#يوميات_زوجه_مهترشه
-١٤-
بقلم ايناس آدم
اول ماجيت ماشه يمان دا وشو قلب ميه لون،،،،،جاا علي قبل اصلوو،،،قال لي دا منو دا،،،قولته ليهو واحد زميلي،،،،،ادانينظره اموت ما انساها،،،قال لي امشي البيتانا ح اجي اسي،،،مشيت البيت سلمتا على سهى وامها،،،وطلعت غرفتي يادووب طلعت الطرحه،،،يمان ضرب الباب برجلو طاااخ،،وقفل الباب،،،طبعا قلبي قرب يقيف من الخلعه،،قولته ليهو يمان مالك؟؟براحه على الباب،،،قال لي يوصلك بصفتو شنو؟؟قولته ليهو نعم!! قال لي زميلك ولا زفت دا يوصلك لي،،،ماكان ممكن تتصلي علي واجي اسوقك،،،قولته ليهو يمان شوف تلفونك،،اتصلت ليك 6مكالمات مارديت علي،،،والوقت اتأخر،،،،وهو عرض علي يوصلني،،،وبس،،،قال لي يوصلك لي،،،ولي اساسا توافقيماكان ممكن تأخدي امجاد لحدي البيت،،قولته ليهو انت اسي المضايقك شنو،،،طيب مدام هو قال ح يوصلني،،انا اخد امجاد لي؟؟متعصب مالك كده،،،قال لي اي بتصعب،،لا وكمان ينزل ويتونس معاك حتى يمشي،،دا تصرف ليكقولته ليهو هو نزل وسألنيبيتي وين وكذا،،،وودعني ومشى،،،قال لي اساسا يسألك منبيتك لي،،،اولا راكبه معاهو ولابينك وبينو شي،،تانيا جابت ليها يقيف معاك بعد يوصلك احساس عاوز يطمن عليك،،،قولته ليهو يمان اوزن كلامك،،،اسي هايج ومنفعل كده،،بس علشان وصلني،،،،طيب ياسيدي اعتبرو ماوصلني وقفل على الموضوع دا،،قال لي تصرفاتك كلها تصرفات ناس ماعاقلين،،،وعمليتك دي عمليه زوله مامسؤولهقولته ليهو بصوت عالي يمان،،،،انت عارف روحك بتقول في شنودا كلام شنو القاطعو من راسك دا،،،وبعدين فيها شنو لو وصلني مدام في حدود الادب والاحترام،،،وانا للان ماسكه اعصابي وماعاوزه انفعل واجوط معاك لانو ماح يحصل خير،،،قرب مني وبتنفس بصوت عالي،،،وعيونو دي محمره،،،قال لي بتهدديني يعنيكده جوطي وانفعلي،،،عشان اشوف الخير الماح يحصل دا،،،،،قولته ليهو يمان خلاص،،،،انا ماسكه نفسي بالعافيه،،،قال لي لا عليك الله ماتمسكيها،،،قولته ليهو يمان زح مني،،قال لي مازااحي،،،قولتهليهو خليك واقف طيب،،،قال لي ايناس لا اله الله،، قولته ليهو محمد رسول اللهقال لي اتعدلي قبل اعدلك،،،طبعا صدمني،،،قولته ليهو كيف كيف،،،انا من الله خلقني ماشه عديل،،،،وابوي ممشيني عديل،،،وانت جاي تقول لي اعدلك،،،تعدلني كيف يعني،،،وبعدين المرضوع بسيط،،،انتشوفتني في حضنو ولا راقده معاهو في سرير علشان تعدلني،،،،وفجأه بس جااني ليك كف طاير،،،قال لي دا كلام شنو البتقولي فيهو دا،،بقيت ماسكه خدي بس وبعاين ليهو،،،قال لي الكف دا يمكن يرجع ليك عقلك قولته ليهو فعلا ح يرجع لي عقلي،،،وشلتا شنطتيوطرحتي ونزلته تحت،،،لقيت عمه يمان في السلم ،،عاينت لي بإشمئزاز ،،،وانا طبعا دموعي جاريه وماقادره اتنفس،،طلعتا بره البيت،،ومشيت الظلط وقفتا لي اقرب امجاد،،،وطوالي على بيت روان،،،،اول ماوصلته،،فتح لي شادي،،،قال لي اهاا اتشاكلتو صاح،،قولته ليهو زح من وشيدخلت جووه،،حاتني روان طالعه من المطبخ،،قالت لي ننساها المشكله شنو الدور دا،،،قولته ليهم تسكتوا ولا اقوم امشيجاتني لميس جاريه،،قالت لي ننس حقتيواخيرا اتشاكلتي مع خالو يمانيعني ح تقعدي معاي 4يوم لحدي ماتتصالحوا ثاح،،،في عز بكيتي وزهجتي دي،،،شلتها وختيتا في رجولي وقولته ليها اي اتشاكلنا واعتبري اقامتي طويله المره دي،،وحضنتها وقعدتا ابكي،،،،،،،بعد هديت شويهه روان جابت لي مويه،،قالت لي يلا احكي لي الحاصل شنو،،،شادي من قبيل بضرب لي يمان وهو بيفصل المكالمه،،،مالكم تاني؟؟؟حكيت ليها القصههكولها،،،قالت لي لاحول ولاقوه الا بالله،،،قالت لي وانتيالبوديك تركبي معاهو يوصلك شنو،،،قولته ليها هو وصلني ها فيها شنو،،قالت لي كان تركبي امجاد،قولته ليها ياخ عرض علي توصيله اخسر قروشي لي،،قالت لي اهاا يا الناشفه والجبااره،،،قالت لي موقفك صعب النصيحه،،،ويمان برضو كان يتفهم الموضوع بسلكن بيني وبينك يا ثحبتي،،تستاهلي الكف الجاك،،،لانك قولتي كلام ما المفروض تقوليهو،،،قولته ليها بس هو عصبني،،وانا انفعلتا،،،المهمياخ ماتجيبي لي سيرتو قالت لي وخليتي عمتو في البيت ولا رجعت بيت ولدا،،قولته ليها لالا لسه قاعده ومعاها بتها كمان،،قالت لي بخلعه سهى،،قولته ليها اي،،قالت لي ننس انتي جاده،،،،البت دي كانت عاوزه يماان،،،كيف تقعديهاا في بيتك،،قولته ليها اطردا مثلا،،اه خليها تشبع من شوفتو ساي،،قالت لي مجنونه،،،غابت شويهه وجاتني قالت لي انا وشادي اتعشينا،،،يلا العشاء فيي التلاجه،،سخنيهو،،قولته ليها ماعندي نفس،،قالت لي بطلي غباوه،،،عارفانيعامله شنو،،قولتهه ليها مامهم،،قالت لي اندومي،،ضره يمان،،،قولتهليها اندومي،،،وااي ياخ،،بغير وبجي باكل،،،قالت لي يلا اانا ح انوم تصبحي على خير وغمزت لي،،،دخلتا غرفه لميس لقيتا ختت لي جلباب استحميت وغيرتا بيهو،،،مشيت المطبخ لقيت الاندومي في التلاجه،،،شلتو بارد،،،لميس صحت لقتني باكل وببكي،،قالت لي ننس حقتياعملي شي واحد بث،،قولته ليها مافهمتك،،،قالت لي يا تاكلي يايتبكي،،،ضحكنيضحك،،،،قولته ليها حاضر
ر،،،،مسحتا دموعي وقعدتا اكل،،بعد
خلصتا رقدتا جمب لميس وحضنتها ونوومتا،،،،،،الصباح صحيت على صوت شادي وروان،،،قالت ليهو هو غلطان وهي غلطانه يعتذروا من بعض، بس،،،قال ليها ايناس ماالمفروض تعلي صوتا عليهو،،قالت ليهو شادي انت واقف في صفو يعني😒👊؟؟قال ليها لا واقف مع الحق😁،،،وهي لازم تعتذر،،،طلعتا ليهم قولته ليهمهووي،،،ماتتدخلوا،،مشكله بيني وبينو،،،بطلوا تحشروا انفكم👋😒،،شادي قال لي اقعدي يامعولقه😏،،،هو النسوان بفتشوا في الرجال وانتي بتدلعي عليهو😏👊،،قولته ليهو مالماليك دخل،،قال لي انا طالع زاتي وخالي ليك البيت وقال لي روان عقلي صحبتك المجنتره دي،،،جات تتكلم قولته ليها هوووس،،واعملي ليقهوه لاني مصدعه،،،مشيت ورجعت كملتا نومي،،بعد صحيت اتصلتا على المدير قولته ليهو انا عاوزه اجازه اسبوع،،قال لي متين نزلتي،،قولته ليهو ياخ ضروري،،اسبوع بس،،قال لي ايناس مابديك😒،،قولته ليهو خلاص ارفدني😏،،قال لي ابيت😝،،،مدير اهبل خلاص،،،قال لي تعالي الشركه بكره. ،آلليله ارتاحي،،بس ماتحلمي بإجازه تاني،،وقفل فيني الخط💔😭،،،قولتهمجنون دا روان جابت لي القهوه شربتها،،،بعد شويه تلفوني ضرب،،،لقيتا سهى،،رديت ليها،بعد سلمت عليها قالت لي انا ماعارفه المشكله الحصلت بينك وبين يمان حتى هو رفض يحكي لي،،بس بوعدك لحدي ماترجعي ح اهتم بيهو😊 قولته ليها هو ماطفل بعرف يدبر اموروا 😒😏قالت لي هه معاك حق،،وياريت ترجعي سرعه علشان بيتك مضلم من غيرك😊،،،قفلت منها،،،قولته اللتخه دي كمان،،،،،،مروا يومين ويمان ماضرب لي ولا اشتغل بي💔،،،وانا في موقفي،،،شادي مشى ليهو في البيت،،،والمساءلمن جاا راجع،،قال لي تعالي دايرك،،،قولته ليهو ماتقول لي ارجعي😒،،قال لي ههه لالا،،عاوز اقول ليك يا الفالحه انا الليله مشيت لييمان،،،وكانت معاهو بت عمتو وعمتؤ،،،صراحه البت مامقصره ناحيه راجلك،،قولته ليهو كيف يعني،،قال لي عديل،،غداءقهوه فطور،عشاء ،،غسيل،مشيت الليله لقيتا بتغسل،،،وعملت الغداء،،، ووناااسهه،،،قولته ليهوو افهم شنو😏،،،قال لي عقلك في راسك تعرفي خلااصك،،،وقام مشى،،،طبعا راسي ضرب ومسكني صداع ماعادي💔😭،،،،جاني راجع،،قال لي بالمناسبه يماناشتاق ليك❤،،،وطلع،،،قعدتا ابكي،،،،وقولته يعني يمان ولا حتى فااقدني ولا حاول يتصل بي،،،وقاعد جمب سهى ديك😭💔،،،رقدتا بصداااع فظييع،،،،بليل وانا راقده جمب لميس،،حسيت بنفس تالت في الغرفه قومتا مخلووعه،،،بس فجأه زول مسكني من خشمي💔💔،،،،
#بحبكم😁
