فاطمه:كأنو في شي ما طبيعي.. دي منو البترفع صوتا على ماما دي...
صفاء:يابت احترمي سنك... انا اكبر من امك يمكن... اهدي شويه. .. ولو ادخلتا في شي م بخصني اسفه....بنات اخر زمن يااخ
نور:بنات اخر زمن قال... انا ما اي بت فهمتي... انا بت طارق النوري الحسن النوري... فهمتي ولا اعيد😡
((صفاء كانو كشحو فيها تلج..بقت ساكته وتعاين لي نور من فوق لي تحت... ومصدوومه... ))
صفاء:😳
فاطمة:ماما خير في شنو... انتي اتناقشتي مع زول ولا حاجه
صفاء:ااا.. لالا ماف شي.. يلا.. يلا نطلع من هنا... يلا
فاطمه:لا ثواني... انتي يا انسه مالك هايجه من قبيل ومتنفخه على شنو... وبعدين لو ما ااحترمتي الناس ع الاقل احترمي نفسك
نور:وانتي منو كمان
فاطمة:انا واحده ما بتتشرف انها تعرفك فهمتي... يلا يا ماما من هنا
نور:😳...شووف شووف...اما وريتك قيمتك االحقيقه يا متخلفه انتي😡
((ومشت لي صحباتا وهي زهجاانه زهج ما عادي💔وحكت ليهم بالقصه.. وقالوا ليها انتي غلطاانه... بس اكيد طبعا متعجرفه م اعترفت بي غلطها... فاطمه وصفاء مشوا مطعم تاني.. وكان خلاث السنه الجديده دخلت))
صفاء:بديتي سنتك بي مشكله.. الله يستر
فاطمة:هههه..دي واحده طايره ليها ساي... المهم انك تكوني ما اضايقتي
صفاء:واحده عندها بنوته زي القووومر كده وتقول اضايقت.. بجد اكون بالغتا.. كفايه انك وقفتيها عند حدها
فاطمة:ما كنت ناويه ادخل.. بس تصرفها معاك ومع بتاع الكاشير جبرني.. م بحب الظلم والانانيه انا
((صفاء عاينت ليها وابتسمت... قالت في قلبها.. :زي امك بالظبط في كل حاجه.... ماشلتي شي من ابووك غير العصبيه❤))
فاطمه:ماما..ماما سرحتي وين
صفاء:ااا..ولا محل... عادي... يلا خلينا نقوم.. الوقت اتأخر وانتي بكره وراك مدرسه.. وانا مستشفى
فاطمه:طيب يلاا يا ستي
((نور رجعت البيت ودخلت غرفتها.. وكل ما تتذكر طريقه كلام فاطمه معاها.. بتغضب زيااده... امها جات قعدت معاها وحكت ليها بالحاصل كلوو))
اميره:ماتاخدي في بالك
نور:لا😡انا البت دي لازم اادبها.. عشان تاني م تتعدا حدودا معاي...
اميره:وحتلقيها وين تاني
نور:انا لمن اخت زول في راسي بعرف القاهو وين😡💔
((طبعا الشافعه دي عمرها15سنه..اولى ثانوي... ما حلوه وما شينه💔مفتريه شديد😒👊....اما مازن عمرو17سنه..تالته ثانوي... وسيم نوعا ما.. طاايش.. وعندو عمايل بعملا ح نعرفا بعدين💔فاطمه وصفاء رجعوا البيت... بعد غيروا ملابسهم... فاطمه كانت ح تنوم جاتا صفاء.. وادتا هديتا.. كانت عباره عن سلسيل دهب رفيع... وراقي شديد❤😍))
صفاء:يلا كل سنه وانتي مبسووطه❤.... ويلا ع النووم
فاطمه:هههععه حاضر... بس يلاا وين حضني وبووستي☹
((صفاء،باستا وحضنتا شديد نزلت منها دمعه مسحتا سرييع..... بعدين طلعت من غرفة فاطمه...ومشت غرفتا وناامت..... اما عبدالله... كان واقف وماسك صوره قديمه وبتأمل فيها💔))
عبدالله:ياريت لو يرجع الزمن لي وراء بس... وانا ما كان خليتك مشيتي😔💔
يتبع.....
✏ننس🎀
