#على_المحك
-٢٥-
طبعا اتوترتا ودخلتا في حاله تانيه خالص💔💔لبستا عبايتي،،وما صحيت اي زول من ناس البيت،،عقلي كان بودي ويجيب💔💔،،،خليت آن نايمه جنب هديل💜،،،وطلعت ركبتا لي ركشةة،،،،،وصلتا المستشفى ووشي مورم من البكا💔💔،،،لقيت نزار تحت،،،جريت عليهو كان شايل دان في كتفوو،،،قولته ليهو نِزار،،ذ،،ذان،،،ذان مالا💔؟!،،،قال لي ماعارف،،ليها فترة مابتاكل زي الناس،،،وطبيعي بتشكي من الم في يدينا أو رجولا💔💔،،،قولته ليهو وليه ما كلمتني من الوقت داك،،،اسي هي وين💔💔؟قال لي الدكتورة بتفحص ليها،،،وقبل نص ساعه عملت ليها فحص دم💔،،،قولته ليهو ط طيب نتيجه الفحص طلعت؟!،،،قال لي بعد نص،ساعه ح تطلع،،،قولته ياربي اشفيها لي وماتوريني فيها شر يارب،،يارب❤❤،،،،دان قالت لي ذان كم مرة اتجلحت(اتجرحت) في انفها،،قولته ليها كيف يعني💔💔💔💔،،وليه ما كلمتي بابا،،،قالت لي التلام(الكلام) دا في اللوضهه(الروضه)،،،،،بعد شوية الدكتورة طلعت ماسكه يد ذان،،،،،أول ما ذان شافتني جرت علي،،،حضنتها وبوستها❤ قولته ليها حبيبتي مشتاقين❤،،قالت لي تتييير(كتيير)،،،قولته ليها حاسه بألم او اي حاجه💔💔،،انتي كويسه صاح؟،،هزت لي رأسا بمعنى لا💔،،بعد شوية الدكتورة قالت لينا لو سمحتوا عاوزة اتكلم معاكم،،خلوا الاطفال مع الممرض❤،،،مشينا انا ونزار مكتب الدكتورة،،،،،،الدكتورة قالت لينا طبعا زي ماعارفين انو اي حاجه مقسومة ومكتوبه،،،واكييد لما ربنا يبتلينا بحاجهه،،بكون عايز يختبرنا،،وربنا مابيبتلي الا الشخص اللي بحبووو😊❤❤،،انا أعصابي باظت،،بقيت اعاين لنزار وأنا بحاول ما اسمع كلام الدكتورة الجاي💔💔،،،نِزار مسك يدي وقال للدكتورة واصلي،،،قالت لينا مع الاسف،،بتكم مصابه بال #كانسر،،،،،طبعا لما قالت كده بقيت اعاين ليها بعدم تصديق💔💔💔قولته ليها انتي مجنونه،،دا شنو البتقولي فيهو دا،،،لا طبعا مستحيل💔💔مستحيل يكون عندها المرض دا،،انتي دكتورة فاشله💔💔نزار قوم،،ق،،قوم ما تسمع كلاما،،،اكيد شخصت غلط،،،نِزار الله يخليك قوم😭💔💔نزار بس كان بقول لا اله الا الله،،،استغفر الله،،،استغفر الله💔💔قولته ليهو نزار دي،بتكذب علينا،،أنت صدقتا💔💔بتي كويسةة،،انا متأكده انو بتي مافيها شي💔💔،،،ح تبقى كويسهه،،دا،،دا مجرد تعب بس💔💔،،،وقومتا طلعتا من مكتب الدكتورة،،،،لقيت بناتي بلعبوا مع الممرض،،،،مسكتهم من يدينهم وطلعت من المستشفى💔💔وقفتا لي ركشة وكنتا ح اركب،،،جا نزار جراني من يدي،،قال لي بتاع الركشة ما ماشين شكرا،،،قولته ليهو نزار انا عاوزة أمشي،،،الدكتورة دي كذابهه،،،وتشخيصا غلط💔💔💔💔،،،قال لي ايناس،،،الكلام دا صاح،،،ودا الواقع،،،بدل تقعدي في حاله عدم تصديق،،المفروض تفكري ح نعمل شنو ؟💔💔،،،قولته ليهو نِزار ما تقول كده💔💔،،،طيب عشاني،،خلينا نوديها لدكتور تاني😭💔💔،،،عليك الله،،،قال لي طيب طيب،،،أهدي شوية،،،بكرة الصباح ح نوديها،،،يلا ارح نرجع البيت،،،قولته ليهو نوديها اسي بس،،عاوزة اطمن انااا😭💔💔💔قال لي إيناس اسمعي الكلام،،،،الصباح رباح،،،حتى انا نفسي الكلام دا يطلع كذب💔،،،،،،بس ممكن نمشي الصباح،،عايني لبناتك،،وقوف ماقادرين يقيفوا💔💔تاني نوديها مستشفى،،في رأيك دا ما تعب؟،،،المهم اقنعني💔ركبنا العربية،،وركبتا بناتي معاي قدام،،،،بقيت حاضناهم وببكي💔💔نزار ماعرف يركز معاي ولا مع سواقتو💔💔،،،وصلنا البيت،،،نزلنا،،،ذان كانت نايمة💔،،دان بس صاحيه،،قالت لي آن وين؟،،قولته ليها خليتا مع ناس حبوبتك،،بكرة بمشي ليها،،نزل قال لي نمشي نجيبا ونجي❤،،،شال ذان رقدا في،سريرا،،،ودان رقدت جنبها💜قالت لينا عسان لو ثحت بليل💔😢،،،لما عاينتا ليهم الاتنين مع بعض ما قدرتا امسكك روحي💔💔،،مشيت غرفتي ودخلتا الحمام،،وقعدتا أبكي💔💔💔نِزار جاا لاحقني،،قال لي إيناس،،،إيناس افتحي الباب،،،قولته ليهو يا نزار ماعاوزة بتي تموت😭💔💔،،،قال لي ان شاء الله ما ح ما ح تموت،،،حسيت بيهو هو زاتو مخنوق وزي الببكي💔💔فتحتا الباب لقيت دموعو نازله،،،قولته ليهو كلام الدكتورة ماصاح،،،صدقني ذان كويسهه،،مافيها شي😭💔💔،،ضماني وبقى يبكي😭💔💔قال لي شوفتي ربنا بعاقبك بأي طريقة،،،،شوفتي انو حق الطفل ما ح يروح ساااي💔💔قولته ليهو والله ماكان قصدي😭💔💔،،،طلبتا من ربنا يسامحني ويغفر لي😭💔ولسه ح اطلب ما ح اإيأس💔💔💔،،،فكاني وزحاني منو💔💔،،،،مسح دموعو وقال لي ربنا ابتلااك في بتك💔،،،،،ادعي انو ربنا يشفيها بس💔💔،،،،،،قضيت الليل كلو من غرفتي،لغرفه بناتي💔💔،،ونزار كان داخل قوقل،،ويسأل عن اعراض المرض وعلاجو الطبيعي وكلام كتير💔💔💔
الصباح💜،،،،،نزار صحى من النوم،،جاا لقاني نايمه في غرفة بناتي💔💔،،،صحاني وقال لي اجهزي وجهزي البنات،،،قولته ليهو ليه؟؟،،قال لي نوديهم بيتكم،،نخلي آن ودان،،ونسوق ذان ونمشي للدكاترة المعروفين❤،،قولته ليهو طيب،،،لبستا ولبستا بناتي،،طلعنا الشارع لقينا الاء جات،،سلمت علي وقالت ياخ مشتاقين والله😍😍،،قولته ليها كتير،،قالت لي مال
ك،،،شكلك ما عاجبني😪،،،ما رديت ليها بس بقيت أبكي💔💔قالت لي،بسم الله يازولة مالك،،،قولته ليها ذان،،ذان تعبانه يا الاء😭💔💔،،،قالت لي مالا ؟،،،،فيها شنو حبيبتي،،،قولته ليها سرطان!💔💔قالت لي،بخلعه شنو😳،،سرطان😳😳،،،قولته ليها اي😭💔💔💔،،، بس بقت تبكي،،لما نزار طلع بعد قفل البيت،،الاء قالت ليهو صحي،يا نزار الكلام البتقولو إيناس دا؟،،،نزار هز ليها راسو بمعنى ايوه💔💔،،،،،ختت يدها على خدها وبقت مصدومه💔💔💔نزار قال ليها بس ح نمشي لي كم دكتور،،،،ادعي انو يطلع ماعندها💔💔،،نزار قال لي يلا ارح،،،طلعنا،،،والطريق كلو ذان تقول لينا جسمها بوجعها💔💔💔،،،قولته ليها ماتركزي معاهو،،اسي ببرد وبخليك💜،،،،قالت لي حاضل❤،،،،وصلنا بيتنا،،،،نزار نزل وشال دان وأنا كنتا شايله ذان،،،،،فتح لينا الباب ابوي❤،،،نزار قال ليهو ياحاج كييفك،،ابوي قال ليهو نزار ياولدي وين انت منقطع مننا،،انا كويس وانت،،قال ليهو تمام،،،ابوي قال لي معقولة يا إيناس تطلعي بدون تكلمي زول،،وتلفونك مقفول،،،ماعرفنا نفتش عليك وين بالظبط،،إلا نزار كتر خيرو اتصل علينا وكلمنا إنك مشيتي بيتك،،،قولته ليهو آسفة،،،دخلنا جوه،،طبعا ابوي أعتذر لنزار بالنيابة عني،،في موضوع ريان!💔💔،،ونزار دا دخل جوه ضفورو من الخجل💔💔قال لي ابوي ولا يهمك يا حاج بتحصل💜،،،،أما انا فكلمتا ناس أمي بموضوع ذان💔💔وفتحنا بيت بكى عديل!💔💔💔😭،،،،أمي قالت لي ربنا يشفيها ويعافيها،،بتي الصغيرة ماتستاهل يايمه💔،،هديل قالت لي اتأكدو من كم دكتور قبل تخطو اي خطوة💔قولته ليها اي ح نمشي اسي،،،وين آن؟،،قالت لي صحت ورجعتا نومتها💜،،،قولته ليها طيب نحنا ماشين اسي،،خلو معاكم دان،،،،،هديل قالت لي كويس،،دان حلفت ماتقعد وقالت الا تمشي مع ذان💔💔لما لقيناها مصره انا وابوها سقناها❤،،،،ابوي قال لينا ربنا يطمنا عليها💜،،،،أمي قالت لي لمن تصلوا هناك وتشوفو الحاصل اضربو لينا💔💔قولته ليها طيب،،،،،
انا ونزار لفينا أكتر من خمسه مستشفيات💔💔💔واي دكتور اشطر من التاني،،وكلهم قالوا لينا مرض ذان،،،سرطان في دم💔💔💔طبعا انا بقيت قاعده وسرحانهه،💔💔💔،،،نزار وصلني البيت مع بناتي،،وهو مشى جاب آن من بيت ناس أمي،،،،،،،مرت علينا فترة وكانت اصعب فترة في حياتنا كلنا💔💔💔كنتا بشوف بتي بتتوجع ومابكون عارفة اعمل ليها شنو💔💔💔،،،،وقفتهم من الروضة،،لانوو ذان بقت تشكي من مفاصلا كتير💔💔💔،،،والدكتورة بدت معاها جلسات الكيماوي💔💔💔وشعرها بدأ يخف شديييد💔💔💔،،،وكل يوم تسألني سؤال واحد،،وهو انا ليه شعري مازي شعر دان😭💔💔💔💔،،ماكنتا بقدر اجاوبا💔💔💔،،،كنتا بحاول اشغلها بحاجه تانيه علشان تنسى💔💔،،،،،وعلاقتي مع نِزار لسه متوترة💔💔💔💔،،،لجين كانت كل يوم ولا يومين بتجي لبناتي وترجع❤بتخلي بينا بريان،،،طبعا بتعاملا اسواء معامله💔💔💔💔💔
في يوم الاء جاتني،بالمساء هي خالتو كوثر،،،اتونسوا معاي وحاولوا ينسوني مرض ذان شوية💔💔،،،قولته لخالتو كوثر نور كيف مع الحمل؟،،،قالت لي دخلت في الرابع اسي،،،تعبانه تعب شديد،،قولته ليها ح تطلع من بيت الحبس متين؟،،قالت لي الأسبوع الجاي،،،قولته ليها ياحليلا ياخ،،قالت لي اها ذان اسي كيف؟؟،،قولته ليها انا حاسه انو حالتا ماشه لاسواء😭💔💔💔الاء قالت لي ياخ ربنا يشفيها💔😭،،،قولته ليها امين يارب،،بس الحمد لله على كل حال،،ياريت لو بقدر اخلي الناس دي كلها تدعي ليها،،،يمكن ربنا يقوما لي بالسلامه😭💔💔💔،،،الاء قالت لي بتقدري،،،،،قولته ليها كيف،،قالت لي يا بت انتي ناسيه إنك مذيعه،،،حاولي شوفي صحباتك القدام وخليهم يستضيفوك في اي برنامج،،اتكلمي عن مرض بتك،،صدقيني الفكرة ظريفه،،،عاينتا ليها مسافةة،،،قالت لي فكري فيها،،شوفي كم زول ح يشوفك ويدعي لطفله مريضه بالسرطان عمرها مابتجاوز الخمسه سنواات💔💔💔بقلم ايناس ادم ننس تمدين
