#موطني
-٧-
عبدالله:اولا م تنفعلي😊ثانيا امك ماح ترد طالما انا ماعاوزها ترد فهمتي😊
فاطمه:لا والله😒...ماما اتكلمي كنتي عندو لي؟
عبدالله:بما انو امك عندها خبره في التمريض وكذا.. وليها سنين شغاله.. انا كان عندي عمليه وكنت عاوزها تساعدني.. اتصلت ليها وجات ساعدتني وماقصرت... وهناك نست محفظتا دي كل القصهه فهمتي😊
فاطمه:طيب لي قلتي لي انك في محل شغلك... لي كذبتي علي
صفاء:اا..لانو لو كان قلتا ليك اني مع دكتور عبدالله.. كنتي افتكرتي اني تعبتا عشان كده ماحبيت اكلمك بس
((فاطمه حضنت امها❤))
فاطمه:تاني مره كلميني... تمام
صفاء:طيب..
بتاع الامجاد:الحساب يا استاذه
صفاء:اا نسيت
عبدالله:لا خليهو
((عبدالله دفع ليهو وبتاع الامجاد اتحركك.....))
صفاء:شكرا ليك☺
عبدالله:دا الواجب...
فاطمه:يلا يا ماما نطلع فوق😒...
صفاء:انتي اطلعي.. انا ح اتكلم مع دكتور عبدالله وبلحقك... طيب
فاطمه:طيب
((وكانت صاره وشها لي عبدالله.. وهو بعاين ليها بي نفس نظرات المره الفاتت...طلعت فوق وهي بتكلم براها))
فاطمه:اووف..المتخلف دا بعاين لي كده لي شنو😤بحس انو فيني شي غلط👋🏻😒اهبل خلاص
((صفاء شكرت عبدالله لانو نجاها من اسئله فاطمه.. وودعتو وطلعت... ))
فاطمه:لي ما كلمتيني انك مشيتي ليهو😒
صفاء:هعهه..عشان عارفاك ح تعملي لي سين وجيم...انا كويسه م تخافي... امم
فاطمه:طيب..بس تاني مره لمن تمشي كلميني امشي معاك.. بخاف عليك من الوحش دا
صفاء:😂😂😂👋🏻بقيتي وحش عديل كده
فاطمه:اي🐸✋ ماشايفه نظراتو لي مريبه كيف😒😒👊👊
صفاء:ههههه والله انتي...... بالعكس بتشاف مسكين
فاطمه:مسكينه بتك يختي🐸✋
صفاء:👊😂😂طيب يا مسكينه.. انا ميتهه جووع ممكن تعملي لي شي اكلو
فاطمه:عيوني ليك
فاطمه:يسلموا لي😍
((عبدالله كان في العربيه وماشي بي اقصى سرعه.. وزهجاان ومتنرفز شديد..وقف العربيه ونزل))
عبدالله:انا مضايق لي.. انا استفزيتا ما هي.... وحتى لو استفزتني.. من متين انا بفرق معاي... من متين بهتم بي بت... ولي بتهمني طريقه كلاما سوا عني او عن غيري💔...ولي مابحب اشوفا بي ملابسا دي((قصدو عدم لبسها للطرحه))...اووف استغفر الله..
((ورجع دور عربيتو ووصل البيت. لقى اميره سلم عليها ماردت... طلع فوق لقى نور نازله سلم عليها ردت بي برود💔دخل غرفتو ادوش وجاا رقد))
عبدالله:انا لازم افاتح عمي اني قررتا اسكن براي.. لانو دي ماعيشه دي... بس ح يوافق.. انا ح احاول اقنعوا بي كل الطرق لازم اقنعوا...
((فاطمه عملت لي امها الغداء وقعدت تأكل فيها...))
فاطمه:ح اخليك تخلصي الاكل دا كلو
صفاء:انتي اكلتي
فاطمه:لمن تشبعي انتي انا ح اشبع❤
صفاء:ربنا يحفظك يابتي..
فاطمه:ويحفظك ويصوونك وينور دبرك وتلقي ود الحلال اليستاهلك يا صفاء😍👋🏻
صفاء:يابت هوي😒👋🏻ود حلال شنو تاني
فاطمه:مالك يا جميل.. انت لسه صغير والعين عليك😉
صفاء:بطلي حركاتك دي..يا ابطل الاكل😒👋🏻
فاطمه:لا خلاص😂😂
((عبدالله كان مستني عمو لحدي ما جاا.. اول ما دخل البيت عبدالله نزل ليهو في غرفه المكتب وقال عاوزوا في موضوع ))
طارق:خير يا ولدي
عبدالله:صرااحه يا عمي انا قررتا قرار.. وياريت م تعارضني فيهو.. ولو انت وافقتا انا بالجد ح اكون شاكر ليك😊
طارق:موضوع شنو يا ولدي... خير ولو في يدي حاجه أكيد ماح ارفض طلبك
عبدالله:خير..صراحه كدا يا عمي انا قررتا اسكن براي...
طارق:تسكن براك؟لي اميره قالت ليك شي.. ولا نور.. او مازن...
عبدالله:لالا يا عمي.. بس دا قرار وانا اخدتو. وياريت ما تعترض... بس بالجد انا محتاج اكون براي... لو سمحتا
طارق:والله يا عبدالله.. ماعارف اقول ليك شنو.. بس كده انت قول لي.. قررتا كده بناء على شنو؟؟
عبدالله:انا ماعاوز ابرر ليك ممكن؟بس لو سمحتا وبعد اذنك انا عاوز اسكن براي.. اظن كده اسلم لي واسلم للبقيه😊
((طارق فهم قصدو. وماحب يضغط عليهو ووافق ع طلبو.... عبدالله انبسط شديد وطلع غرفتو))
عبدالله:كده احسن لا ح اضايق زول.. ولا زول ح يضايقني... بس لازم القى لي شقه مناسبه وارحل الاسبوع الجاي على طول...
((تاني يوم الصباح❤فاطمه ما كان عندها مدرسه لانها نازله لغه عربيه يوم الاربعاء...صحت ادوشت في البرد داك🐸وصلت.... وراجعت شويهه بعدين قامت نضفت.. امها اتجهزت ومشت المستشفى محل شغلها... اما بالنسبهه لجلسات الكيماوي فكانت كل اتنين واربعاء...))
صفاء:يلا حبيبتي ذاكري كويس.. وفي بطاطس في التلاجه اعمليهو وافطري تمام
فاطمه:طيب حااضر.. انتبهي ع نفسكك
صفاء:وانتي كمان❤
((وباستا في خدها وطلعت......فاطمه بعد خلصت نضافتا اتصلت على اروى مكالمتين ماردت... والجوو كان بارد.. لفحت ليها توب وطلعت.. وكالعاده خاتاهو في اكتافا بس🌝وصلت بيت ناس اروى وضربت الباب فتح ليها رامي))
فاطمه:سلام
رامي:وعليكم السلام.
فاطمة:اروى موجوده
رامي:ايوة جوا..
((ودخلت ليها... لقتا نايمه))
فاطمه:انتي يا مقفله النايمه ليها شنو😒👊اروى🗣
اروى:😳ههاا..تام.. مالك يابت في شنو😴
فاطمه:شن ملوي🐸👊بتصل مابتردي مالك
... قومي ارح معاي بيتنا.. عشان نقرا العربي👋🏻🌝
اروى:اي صحي نسيت... طيب انتي امشي.. انا بتسوك وبشرب الشاي وبجيك
فاطمه:لع😒👊👋🏻البسي عبايتك وارح قدامي.. اتسوكي هناك😒👊
اروى:يا الله من النضمي.. تام طيري من خلقتي بتسوك وبجيك😒👊
فاطمه:طيب بس 10دقايق والقاك في خلقتي
اروى:تمام
((صفاء،مشت المستشفى ومارست شغلها عادي.بس المساء... فجأه حست بي راسا تقيل،ونفسها بقطع... طوالي شالت تلفونا واتصلت على دكتور عبدالله..وحكت ليهو))
عبدالله:طيب انتي وين
صفاء:يادكتور انا.في مستشفى()...
عبدالله:طيب اتحركي بي امجاد ولا اي شي تعاليني.. شكلي لازم اكثف ليك جلسات الكيماوي...
((وفعلا صفاء طلعت واخدت ليها امجاد.. وصلت المستشفى.. طبعا بقت عارفه انو دي مستشفى طارق...بس ماعارفه العلاقه البتجمع طارق وعبدالله..... وصلت وكانت تعبانه شديد... لحدي ماوصلت الغرفه بتاعت عبدالله.. كان ظاهر التعب في وشها... عبدالله سندها وقعدا في الكرسي))
عبدالله:صدقيني الورم دا ح يأذيك.. وجلسات الكيماوي براها م بتقدر عليهو... لو سمحتي لازم تعملي العمليه
صفاء:لالا..انا.. انا م عاوزه اعملا
عبدالله:لو على التكاليف انا مستعد...
صفا:يادكتور القصه م كده... انا م عندي الرغبه اعيش اساسا... فخليني كده اموت بالبطي
عبدالله:ع فكره دا اسمو انتحار... انتي فاهمه يعني شنو يكون في يدك العلاج وترميهو.... لو سمحتي حاولي افهمي العمليه دي ح تفيدك.. وبعدين م تنسي عندك بتك محتاجاك❤
صفاء:دكتور..انا م عاوزه اعيش ولا ناويه اغير قراري... بعد اذنك
عبدالله:استني..شكلك تعبانه شديد.. انا ح اوصلك
صفاء:لا ياولدي م تتعب نفسكك
عبدالله:انتي قلتي ياولدي.. معناها ماف تعب.. يلا
((وركبوا العربيه...اما فاطمه واروى تقريبا خلصوا العربي.. واروى مشت بيتهم... وفاطمه بقت مستنيه امها تجي... عبدالله وصل صفاء،لحدي باب العماره))
صفاء:اتفضل اشرب شي ياولدي
عبدالله:لا مره تانيه يا خاله تسلمي...
صفاء:طيب شكرا مره تانية..
عبدالله:اا معليش بس يا خاله دقيقه
((ونزل من العربيه... ))
عبدالله:ا..مابلقى لي شقه فاضيه في عمارتكم دي
صفاء:والله يا ولدي...في شقه واحده بس فاضيه اللهي قصاد شقتنا... بس صاحب البيت تقريبا قال عاوزه لي ولدو... مامتأكده.. بس تعال اطلع معاي... بتو ساكنه في الشقه الفوق لينا... بطلع معاك اسألا واستفسر لو عندك زمن يعني
عبدالله:اي عندي اتفضلي
((وطلع معاها فووق...وصلت شقتها وضربت الجرس))
صفاء:دقيقه بس اخت شنطتي دي واطلع معاك
عبدالله:طيب..
((فاطمه فتحت لي امها الباب))
فاطمه:كل دا تأخير...
صفاء:احم..
فاطمه:😳دا تاني
صفاء:ختي الشنطه دي جوا.. انا طالعه مع دكتور عبدالله لي تسابيح دي وجايه
فاطمه:طيب
((صفاء،طلعت معاهو فوق.. وضربت الجرس فتحت ليهم تسابيح سلمت عليهم وضيفتهم... وعبدالله حكى ليها انو محتاج لي شقه ضروري....))
تسابيح:والله احتمال تكون الشقهه دي من نصيبك.. لانو اخوي القال عاوزها اتزوج وسافر السعوديه.. انا بكلم ابوي... وبوري خالتو صفاء الرد ان شاء الله...
عبدالله:طيب تمام
صفاء:عليكك الله يابتي كلميهو.. والله دكتور عبدالله دا طيب ومنضبط في مواعيدو.. ح يدفع اول بي اول😊
تسابيح:طيب ان شاء الله
((وطلعوا من عندها... لمن نزلوا الطابق بتاع شقهه صفاء.. لمحوا فاطمه واقفه في السلم))
صفاء:الموقفك كده شنو
فاطمه:مستنيااك...
عبدالله:طيب بعد اذنك يا خاله صفاء.. ولوو وافقوا او رفضوا ياريت تديني خبر
صفاء:طيب ان شاء الله يا ولدي
((عبدالله حمر لي فاطمه... وهي زاتا حمرت ليهو.. مع انها ماعارفه مشكلتو معاها شنو😂😂👊ودخلت مع امها شقتهم))
فاطمه:الجابوا شنو تاني😒
صفاء:اتصل علي وقال عاوز ليهو شقه
فاطمه:لييي.. شايفك سمسار🐸👊👊
صفاء:يابت😒هو اتصل وانا عارفه انو الشقه الجمبنا فاضيه.. اقول ليهو لا😒👊
فاطمه:لالا ما صاح.. انسينا منو... ان شاء الله عمو علي يرفض يأجر ليهو😁✋
صفاء:يابت بطلي الحقد الفيكك دا😒👊
((مروا اسبوعين... وفاطمه خلصت امتحانات.. وصفاء حالتا ماشه لي أسواء...واروى اتقدم ليها رامي وابوها وافق ولبسو الدبل. .بعدين ساافر.. حصل دا كلو واروى ما كانت مستوعبه شي. . ونياز وشهد وفاطمه طول الوقت كانوا معاها. بحااولوا يصبروها. . وبقولوا ليها شهرين بس وقولي لي ابوك انك ما عاوزاهو.وما كلمت مازن لسه..اما عبدالله.. وافقوا ليهو على الإجار... وكلم عمو... وبدا يرتب في حاجاتو. ويلم في غرفتو والحاجات المحتاج ليها))
مازن:ياود العم... والله ما كان في داعي ترحل.. انت عارف امي ونور.. معاملتهم كده
عبدالله:ههعه..انا م راحل بالسبب دا.. انا عاوز اعيش براي...صدقني كده احسن... بس انقل معاي الحاجات دي للعربيه😅
مازن:طيب..
((ونقل معاهو الحاجات... وهناك صفاء بتقنع في فاطمه عشان تنضف معاها الشقه.. اساسا الشقه مفروشه بس كانت محتاجه نضافه))
صفاء:يعني ماعاوزه تقومي صاح😒طيب بنضفاا انا
فاطمه:يا الله يا ماما يااخ... م تقربي على الغبار انتي لسه تعبانه.. انا ح انضفه
ا.. بس انتي ارتاحي
((فاطمه ربطت شعرا ودي اول مره تربطوا بي طرحه.. وبدت تنضف في الشقهه..كانت عباره عن غرفتين.. وصاله.. وحمام ومطبخ))
فاطمه:والله دا الفضل.. انضف للوحش شقتو😪💔😷😷👊
((بتنضف وتتكلم وتونس في روحا... وهناك عبدالله نقل حاجاتو المهمه.. ونزل ودع ناس البيت. وهو ماعارف مصيرو موديهو وين....وصل الشقه.. وبدا ينقل في حاجاتو... فاطمه كانت في الغرفه..وهو وقف في باب الغرفه.. وطبعا هي ما لاحظت ليهو😷))
فاطمه:يعني الدكتور دا قصتو شنو... ساب بيتهم وجاا يسكن هناا براهو.. اكيد طبعا عندو فهم وسخان اتجاه الشقهه دي... ماكنت متوقعاهو بالقذاره دي.. معقوله ح يجيب بنات هناا... امم.. ااي اساسا معظم الشباب بقوا كده...
عبدالله:واحتمال عاوز اسكن فيها براي.. بدون اجيب بنات.. ولا في رايك اي شاب بس في مخو البنات والحاجات الشمال البتفكري فيها دي😊
((فاطمه ولعت عيونا واتصمغت في مكانا.. وبس كان نفسها الارض تتشقى وتبلعا😷💔👊وقرب منها بي خطوات ثابته))
عبدالله:ماقلتي لي رايك😊
فاطمه:م..ماما.. ماما بتناديني
((وقاامت جاااريه😂😂😂💔👊))
فاطمه:غبيه انا البفكر بي صوت عالي😒😪💔👊
((عبدالله رتب ملابسو. ورصا الكتب... بس كان حاسس بالجووع... وماكان في اكل في التلاجه... فجأه جرس الباب ضرب.. فتح لقاها فاطمه شايله صينيه))
عبدالله:خير
فاطمه:ماما رسلت ليك الاكل دا.. قالت بتكون جيعان...
عبدالله:طيب.
((وقفل الباب في وشها😷😷💔👊))
فاطمه:😳عاان المتخلف.. ولا حتى شكرا...ماما غلطانه العبرتك👊😒
((عبدالله بدا ياكل. والاكل كان مميز شديد بالنسبهه ليهو))
عبدالله:سبحان الله.. نفس طعم الطبيخ بتاع امي الله يرحما💔
((فاطمه رجعت البيت زهجاانه... وحكت لي امها قعدت تضحك فيها😂😂👊....تاني يوم الصباح فاطمه اتجهزت للمدرسه.. ومشت..طبعا اروى من وقت خطبوها ما مشت المدرسه ولا لاقت مازن ولا بترد على اتصالاتو.... فاطمه مشت ولقت نياز وشهد....وزمن الفطور جاتا نور))
فاطمه:اها ماشه كيف مع القرايه.. امتحاناتكم الاسبوع الجاي
نور:والله اتحسنتا.. بي فضل ايه طبعا..
فاطمه:كويس...ان شاء الله تتوفقي
نور:اكيد ح اتفوق..في النهايه انا بت طارق النوري😌
فاطمه:😳انتي اخت مازن...
يتبع
