احببته بعقل ١٢

#احببته_بعقل
-١٢-
قبل المغرب لميس جات داخله،،،وليد قال ليها كنتي وين? قالت ليهو في السووق اشتريت حاجات،،،عاين ليها وقال اممم وينا الحاجات،،،ضحكت وقالت ليهو قصدي ماف شي،عجبني وجيت راجعهه،،،،وليد ماصدقا بس مشاها،،،قال ليها طيب،،،اتغدي وابدي جهزي نفسك ح نطلع بعد المغرب،،قالت ليهو طيب،

بعد المغرب كده،،،هيما استحمى واتظبط،،،قولته ليهو اكيد الحفله ح يجوو فيها بنات صاح،،،قال لي دا كلامك😂،،،،قولته ليهو هيما انا حاسهه انو بطني واجعاني ماتمشي وتخليني،،،قال لي هههه امي وميس قاعدين ماف شي بجيك،،،،وبعدين انتي عاوزه تلدي في السادس ولا شنو،،،قولته ليهو مامعروف😔بس ماتمشي،،،،قال لي ايناس😂ح امشي،،،بس يلا ماتخافي،،لانو قلبي ماح يسمح لي اشاغل بنات الناس وانا متزوج ستهم✋😌قولته ليهو ايوه طلسني كويس،،،ستهم قال😒قعد يضحك قال لي وربي ماطلس،،،بس،عاوز ابقى راجل مسؤول😂😂قعدنا شويهه كده باب الشقهه ضرب،،،هيما مشى فتحو،،،كان وليد بستعجل فيهو،،،،جااني راجع قال لي يلا نحنا ماشين،،،قولته ليهو ماتتأخر طيب😢قال لي حااضر حبيبي،،،وانتي اشربي عصير ونومي تمام،،،قولته ليهو تمام،،،،

فتحت الواتس لقيت رسايل من اينار،،،قالت لي انها بكره ح تمشي لي مها ومعاها الحاجات،،،قولته ليها امشي،،،،قالت لي ماح تجي معاي?? قولته ليها لالا،،،وسكتنا على كده،،،،مشيت المطبخ،،شربتا لي عصير ليمون،،،وقعدتا في الصاله بحضر وبقلب في القنوات،،،،لحدي ما نعستا،،،،،،،سمعتا صوت في السلم،،،كأنو بناديني،،،عاينتا للساعه كانت10،،،فتحت باب الشقهه والصوت كل مره نازل لتحت وبقل،،،بقيت متابعه الصوت وماشهه لحدي ماطلعتا بره البيت،،دا كلو وانا ماحاسهه بنفسي،،،،بس جاذبني الصوت،،،،،مشيت مساافهه طوويلهه،،،،جيت اقطع الزلط وقفت عربيهه قدامي كانت ح تضربني بس،ربنا لطف،،،،والصوت اختفى وانا هنا استوعبتا اني بره البيت،،،،الحمد لله كنت بالعبايه بس بدون طرحه💔،،نزل من العربيه عثمان،،،قال لي ايناس?? ماشهه وين في الساعه دي،،،طبعا بس بقيت واقفه وبعاين ليهو،،،مارديت،،عاين لي من فوق لتحت،،،قال لي انتي كويسهه?? قولته ليهو اي،،قال لي طيب طرحتك وين،،مارديت ليهو،،،قال لي طيب تعالي اوصلك،،،،استحاله تكوني مشيتي المسافهه دي كلها برجولك،،،،،ركبتا معاهووو،،،ووصلني لحدي البيت،،،قال لي ابراهيم ماشافك لمن طلعتي?? قولته ليهو ابراهيم بره البيت،،،قال لي اهاا،،،جيت انزل مسك يدي💔قال لي خلي بالك على نفسك،،،ابتسمتا ليهو ونزلتاا،،،،

طلعتا شقتي وكان نفس الصوت وحاسهه بأنفاس معاي في الغرفهه💔💔💔،،،بقيت ابكي،،،ماعرفتا اعمل شنوو،،،راقده ووبكي،،،حتى ماحسيت متين نومتاا ولا كيف،،،صحيت بحركهه هيماا،،،طوالي،قعدتا في نص السرير،،،قال لي انتي لسهه صاحيه،،،بس عاينتا ليهو وبكيت،،،هو زاتو استغرب فيني،،،جاا قعد جمبي قال لي مالك بتبكي😰قولته ليهو ماعارفهه،،،،هيما انا خايفهه يااخ،،،حاسه بإحساس غريب،،،،وبقيت ابكي،،،قال لي كدا بسم الله،،،،مالك،،،في شنوو،،قولته ليهو ماعارفهه،،،انا عاوزه اطلع من الشقهه دي،،،بقيت اكرهاا،،،قال لي ايناس كده اتنفسي كويس،وصلي على النبي،،،قولته ليهو عليه افضل الصلاه والسلام،،،قال لي الشقهه مالا،،،قولته ليهو مامرتاحه فيها،،،قال لي قربنا نتم فيها سنهه وبتقولي مامرتاحهه،،طيب السبب شنو،،،قولته ليهو هيما الله يخليك بدون سبب،،بس ماعاوزه اقعد هناا،،،،،هيما سكت سااي بس بقى يعاين لي بإستغراب،وانا كل ما امسح دموعي بتجي نازله براها،،،،،قال لي طيب نومي اسي شكلك تعبانه،،،وبعدين لسهه قاعده بالعبايه لي?،،قولته ليهو نسيت اطلعا،،،قومتا طلعتها ومشيت الحمام غسلتا وشي واستغفرتا وجيت طالعهه،،،قال لي،هديتي،شويهه،،،قولته ليهو اممم،،،قال لي تعالي،طيب،،،،رقدتا جمبو،،،قال لي يعني لو لقينا بيت غير دا نرحل طوالي صاح،،،قولته ليهو اي،،،،قال لي طيب عاوزه تسكني وين،،،قولته ليهو اي حتى ان شاء الله اسافر البلد،،،بس ماعاوزه اقعد هنا تاني،،،قعد يضحكك،،،قال لي للدرجهه دي مضايقهه،،،بس لازم اعرف السبب،،،امي ضايقتك ولا ميس،،،ولا لميس،،،منوو،،،قولته ليهو ناس بيتكم ماعندهم علاقهه،،،،انا بس كرهتا الشقهه دي،،،قال لي طيب،،،قولته ليهو الحفله كانت كيف،،،قال لي حلوهه شدييد،،،قولته ليهو والمزز،،،قال لي،جكس،نضييف😻😻ضربتو في كتفوو،،،قولته ليهو اتلمى ياخ😒قال لي،ههه وربي ماعاينتا ليهم حتى،،،بس وليد جازف ليهو رقم بت قررضهه بسيطه عليها😻❤️قولته ليهو حظوووو،،،،قال حظوو وبس،،اححح يااخ😢❤️❤️قولته ليهو هيما،،اسي،مش،قولته نعسان،،،،يلا اتخمد😒،،،قال لي،طيب طيب😂😂💔قال لي قبل انوم،،قولته ليهو اها،،،قال لي ح انزل الشغل الاسبوع الجاي،،،قولته ليهو كان ترتاح حبهه،،قال لي،لالا كفايهه كده،،،قولته ليهو اممم احسن،،،يلا نوم😒واحلم بي فاهم،،،،قال لي انتي اساس الحلم❤️😂،،،،،بعدها ناام،،،وانا ماجاني نوم خالص،،،،بقيت اسمع في الاصوات والانفاس،الطالعه من المطبخ،،،كأنو ناس،بتونسوا ولا حاجهه،،،غمضتا عيوني،شديد،،،،ومسكتاا في هيماا،،،،

تاني يوم الصباح،،،كان يوم جمعهه،،،بعد هيما قرا لي السور،،،،كان عندي شغل طلعتا بدري،،،ومشيت،،،،نسووان التقول صارفنهم صرف😂😂💔كلهم عاوزين حنهه،،،،،حننتا اتنين كبار قدر ماما كده،،،،لمن جيت امسك التالته،،واحده فيهم قالت لي،،،اسي ببطنك دي يابتي مابتتعبي،،،قولته ليها بتعب والله،،،بس ماكتير،،،وبعتبر الحنهه دي تسليه،،،قالت لي هاا ربنا يحلك بالسلامهه،،،قولته ليها تسلمي،،،التانيه قالت لي في الشهر الكم،،،قولته ليها دخلتا السادس يادوب،،،قالت لي كوويس،،،شكلهم تؤام،،،ماشاء الله،،،قولته ليها لالا بت،،،بس،عشان انا سمينهه شويهه😂😂😂💔،،،قالت لي هههه اي جسمك سمح ماشاء الله،،،،ظريفات يااه،،،حبيتهم عشان قالوا ماشاء الله😂😂😻😻❤️،،،،،،،الساعه8هيما اتصل علي،،،قال لي ووينك،،،الزمن ناسيه انو الليله العرس،،،قولته ليهو ماناسيهه،،،،قربتا اخلص وبجي،،قال لي،طيب،،،،طبعا مدام ليلى والبنات ظبطووني😻😻😻❤️،،،،مدام ليلى لبستني توب من المحل،،،احمر بدهبي خطييييير،،،ولبستني الدهب حقهاا،،،،بعد خلصتا،،قالت لي عيني بارده،،،طالعهه عسسل ماشاء الله،،،وجابت البخور بخرتني،،،وختت لي كمون في الكاريناا،،،قولته ليها ههه حسيت نفسي عروس،عروس،،،قالت لي لولا البطن الخاربها عليك دي😂😂💔كان قالوا عرووس،شهرين.😻😻😻❤️قولته ليها ع العموم تسلموا لي يااخ😻😻،،،قالت لي دا الواجب❤،،،ركبتا امجاد،،،ووصلتا البيت،،،،،

لقيتهم كلهم جاهزين بس مستنيني،،،،ميس قالت لي قرضناا😻ما اتعرفنا😂💔خايفاك تطفي العروس،،،،هيما قال لي اتأخرتي،،،وهو ببتسم سااي😂😂😂،،،،،وليد،قال ليهو سوق عربيتي وانا بمشي مع ناس،ابوي،،،قال ليهو العربيه بتشيلكم?? قال ليهو اي ماتخاف😂،،طلعنا انا وهيما عربيه وليد،،،وشلتا من ميس علووش،،،،،بعد اتحركناا،قال لي معقوله يا ناس في جمال بالشكل دا😻😻قولته ليهو اي في😂😂قال لي خايف تطلعي نجمهه الحفلهه،،،قولته ليهو اصلا✋😌،،،،علوش كان ببكي بقيت اشاغل فيهوو،،،هيما قال لي عقبال تشاغلي بتناا كده،،،قولتهه ليهو امييين يارب،،،،

وصلنا الصاله،،،هيما شال مني علوش،،قال لي كفايهه عليك بطنك😂💔،،،حمرتا ليهو،،،ودخلناا،،،،ناس امو كان لسهه ما وصلوا،،،،اينار شافتنا واشرت ليناا،،،مشينا قعدنا معاها،،،كان معاها ايهاب،،،قولته ليها ماما ما جات لي?? قالت لي مشت لي ناس حبوبهه،،،ونحنا طلعنا وهي،لسهه ماجات،،قولته ليها اهاا،،،،قالت لي مشيت لي مها بس قالت لي اتأخرتي،،،والعمل صعب يتفكا،،،قولته ليها ههههه جاك كلامي،،،كذب المنجمون ولو صدقووا،،،قالت لي اي والله،،،،،،شويهه وناس،ميس جوو،،،طبعا لميس،لابسهه ليها فستان. ع الجسم وفاكا شعرهاا،،،،قولته لي اينار عايني،صحبتك،،،،قالت لي حلاتا😂💔،،،،،العرسان جوو،،،والرقيص والهجيج💃💃💃💃💃💃💃💃،،،،ماسكه هيما من يدو،،،غايتو جنو حفل ورقيص😂😂💔قولته ليهو امشي بشر بس،وتعال،،،رجلك مابتتحمل😒اينار قالت لي رجلو ولا خايفه من المزز😂😂،،،،،هيما قال لي ارح معاي،طيب،،،مسكني ومشينا بشر للعريس،،،،وسلمنا عليهم وباركنا ليهم وجيناا قعدنا،،،جاتني واحده من النسوان القبيل حننتهم،،،قالت لي عاد ماشاء الله،،،العروس بتبقى ليك مش😻😻😻،،،قولته ليها بت خال راجلي،،،قالت لي اهاا،،،،انا ببقى لي حازم خالتو باللفهه،،،قولته ليها تشرفنا والله،،،قالت لي البت الجنبك دي منو بتعرفيها?? قولته ليها دي اختي الاصغر مني،،،قالت لي حلاتا ماشاء الله،،،،عيني بارده عليكن،،،قولته ليها تسلمي،،،قالت لي والله هةعجبتني ياخ،،،عايني الجوطهه ماح تسمعيني زي الناس،،،جيبي اسجل ليك رقمي،،،،اديتا التلفون سجلت رقما،،قالت لي انا خالتك عفاف،،،قولته ليها تشرفناا،،،قالت لي الشرف لي،،،بس عليك الله اول ماتفضي اضربي لي،،،قولته ليها حاضر،،،ومشت،،،اينار قالت لي دي منو وعاوزه شنو،،،قولته ليها بطلي شمارات😂😂،،،،

الحفله خلصت واينار وايهاب قال ح يوصلهم حذيفهه،،،قال ليهم ماترجعوا بأمجاد،،،لميس قالت ليهو اي صاح يا استاذ حذيفهه الدنيا ليل،،،قال ليها استاذ شنو خلاص بقينا قرايب هههه،،،لميس قالت لي اينار بينا تلفون،،،وودعتا،،،،رجعنا البيت طبعا هلكانين،،،،وانا قلبي دا بضرب،،،من المصايب الكل فتره وفتره بتحصل لي دي💔💔💔،،،،،دخلنا شقتنا،،،هيما قال لي انا جعان،،قولته ليهو في اكل في التلاجه،، اغير واسخنوو ليك،،،غيرتا ملابسي،،،،،ومشيت المطبخ،،طلعتا الحلهه،،،،وختيتا في النار،،،بس شويهه سمعتا لي صوت موسيقى،،،،موسيقى قريبه لبتاعت الكنايس البنسمعا في الافلام دي،،،،بقيت اتلفتت وماعرفتا مصدر الصوت،،،،بلعتا ريقي،،،،وبقيت اقنع نفسي انو دا خيال ما اكتر،،،،بس،الصوت كان جمب اضاني وكأنو في زول واقف وراي💔💔عاينتا وراي براحهه،،،ماكان في شي،،،،الموسيقى وقفت،،،بس كان لسهه في انفاس،طالعهه،،،،وصوت مبحوح زي زول ببكي،،،انا طوالي بقيت ابكي واشهق بأعلى صوت،،،وكل ما ابكي بصوت،،،صوت الانفاس يعلى،،،،هيما جاا مخلوع،،،لقاني ببكي،،،والحله حرقت،،طفاها،،،،قال لي ايناس انتي كويسهه،،،بتبكي كده لشنوو،،بطنك واجعاك ولا حاسهه بإي الم،،،قولته ليهو عاوزه امشي بيتنا،،،ماعاوزه اقعد هنا تاني،،،بس،طلعني من هناا،،،،هيما طلعني يااخ😭😭😭😭😭💔