موطني ٢٣

#موطني
-٢٣-

عبدالله:كأنو فاطمه دي اتأخرت
نور:لالا م تأخرت😉لكن ثواني اشوفا وأجي...
عبدالله:طيب...
((نور طلعت فوق...اول م فتحت الغرفه قعدت تصرخ))
نور:توووته😱...
((وجرت عليها.. وكانت بتحاول تصحي فيها...التحت سمعوها وجوا جارين،،،،))
عبدالله:مالك يانور
نور:فاطمه....
طارق:بسم الله مالا
عبدالله:مازن جهز العربيه نوديها المستشفى
مازن:طيب
((عبدالله لبسا طرحه كبيره ورفعا.....ونزلت معاهو نور وطارق اما اميره فقعدت في البيت لانو ماف زول،،،،،،،وصلوا المستشفى وودخلوها للدكتور،،،فحصها وهم فضلوا واقفين بره))
نور:دا بكون من عدم الاكل... لانها الليله ما اكلت شي😥،،
طارق:ربنا يستر عليها... يارب لطفك يارب...
عبدالله:ان شاء الله بسيطه....
((الدكتور جاا طالع... جروا عليهو... ))
طارق:اها يا دكتور....
الدكتور:والله يا دكتور طارق... البت دي شكلها اتعرضت لي صدمه...لانو عندها انهيار عصبي،،،،
نور ومازن وعبدالله:😳😳😳
طارق:انهيار💔
الدكتور:مع الأسف...هي حاليا محتاجه دعمكم نفسيا،،،كتبتا ليها على شويهه ادويه لازم تمشي عليهم....
طارق:ممكن اشوفا يا دكتور
الدكتور:اكيد...بعد اذنكم
((طارق دخل لي فاطمه....كانت سرحاانه.... ))
طارق:فاطمه...مالك يابتي... خير الحاصل عليك شنو...
((كان بعاين ليها والدموع غلبوا.... طلع بره... عبدالله مشى جاب الادويه.. والدكتور قال ترجع البيت عادي.... بس لازمها راحه تامه💔....اتسندت على نور ومازن...  وطلعوا....اما اميره كانت بترتب في غرفه فاطمه.. وبتدخل الملابس الدولاب))
اميره:ياربي البت دي تكون مالا...غايتو ربنا يشفيها من عندو...
((وهي بترتب لقت الورقه.... اساسا كانت مفتووحه.... وقاامت قرتاا💔💔بعد قرتا قعدت في الارض))
اميره:ناهد....
((ناس طارق وصلوا البيت......ونور ومازن كان مطلعين فاطمه فوق وقفتهم اميره.. وكانت ماسكه الورقه في يدها💔))
اميره:استنوا...البت دي ماح تعتب باب بيتي تاني
طارق:دا كلام شنو يا اميره...
نور:ماما...ماوقتو الكلام دا
خلينا نطلعا غرفتا
مازن:انتي ماشايفه حالتا كيف،،،
اميره:يمكن لمن تعرفوا البت دي منو... انتو بنفسكم ح ترموها بره،،،
نور:كيف كيف!!
طارق:ممكن تتكلمي بدون الغاز لو سمحتي
اميره:انت بزات ماتتكلم معاي😠لانو اي شي ح يحصل لي قدام ح تكون انت السبب....مازن ونور انتو ما صغار... ممكن تفهموني كيف بس لمجرد انو ابوكم كان على معرفه بي ام البت دي... يجيبا يسكنا معانا... وفي رايكم دا سبب كافي علشان تسكن معانا...
نور:ماما ممكن تتكلمي.. عاوزه تصلي لي شنو
اميره:اقول يا طارق...اساسا انت سقطا من نظري... عادي ممكن تسقط من نظر اولادك برضو.. يادكتور يا محترم😠
طارق(بعصبيه):أميره،،،،
اميره:بلا اميره بلا زفت...
((فاطمه كانت بتسمع في كلام اميره.. وهي مامستوعبه اي شي،،،وجسمها ما شايله،،))
اميره:عارفين فاطمه دي منو.... للاسف بت ابووكم😠....بتك انت وناهد.... انا دايما كنت شاكه في تصرفاتك انت وهي... بس بعمري ما اتوقعتا دي تكون النتيجه....حتى انت يا عبدالله امك كانت عارفه.. وكانت بتحرض ابوك انو يخليني انا ويتزوج ناهد😠.....وكانت دايما بتقول لي انتي مابتستاهلي طارق.. وفرقتي بين ناهد وطارق.... ودا كان السبب الخلاني اكرهك انت وامك صفيه....
مازن:دقيقه دقيقه.... دا شنو البتقوليهو دا
نور:يعني..يعني... انتي يا فاطمه طلعتي...اختنا
اميره:ماتقولوا عليها اختكم😠دي بت زنا
((فاطمه بعد الكلمه دي ماقدرت تقيف اساسا.... وقامت جاريه وطلعت برا البيت وعبدالله لحقها....ونور ومازن كانوا مصدومين.... اما طارق مشى على اميره واداها كف👋....))
طارق:اووعك يا اميره تقولي عن بتي كده... فاطمه مابت زنا... انا وناهد كنا متزوجين رسمي وقانوني....
((ومشى غرفه المكتب،،،وبقى يفتش في الورق،،،،لحدي مالقى قسيمه الزواج،،،ورماها لي اميره في وشها))
طارق:شاايفه😠،،،،انا وناهد كنا متزوجين...والناس كلها كانت عارفه.. ماعداك انتي وابوي الله يرحمو،،،لانو ما كان راضي عن الزواج دا😠
اميره:ههه..وكمان كنت متزوجا يا طارق،،،للدرجه دي كنت بتحبها،،،،،
طارق:اي😠وانا حاليا ندمان،،،،اني اتزوجتك انتي وياريت لو وقفتا في وش ابوي الزمن داك،،،ما كان وصلنا لي هنا
اميره:كلمه واحده مافي غيرا.. يا انا يا بتك في البيت دا😠...
((وطلعت غرفتا فوق وبقت تلم ملابسا،،،،اما طارق قعد واتكلم مع نور ومازن))
طارق:عارف انو دي صدمه بالنسبه ليكم... حتى انا م كنت عارف انو فاطمه بتي... ومن بعد ناهد دخلت في الشهور الاخيره من الحمل انا ماعرفتا طريقها تاني💔كنت ناوي اعتذر منها واتزوجا قدام الناس،،،بس مالحقتا💔
نور:خليكم من دا كلو... فاطمه مشت وين... الخوف تعمل في روحا حاجه.....مازن قوم معاي... ارح نشوفا مشت وين💔
مازن:اي يلا قومي...
((وقاموا طلعوا برا البيت.... اما فاطمه فكانت جاريه وبتبكي.. وبتتذكر في الكلام القرتو... وانها بت زنا......واثناء جريها دا طعنتا قزازه....حتى ماحست بي اي الم... شالت نفس القزازه..

ومررتا على شرايينا💔عبدالله لحقا وشال منها القزازه💔))
عبدالله:يابت انتي مجنونه😠عاوزه تموتي
فاطمه(كانت بتتكلم بهستريه وعصبيه):طيب اديني سبب علشان اعيش،،،حياتي كلها كذب×كذب،،،المره الربتني طلعت ما امي💔وامي الحقيقيه ماتت من اول ماجابتني،،،حتى... حتى الراجل الكنت مفتكراهو ابوي،،طلع ما ابوي💔والراجل الكنت شايفاهو قدوه وعاوزه ابقى زيو في المستقبل،،،طلع ابوي💔دمرتا عيله كامله بي سبب قصتي المامفهومه دي💔عاوزني اعمل شنو
عبدالله:طيب انتي لي فاكره انو اي مشكله بتتحلا بالانتحار... لي فاكره انك كده ح ترتاحي من العذاب،،،لا ابدا وحاتك ماح ترتاحي،،،ناسيه انو في رب بحاسبنا على اعمالنا دي،،،والحاجات البنعملا في حياتنا،،،يعني حياتك ماملكك يا استاذه عشان تنهيها وقت ماعاوزه،،،،افهمي💔😠في حاجه اسمها عقل،،،اكيد ما خلقونا بي عقل عبث ساي😠...وبعدين اعرفي انو دي كلها ابتلاءات من ربنا،،،،فبدل تصبري،،،حضرتك عاوزه تنتحري وتموتي كافره😠
((فاطمه قعدت في الارض وبتصرخ بي اعلى صوت.. وبي كل قوتها💔))
فاطمه:يعني بعد القصهه دي كلها انا طلعتا بت زنا،،،عارف يعني شنو بت زنا💔
((عبدالله كان واقف وبعاين ليها بس،،،ماقادر يهديها او يعمل اي شي،،،لحدي ما جوا مازن ونور،،،اول ما شافتهم قعدت تبكي زياده))
فاطمه:حتى انتو... حتى انتو ح تكرهوني.. لاني خربتا دنيتكم وسعادتكم💔
نور:بالعكس...قبل تدخلي حياتنا...نحنا اساسا ما كنا عايشين...حياتنا كانت ممله شديد.. لحدي ما جيتي انتي ولونتيها❤وهه ياستي ربنا بحبني شديد ما دام طلعتي انتي اختي❤
مازن:متذكره لمن كنتا بقول ليك بت ابوي❤كنت بقول كده علشان فاكروا اسم لي اسم.. وبالجد يا فاطمه انا كنت بتمنى لو انتي اختي بالجد....وعلى قول نور... ربنا بحبنا علشان في الاخر طلعتي اختنا❤
((فاطمه كانت بتعاين ليهم.. وبتبكي... مازن ونور ضموها عليهم.. وبكوا معاها... يمكن دا كان اسوء يوم في حياة فاطمه💔... واجمل يوم في نفس الوقت❤بعديها سندوها لانو رجلها كانت مجروحه.... لمن وصلوا البيت لقوا اميره واقفه بشنطتا... طارق لمن شاف اولادو التلاته انبسط❤))
اميره:تاني جبتو البت دي هنا😠
نور:ايوه لانو مكانا الطبيعي بيناتنا
مازن:اختنا يا امي..عاوزاها تعيش وين لو ما معانا
اميره:قدرت تأثر على عقولكم😠ع العموم مابستغرب...في الاخر امها ناهد😠
طارق:اميره...خلاص الموضوع دا انتهى...عاوزه تقعدي معانا اهلا وسهلا.. ماعاوزه تقعدي اتخارجي بس😠👋
اميره:طيب...انا ماشهه... وخلي بت ناهد تبقى ليكم ام.. يامازن ونور
((وطلعت خلتهم،،،،وعبدالله برضو استأذن وقال بجيهم بكره...نور ومازن وصلوا فاطمه غرفتها.... وجابوا ليها الاكل))
نور:يلا يلا لازم تكملي الصينيه دي كلها
مازن:ايووه..لو كملتيها ح اخليك تلعبي معاي بليستيشن😌
نور:ههههه...اساسا ح تغلبك😬
((فاطمه كانت فاهمة نور ومازن..وعارفه انهم عاوزين يطلعوها من الجو الهي فيهو....))
نور:بعد الاكل.. ابلعي الحبوب دي... انا ماشهه غرفتي.. شويه وبجيك
مازن:وانا كمان..ح امشي ارتب ملابسي في الدولاب...
فاطمه:طيب
((واول ما طلعوا جا طارق داخل... قعد على طرف السرير))
طارق:ماعارف ابدا ليك القصه من وين.. ولا عقلك ح يستوعبا ولالا
((وبدا طارق يحكي ليها قصتو مع ناهد....وحتى برر ليها كل تصرفات صفاء))
فاطمه:ماعارفه اكرهك.. ولا احبك.. افرح اني لقيتك ولا ازعل.....انبسط انو انا م بت زنا.. ولالا...
طارق:انا عارف انو موقف صعب بالنسبه ليك... بس صدقيني انا ما اتخليت عن امك... بس هي اللي ما كانت عاوزه تخرب علي فرحتي...
فاطمه:انت عارف اني مابعرفا... اتحرمتا منها اول ما اتولدتا... غير اسمها.. وصورتا القديمه.. مابعرف شي💔...ممكن تحكي لي عنها
طارق:حاضر..طبعا في الشكل عايني لي روحك في المرايه وبس كأنك ناهد❤ماخليتي ليها شي..بس هي طويله.. وانتي قصيره😅...
((طارق كان بحكي لي فاطمه عن ناهد.. وهي مندمجه معاهو شديد... مره تضحك ومره تبكي غصبا عنها... لحدي ما نامت💜...طارق غطاها كويس وباسا على جبينا))
طارق:اعتذارات العالم كلها ماح تكفي.... بس الله يقدرني واعوضك،،،،،💜

يتبع
✏ننس🎀