احببته بعقل ٥

#احببته_بعقل
-٥-

صباح اليوم التاني❤وكان يوم جمعه،،،والجوو كان فظييع والسماء مليانه بالغيوم والشمس اضاءتها خفيفه،،،وحرارتها منخفضه،،،كنت واقفه في البلكونه وبتأمل في المنظر دا،،،بعدها هيما صحى قال لي صباحاتك وجمعه مباركه،،،قولته ليهو يسعد صباحك وو علي وعليك تتبارك،،،قال لي تعالي،،طبعا كل جمعه وقبل نصحصح زي الناس،،،هيما بقعدني جمبو،،وبقرا لي ايه الكرسي في اضاني،،،،قعدتا جمبو وبدا يقرا وكان بمرر يدو على شعري،،،،،لحدي ما خلص،،،،قولته ليهو اول يوم انت ما ح تقدر تمشي فيهو المسجد💔قال لي منو قال ليك،،،بمشي عادي بس بالعصايه،،،امبارح وليد جابا لي بس ماعارف ختاها وين،،،قولته ليهو طيب بعد الشاي،،ح انزل اسألو منها،،قال لي تمام،،،مشيت اتسوكتا وصليت،،،وجهزت الشاي،،،،جيت سندتا هيما،،،اتسوك،،،وقال لي عاوز اصلي،،،اتوضى ورجلو مسحا بمويه بسيطه،،فرشت ليهو المصلايه،،،صلى وقرا قران شويهه،،،بعدين قعدنا نشرب الشاي،،،،

عند إينار كانت بتتكلم مع خطيبا،،،قالت ليهو شغل شنو البخليك ماتسأل مني؟؟يعني ولا حتى رساله،،،قال ليها حبيبتي وربي مشغول شديد فهمتي،،بس اليوم اكيد ح اجيكم في البيت،،قالت ليهو ماتجي،،،قال ليها اووف يا اينار بقيتي زعوله خلاص،،،قالت ليهو حذيفه اقفل اقفل احسن،،،،بعد قفلت الخط بقت تبكي،،،لانو حكايه اسبوعين متغير منها،،،،ماما جات لقتا بتبكي حكت ليها،،ماما قالت ليها يمكن بالجدد مشغول،،ماتبقي نقناقه،، اينار مشت ماما وهي مامقتنعه،،،،

بعد شربنا الشاي،،،انا نزلت تحت،،،صبحت عليهم،،وقولته لي وليد يديني العصايه،،،،اداني ليها وطلعت فوق،،لقيت هيما واقف برجل واحده جمب الدولاب عاوز يطلع ليهو جلابيه😂👋قولته ليهو هيما😒ماممكن تستنى لحدي ما انا اجي يعني،،،،،،قعدتو في السرير،،وطلعتا ليهو جلابيه وطاقيه،،،،قال لي عاوز شال،،قولته ليهو اتلهي😂اساسا ما بجي معاك،،،قال لي يااخي😒انتي ماشفتي البنات بتكسرو كيف لمن يشووفوني بيهو😌قولته ليهو يلا عشان كده ماعاوزاك تلبسوو😒،،،،،قال لي غيوره وحقوده وحاسده😝،،،،قولته ليهو وفوق ليهم بحبك😒،،جراني قعدني في رجلوو،،،قال لي وانا بعشقك فهمتي،،،قولته ليهو لاكذاب😏قال لي والنعمهه بعشقك😂وبعدين وزنك زاد،،،قولته ليهو لا دا ولدك😢قال لي خلاص قومي قبل تكسري لي رجلي التانيه😂👋،،،،قومتا منو وصريت ليهو وشي،،،،

بعد شويهه جات ميس،،وقالت لي ماتطبخي ح نعمل عصيده،،قولته ليها طيب،،،،،جاا زمن الصلاه،،،ساعدتا هيما يلبس جلابيتو،،،وعطرتوو،،،بعديها نزل تحت،،مشى المسحد مع وليد وعمو جمال،،،،،وانا وميس وماما سعاد دخلنا المطبخ،،،،ميس قالت لي طولنا من الروب،،،رايك شنو نعملوا،،قولته ليها طوالي،،بس مايكون حامض شديد عشان هيما،،،قالت لي اشي اشي،،،اي عارفه😂،،،،،ماما سعاد كانت سرحانه،،ميس قالت ليها امي سرحانه في شنو؟قالت ليها والله يا بتي،،لميس دي الايام الفاتت دي ماعارفاها ماله،،قالت ليها كيف،،،قالت ليها طول الوقت في غرفتا،،،وانا لمن اجي طالعه بالليل بعد مرات،،،بلقى نور خافض في غرفتها،،مع انها مابتحب الضوء وهي نايمه،،،،واصوات كده غريبه،،،ميس قالت ليها تكون شياطين،،وقعدت تضحك،،،ماما سعاد قالت ليها يابت هاا،،،المهم قعدوا يتونسوا،،،لحدي ما لميس صحت من النوم،،،،،صبحت عليهم وطبعا بتعاين لي من فوق لي تحت،،،عملنا الفطور،،،وناس هيما جوو،،،قعدنا كلنا في السفره،،،احلى شي جمعه الاسره😍،،،،بعدها ميس قالت لي لميس تغسل العده لانو الحبشيه طلعت،،،قالت ليها لا مابغسلا،،وبدت تكورك فيها،،في حين انو الموضوع بسيط،،،،قولته ليها خلاص انا بغسلا،،قالت لي انتي كمان عامله فيها المره الطيبه والواعيه😏،،،هيما قال ليها بصوت عالي لميس،،،،عاينت لي مسافه،،،ودخلت غرفتها،،،ميس قالت لي ماتزعلي منها،،قولته ليها ههه اتعودتا،،،انا طلعت شقتي وخليت هيما بتونس مع اهلو،،،،،

اما في بيتنا،،ف حذيفه جاا،،،وسلم ع ماما وبابا،،،،واتونسوا شويهه،،،لمن قام يستأذن،،،اينار وصلتو جمب الباب،،،قالت ليهو حذيفه انت لي متغير معاي كده؟قال ليها كيف،،،قال ليها والله يا اينار انتي طبيعي في بالي،،،بس اني كيف اشيل التلفون واتصل عليك بشوفا صعبه،،،قالت ليهو بإستغراب كيف يعني!؟قال ليها والله عدييل كده،،،ماعارف من شنو،،،،قالت ليهو طيب انا ح اتصل بس انت رد،،قال ليها ححاضر حبيبتي،،،وودعا ومشى،،،،،،زي العصريه كده ميس عملت القهوه ونزلت شربتها معاهم،،،،جاني تلفون من اينار،،بعد سلمت علي،،،حكت لي الكلام الفوق دا كلوو،،،،قولته ليها ههه اصلا ايام الخطوبه دا حنكم كلهم،،،بس زي ما قولتي،،،انتي اتصلي،،،ما ح تخسري حاجهه،،قالت لي الا كده،،،وقفلت،،،،،

مرر شهر وهيما رجلو بدت تتحسن شويهه،،،وانا دخلت في الخامس،،،وبطني كانت مدوره وحلاتا😂😂❤،،،يوم جيت من المقابله وبقيت اتكلم برااي،،،قولته يعني كلها4شهور وتنورينا،،،احساس فظييع،،،ح نكون تلاته،،،،هيما فجأه طلع من الحمام،،قال لي غايتو الجن ولا النفسيات😂👋،،،قولته ليهو ما ح تصدق لو قولته ليك؟!قال لي شنو...قولته ليهو اليوم شفتا البيبي بالموجات،،،قال لي واهاا،،قولته ليهو طلعت بنوتهه🙈❤قال لي جااده انتي،،قولته ليهو والله جد😂،،،،جاا علي بعد باس راسي،،قال لي بس ماتقولي لي ح تطلع شبهك،،ح تكون مخيييفهه😂،،،قولته ليهو هيما ياخ😠قال لي خلاص خلاص،،،،،بعد يومين من الكلام دا،،،انا نزلته تحت،،،لقيت ماما سعاد بتطبق في الملابس،،،قالت لي هااك شيلي الملابس دي وديها غرفه لميس،،قولته ليها حااضر،،،شلتا الملابس،،،،ودخلتا غرفتها،،،،كانت وسخانه،،طبعا استغربتا معقوله الحبشيه مانضفتا!؟؟؟دخلت الملابس الدولاب،،ونفس الشي،،الملابس اللفي الدولاب مامرتبه ونصها وسخانه،،استغربتا شديد،،لانو لميس دي من نوع الناس اللي دايما بتكون حريصه على انو اي شي بخصها يكون نضيف ومرتب،،،،،وانا طالعه كان في ورق في الدرج،،،مشرط كتيير رفعتوو وكان فيهو رموز واشكال مثلثيه كده ما مفهومه،،،قولته لي نفسي بدل يقعد في الغرفه كده،،احسن ارميهو،،،وشلتا الورق ورميتو في سله الوسخ،،،،،

المساء انا وهيما كنا في شقتنا بنحضر في برنامج سوداني عن تعدد الزوجات،،،،،،بعد البرنامج خلص،،هيما قال لي الكلام دا واضح،،،قولته ليهو نعم!!قال لي يعني انا لو عاوز اتزوج تاني وتالت ورابع،،،ح اتزوج حتى لو انتي ما راضيه،،لانو دا حقي الشرعي😌قولته ليهو والمانعك مين تتزوج،،،اتزوج عادي يلا👋،،،قال لي يعني ما ح تتجنني وتحرقي مرتي ولا تضبحيها زي ما نسوان كتار بعملوا!؟؟قولته ليهو لالا انا ح اعمل كالاتي،،،اولا ح احرقها بفستان الزفاف،،بعدين ح اضبحاا،،واجي اسلخاا،،،بعدها ح،،،قال لي ح عاوزه تعملي شنو تاني😂😂قولته ليهو ح اقبل عليك😒قال لي لالالا انا نسيت الفكره خلاص😂👋،،،بعد شويهه باب شقتنا ضرب،،،مشيت فتحتو،،كانت لميس،،،وشها دا مورم وعيونا دي زي الدم،،،،قالت لي المدخلك غرفتي شنو!؟،،وكانت بتصرخ،،،قولته ليها دخلتا ليك ملابسك،،،قالت لي والورق😠الورق وين،،،قولته ليها ورق شنو،،،قالت لي الورق الكان في الدرج،،،قولته ليها ايووه في سله الوسخ،،،طوالي خنقتني،،،،طبعا بقيت شايفاها عشره عشره،،،وخلاص حسيت انفاسي ضاقت،،قالت لي القال ليك تدخلي غرفتي منو ومالك ومال الورق،،،وهي لسه خانقاني،،بقيت بحاول اتفكاا منها،،هيما كان جووه وصوت الشاشه عالي،،،،قالت لي اتكلمي،،وهي بتصرخ،،،وانا عيوني خلااص طاحت،،وشويه شويهه بقيت افقد الاحساس،،،بس هيماا جاا وشاف المنظر،،،،ضغط على رجلوو وجاا،،،وبحاول يفكها مني وهي بتتعصب وحالفه لو تفكني،،،،بعد صعوبه هيما فكاها مني واداها كف،،،انا وقعتا في الارض وبديت اكح بصوره فظييعه،،،،هيما لسهه شغال يضرب فيها،،،قال ليها انتي حيوانه😠قربتي تقتليها،،،في شنو مالك،،،،ولا اشتغلت بيهو،،،نزلت تحت وبدت تفتش في السله،،،جاا ماري عم كبير بالشارع،،،معانا في نفس الحي،،سألتو من الوسخ الكان في السله،،قال ليها عربيه الوساخه جات قبل ساعه،،،،،انا طبعا اغمى علي،،،بعد نص ساعه فتحتا عيوني،،لقيت هيما قاعد جمبي،،وميس،،،وماما سعاد وعمو جمال واقفين،،،،هيما قال لي انتي كويسه؟؟قولته ليهو اي،،،اداني مويه شربتاا،،ميس قالت لي،،ياربي لميس دي جنت ولاشنو،،كيف يعني تخنقك،،،ويعني شنو لو دخلتي غرفتاا،،،ماما سعاد قالت لي والله حيرتني عديل،،معليش يابتي اعفي لينا،،قولته ليها لالا يا ماما سعاد،،،بتحصل،،وبعدين انا ما المفروض اخش غرفتها،،،عمو جمال قال لي دي واحده قليله ادب وانا بعرف كيف اتصرف معاها،،،،قعدوا معانا شويهه بعدين نزلوا،،،،،

لميس كانت في الحمام وبتبكي،،،،وبتقول يعني انا تاني القى قروش من وين علشان اعملوا،،،يااا الله يااخ،،،والمره دي انتي برضو يا ايناس ح ادخلك في الرصه،،،علشان تبطلي تحشري انفك في اي شي😈

هيما قعد جمبي وضماني عليهو،،،قعدتا ابكي،،قولته ليهو والله انا ماكان قصدي شي لمن دخلتا غرفتا،،قال لي هشش اهدي خلاص،،،،،قولته ليهو كنت ح اموت لو ما انت جيت،،،قال لي طول ما انا معاك ماتخافي تمام،،،قولته ليهو رجلك ماتكون اتأذت،،قال لي شويهه بس ماتخافي،،،،بقيت ضاماهو شديد زي الطفله ودموعي ماوقفت،،،،ولسهه بفكر دا ورق شنو البخليها تنفعل كده،،،،،

#سلام🐸👋