#موطني
-٦-
((فاطمه وصفاء وصلوا البيت... ))
فاطمه:يلا حبيبتي اطلعي فوق ابلعي الحبوب ونومي.. انا ح امشي اشوفا اروى مالها.. وبجي طيب
صفاء:يابت الزمن اتأخر😒👋🏻...
فاطمه:هههه..بشوفا بس وبجي م تخافي يلاا..
صفاء:طيب
((...صفاء طلعت فووق وطلعت صوره ضياء وناهد.. وقعدت تبكي.. طبعا هي مفهمه فاطمه انو ضياء دا ابوها.. طبعا ع اساس اسمو طارق وكده.. وقالت ليها اتوفى بعد ولادتها بي سته شهور... فاطمه مشت لي اروى... لقتا منهاره من البكا))
فاطمه:😳يابت بسم الله مالك...
اروى:مازن قال تعبان وو. وقفل الخط يا تام😭
فاطمه:طيب اهدي شويهه... اكيد بهظر يعني انتي ماعارفه حركاتو😒👋🏻...اتصلتي عليهو كم مره...
اروى:مرتين😥وبديني مغلق...
فاطمه:مرتين بس😒👋🏻اديني انا بحاول.. اكيد ح يرد😌...
((فاطمه مسكت التلفون وضربت ليهو.. مكالمتين م رد.. المكالمه التالته ردا.... ))
فاطمه:الو..مازن انت كويس
مازن:اي كويس.. مالك خير..
فاطمه:اروى قالت لي انك اتصلت عليها وقلتا انك تعبان..
مازن:اا..ععهه لالا كنت بخوف فيها بس... ماكنت قايلاح تكلمك...
فاطمه:اننن😒طيب هاك ليها..
اروى:مازن😥
مازن:يا هبلتي❤مالك... معقوله خووفتي علي قدر دا...
اروى:اكيد طبعا انت بتهظر😭يخ ميه مره قلتا ليك م تعمل فيني كده😭👋🏻
مازن:طيب حبيبي اهدي ممكن.❤..
((المووهم قعد يتكلم معاها قرابتن ساعه عشان يقنعها انو كويس... بس هو بالجد كان تعبان واتصل ليها وهو ما واعي.. لمن رجعت اتصلت رجع ليهو عقلو... وقال احسن يقول انو بهظر......))
اروى:طيب وانت من اهلو خلي بالك من نفسكك..
مازن:وانتي كمان خلي بالك من نفسكك..
فاطمه:😒😒اسي في داعي تحرقي مشاعري انتي وهو...
اروى:بالجد كنتا خايفه عليهو..
فاطمه:المهم اسي هو كويس.. ما وريتيني.. رامي ود عمك عملتي معاهو شنو👋🏻😒
اروى:اها😪لسه بتظارف وبتعاور... ماعارفه عاوز يصل لي شنو... بس يا تام انا م عاوزه غير مازن☹
فاطمه:عاوزاهو ما عاوزاهو.. مامعروف البحصل.. واي شي قدر وقسمه ونصيب.. م تعبي نفسكك بالتفكير يقلبي❤.....
اروى:لالا م قادره اتخيل انو يجي يوم اكون مرت رامي😷يع😥😪😪🐸
فاطمه:يع في عينك.. النصيحه لي لله الولد مز😒👋🏻...هووي تصبحي ع خير..
اروى:بكره تعالي بدري عشان نرجع الرياضيات م فاهماها😪
فاطمه:😒انا علمي وانتي ادبي.. الرياضيات حقتكم دي زي المويهه.. عاوزه اراجع حقتي🐸✋
اروى:امشي يا متخلفه.. يلا برا بيتنا👋🏻😒
فاطمه:تبيني في الخلا ياربي😪👋🏻
((فاطمه رجعت بيتهم ولقت امها نايمه.. غيرت ملابسا واتوضت صلت ركعتين.. وقعدت.تذاكر شويهه ورقدت نامت....تاني يوم الصباح اتجهزت للمدرسه... شربت الشاي وطلعت مشت لي اروى ومن هناك مشوا سوا........لقوا شهد ونياز وبدل يقروا يقعدوا يتونسوا🐸👋🏻...دخلوا الامتحاان... فاطمه طلعت اول واحده.......مشت البوفي عشان تفطر.. وهناك طارق وبتو جوا دخلين المدرسه مشى قابل مديره المدرسه وقعد يشرح ليها عن السبب الخلاهو يجيب بتو مدرسه حكوميه شنو.... ))
المديره:والله ياخ صعب جدا اني اقبل طالبه في اخر شهر من الدراسه.. يعني لو نص سنه معليش.. بس يا استاذ طارق انت جايبا لي في الشهر الاخير من المدرسه.. يعني اسي الناس شغالين مراجعات
طارق:انا متفهم الحته دي...بس لو سمحتي اقبليها.. عاوزا تمتحن من مدرستك.. وتقرا فيها باقي السنين... انا شايف الموضوع ما صعب... قلتي شنو؟؟
((المديره شاورت عقلها... ووافقت))
المديره:طيب..بس عاوزاك بكره تجيب لي شهادتا بتاعت تامن.. وعاوزاك تشتري ليها ملابس حكوميه عشان م تكون شاذه وسط الطالبات☺ورسوم600جنيه ك قبوول... ويعدين رسوم الامتحانات50جنيه😊..دا كل المطلوب.. ولوو ممكن تخليها باقي اليوم دا تستفيد.. وبكره تنزل عادي😊.
طارق:طيب تسلمي.. بالجد شكرا ليك... انا ح اخليها باقي اليوم دا.. واتفضلي دا المبلغ...
((وسلما المبلغ.... ومشى.. ونور العبره ساده حلقها من الغيظ... فاطمه كانت شايله السندوتش حقها وجات ماره بي مكتب المديرة ))
المديره:يا فاطمه... فاطمه
فاطمه:ايوة نعم
المديره:وصلي الطالبه دي فصل اولى زهراء
فاطمه:طيب
((ورفعت عينا عاينت ليها))
فاطمه:😳
نور:انتي تاني
فاطمه:قصدك تالت😊
المديره:كويس لو بتعرفوا بعض.. وصليها يلا
فاطمه:تمام..اتفضلي
((وطلعوا من المكتب.... واي واحده في خشمها كلام للتانيه... ))
فاطمه:الجابك مدرستي شنو
نور:ضروري اجاوب ليك🐸
فاطمه:ع راحتك... بس استغربتا لي جيتي نص السنه😊
نور:نص سنه بدايه سنه ماليك دخل فيني فهمتي
فاطمه:اعصابك يا بت الناس😒👋🏻يلا شايفه المرر دا.. امشي طوالي وادخلي شمال في يمين وتديها شمال بتلقي الفصل😊
نور:دا شنو دا انا م فهمتا حاجه... يازوله مش المديره قالت ليك توصليني يبقى توصليني بدون كلام
فاطمه:بالاول جاوبي الجابك نهايه السنه شنو🐸
نور:كنت ما منضبطه في مدرستي القديمه.. فاا بابا زعل مني وجابني مدرسه حكوميه.. ارتحتي..
فاطمه:اممم..هنا م تخافي حتنضبطي انضباط.... اا وصلنا هدا الفصل... با
لمناسبه انا اسمي فاطمه وانتي
نور:اا... نور
((وسلمت عليها في يدها))
فاطمه:رغم مواقفي المعاك.. ورغم وشك الما برئ خالص... بس لو احتجتي لي حاجه انا موجوده... بدرس تالته علياء علمي❤
نور:وانا رغم المواقف العملتها معاك.. ورغم برودك واستفزازك.. الا انو شكلي ح احتاج ليك... نتلاقى❤
((نور دخلت الفصل.. وطبعا البنات كلهم بعاينوا ليها🐸👋🏻...مشت قعدت في اخر كنبه.. وتعرفت ليها ع بت اسمها أيه..... اما فاطمه.. رجعت لقت شلتا خلصوا امتحان.. وقالوا طالعين....طلعوا من المدرسه... وفي نهايه الشارع لاقوا احمد ومازن))
اروى:امبارح خوفتني عليك😥
مازن:انتي لسه معلقه.. انا كويس م تخافي.. جيبي يدك
((وبقوا ماشين في الشارع لحدي ما وصلوا المحطه... وافترقوا.. وفاطمه واروى قطعوا الزلط.... ))
اروى:الليله الصباح ام رامي ضربت لي نبع الحنان☹
فاطمه:خلاث يختي معناها فاتحتا في الموضوع😄
اروى:يفتح راسك دا😷👋🏻انا خايفه ياخ😭
فاطمه:يا بت انتي غبيه ولا هبله.. ارفضيهو بس
اروى:لا م بقدر😭😪
فاطمه:خلاص وافقي🐸...بيني وبينك.. الود قاطع فرقه.. وبالنسبهه لي مازن دا مراهق ساي.. انسيك منو.. بكره تبوري وتقولي ياريت🐸👋🏻
اروى:انعل ابو فهمك زاتو😒ح تشليني... يلا مع السلامه
((فاطمه طلعت بيتهم لقت امها مافيشا... اتصلت ليها تلفونا مقفوول💔))
فاطمه:ياربي صفصف دي تكون مشت وين...
((صفاء كانت في المستشفى بتتجهز لي جلسه الكيماوي💔))
عبدالله:جاهزه؟؟
صفاء:ااي...
عبدالله:طيب..يا ممرضه تعالي دخليها
((فاطمه قعدت والقعاد غلبها... بقت ماشه وجايه... بعد شويهه اتصلت عليها اروى..))
فاطمه:اها خطبووك🐸
اروى:تااام ياخ😒👋🏻لا اتصلت اقول ليك.. رامي راجع الاسبوع الجاي.. م تتخيلي انا فرحانه قدر شنو😍
فاطمه:عهههه..الله يبسطك.. يعني هو جاا يشووفك بس وراجع.. م عندو موضوع...
اروى:يابت احسن... انتي عارفه لو كلم ابوي وابوي وافق انا ماح اقدر ارفض💔
فاطمه:خير يازوله الله حلاك... يلا اقفلي عاوزه اتصل اشوف ماما وين. يلا
((وقفلت في وشها.. اتصلت لي امها كم مكالمه بديها مقفوول.. اخر مكالمه ردت عليها))
صفاء:الو
فاطمه:يووخ وينكك من الصباح انا بضرب.. قافله التلفون لي.. قلقتي بي.. مشيتي وين.. ولي ما كلمتيني انك طالعه...
صفاء:كده اخدي نفس.. واسكتي عشان اجاوب ليك
فاطمه:اهاا...
صفاء:اتصلوا علي ناس المستشفى الانا شغاله فيها.. وكان ضروري اجي بس كده.. وكنت في عمليه مع الدكتور... عشان كده قافله تلفوني
فاطمه:يا ماما يووخ انتي عيانه.. اخدي اجازه.. ماممكن. طيب لو خلصتي اركبي سرعه وتعالي..
صفاء:طيب حاضر
((وقفلت منها.... وصفاء دموعا نزلوا))
صفاء:الله يلمني فيك يا طارق... عشان اعرفكك بالجنين الانت نكرتو من هو في بطن ناهد😞💔
((عبدالله كان في مكتبو وبراجع ملف صفاء......فجأه لمح محفظتها مرميه في الارض))
عبدالله:دي نست محفظتها...
((ونزل تحت.. لقااهاا ماف.. بس شايف غبار الامجاد.. ركب عربيتو ولحق الامجاد........نور رجعت البيت وكلمت امها عن ايه وفاطمه ))
نور:ماعارفه بس شكلي ظلمتا فاطمه دي😅حسيت بيها طيبه ومجنونه كده
اميره:يعني اول يوم كان كويس
اميره:اممم..وشكلي ح ادخل في الجوو سرعه...
((صفاء نزلت.. وكانت عاوزه تحاسب بتاع الامجاد.. اكتشفت انو محفظتا ماف💔...))
صفاء:اجي..ياربي محفظتي وين
((وفاطمه سمعت صوت الامجاد ونزلت كانت لابسه ليها جلباب كوبي في فيهو ابيض مع الركبه.. ورافعه شعرتا فوق))
فاطمه:ماما ..الموقفك شنو
ضفاء:شكلي نسيت محفظتي في المستشفى..
((بعد شويه عبدالله جاا بي عربيتوو ونزل))
فاطمه:دكتور عبدالله😳
صفاء:😳
عبدالله:اا..محفظتك نسيتيها عندي...
فاطمه:نسيتيها عندو؟!..ماما انتي مش كنتي في المستشفى الشغاله فيها... طب الوداك عندو شنو..
صفاء:اا..
((عبدالله كان ساكت وبعاين لي فاطمه بي نظرات جامده وحاده))
صفاء:انا..
فاطمه:ح تفهميني في شنو... انتي تعبتي تاني صاح؟
عبدالله:لا م تعبت..
فاطمه:طيب الوداها عندك شنو😒..ثم تانيا ما سألتك قاعده اسألها هي اوك.. ماما ردي...
عبدالله:اولا م تنفعلي😊ثانيا امك ماح ترد طالما انا ماعاوزه ترد فهمتي😊....
يتبع
