#موطني
-٢٤-
((صباح اليوم التاني💜صحت فاطمه واغتسلت وصلت الصبح... وتاني صلت ركعتين شكر لله... وقعدت تبكي...))
فاطمه:يارب تسامحني يارب....كنت ح اعمل ذنب... يارب تسامحني وتغفر لي...
((بعدها نزلت تحت... عملت الشاي والكيك... واستنتهم لحدي ماصحوا من النوم،،،،))
طارق:صباحك شهد
فاطمه:يسعد صباحك
نور:واااو...متين لحقتي تعملي دا كلو
مازن:قولي ماشاء الله يا سجم😂👋
نور:ههههه...ماشاء الله...
فاطمه:يلا خلونا نشرب الشاي قبل يبرد....
((واتلموا كلهم في السفره... وكانوا مبسوطين💜وطارق كان مبسوط بي شوفتهم كده💜....))
طارق:طيب..انا ح اطلع على المستشفى...مازن خلي بالك من اخواتك💜
مازن:ان شاء الله....
((بعد طارق طلع... نور وفاطمه طلعوا فوق.... ))
فاطمه:نور انا اسفه
نور:على شنو يابت
فاطمه:امك..خلت البيت بي سببي... بجد انا
نور:ثواني..اولا ما تعتذري... ثانيا القصه دي فات عليها سنين وماما كان ممكن تتجاوز الحكايه... بس شكلها هي العاوزه تخلي البيت
فاطمه:على فكره طبيعي تكرهني... في النهايه انا بت راجلها... يعني ماح اكون متوقعه انها تحبني... بس كونها تخلي البيت بي سببي... انا حاسه بذنب والله😥💔
نور:توته😒انتي هبله على فكره...ماما ح تدورا في راسا.. وبراها ح ترجع... ماتشيلي هم
فاطمه:نور انتي مبسوطه بالجد انو انا اختك؟؟...
نور:ما اكذب عليك في الاول اتصدمتا...بس دا قدر ومكتوب... ايوه طبعا مبسوطه...م تنسي اني وحيده ماعندي اخوات.. يعني اكيد ح انبسط😘
فاطمه:ربنا يسعدك💜
((بعد شويهه جرس الباب ضرب....))
نور:ح انزل اشوف مين...
فاطمه:طيب
((نور نزلت،،،ولقتهم خالاتا💔))
نور:انتوو
غاده:اي نحنا😒بت ابوك وينا...
سهام:عاد لقتا واتجدعت👋وكمان طردت اختي من بيتا.... لالا اصلو ما لقتا....
غاده:تقولي شنو بس.. بت حرام وجايه تتلصق👋
نور:الفاظكم لو سمحتوا... وبعدين فاطمه زيها زي وزي مازن،،،،في شنو.. مالكم هايجين😊بالنسبه لي ماما فهي القررت تطلع من البيت ماف حد جبرها
غاده:متين لحقت ملت ليك راسك... نزليها لينا هنا... خليها تشوف ليها مكان غير البيت دا تقعد فيهو👋
مازن:خالتو سهام.. وخالتو غاده😳مالكم في شنو
نور:تخيل عاوزين يطلعوا فاطمه من البيت😒
سهام:اي تطلع... انتي ما عاوزه امك ترجع بيتها ولا شنو👋
نور:اكيد عاوزه.. بس مابالطريقه دي
مازن:عاينوا...انتو خالاتي وكلامكم على العين والراس.. بس فاطمه برضو اختنا...وبعدين امي لو عاوزه الموضوع دا يتحلى اساسا ما كان طلعت من البيت...
غاده:ياولد هووي... كمان عاوز تطلع امك غلطانه... مش كفايه مشكله ابوك وبتو دي😠👋
مازن:عاينوا..الحصل حصل.. ونحنا مابنقدر نغير حاجه.. وامي ما عليها غير تتقبل الواقع زي ما نحنا قبلناهو... وبس... الموضوع دا لحدي هنا ويتقفل....
((فاطمه كانت في السلم واقفه وسامعاهم....بس نهائي ماسمحت لي دموعا تنزل💔))
نور:لمن بابا يجي.. اتكلموا معاهو هو...بس ماعندكم شغله بي فاطمه...
سهام:وكمان لسه بتدافعوا عنها... دي خربت بيت امكم👋
نور:هو كده كده مخروب.....ويلا اتفضلوا من غير مطرود😠
سهام:يابت انتي جنيتي ولا شنو... كمان جابت ليها بجاحه وطرد...
((وكانت عاوزه تضرب نور... مازن مسكا ونزل ليها يدها))
مازن:اسمعوني...امي لو عاوزه تحل الموضوع دا.. بتقعد مع ابوي ويتفاهموا... دي مشاكل عائليه... انتو ماليكم الحق تدخلوا😊وزي ما قالت ليكم نور..اتفضلوا من غير مطرود😊
غاده:اخر الزمن اولاد اختنا يتقلبوا ضدنا... وبت ابوكم دي ليها يوم👋يلا يا سهام
((وطلعوا من البيت.... نور ومازن عاينوا لقوا فاطمه واقفه وسااكته بس بتعاين ليهم.... وكانوا طالعين ليها...جرت وقفلت غرفتا بالمفتاح💔))
مازن:لاحولا..اسي ديل جاين من وين كمان
نور:انا خايفه فاطمه ترجع تعمل في روحا حاجه... اتصل بي عبدالله خلي يجي
مازن:طيب...وانتي حاولي اتكلمي معاها تفتح الباب...
((نور مشت وبقت تضرب ليها الباب... فاطمه كانت قاعده في السرير وخاتا
راسا بين رجولا))
نور:توته...توته افتحي الباب.... يابت
((مازن اتصل بي عبدالله وكلموا بالحصل كلوو،،،))
عبدالله:طيب ...نص ساعه بالكتير وبجي
مازن:تمام....فتحت الباب
نور:لا...خايفه تكون عملت حاجه في روحا...دي مابترد حتى
مازن:فاطمه...فاطمه افتحي لينا الباب... عايني م تختي كلامهم دا في راسك... افتحي الباب،،،
((وبعد نص ساعه وصل عبدالله،،،فاطمه اول ماسمعت صوتو.. فتحت الباب💜))
عبدالله:فاطمه..انتي كويسه...نور امشي جيبي ليها مويه... ويا مازن شوف لي الحبوب بتاعتا وين
مازن:طيب...
عبدالله:مازن حكى لي بالحصل...
فاطمه:لي...لي بحصل معاي كده... لا انا عاوزه افهم... انا اتخلقتا علشان اتعذب وبس💔
عبدالله:استغفري...دي اختبارات من ربنا ليك... قابليها بالصبر💜وبالنسبه لي العذاب انتي ماشفتي شي... جربتي احساس انك تشوفي اهل ابوك بعاملوا امك اسوء معامله... ولا جربتي احساس ابوك يسكر ويشرب علشان يهرب من الواقع... لا جربتي احساس تكوني عارفه امك عندها كانسر بس ماقادره تسا
عديها...وهي تكون محلفاك انك م تكلمي زول... جربتي احساس تبقي يتيمه ام واب.. وتعيشي مع جد ينبذك ويسئيك ولا وكمان يقول ليك امك وابوك ماتوا بي سببك💔انا عشتا الطفوله القاسيه دي يا فاطمه...اي زول بسألوهو اذا حابب طفولتو ترجع ولالا.. بقول اي عاوز.. الا انا... ماكنت بحب اتذكر طفولتي... امي لمن ماتت كان عمري يادوب 5سنين..بعديها بي فتره ابوي اتوفى... اتربيت في بيت جدي... ههه المفروض يكون حنين علي... بس طلع العكس💔كان اسوء مخلوق... يمكن الوحيد الكويس في الاسره دي.. ابوك💜كان حنين ومابكسر لي جدي كلمه....اما ابوي انا طلع عن طوع ابوي واتزوج امي،،،وبعدها بدت حياتو تخرب،،،لحدي ما اتوفى
((فاطمه عاينت لي عبدالله لقت عيونو مدمعات،،،))
عبدالله:المهم المعلومه العاوز اوصلا ليك.. كلنا بنمر بي تجارب سيئه وابتلاءات واختبارات ربانيه... فالمفروض نصبر صاح... صاح ولا ماصاح يابطتي💜
فاطمه:صاح.....اسفه
عبدالله:على شنو.
فاطمه:جوطتا ليك راسك.. وذكرتك بي حاجات ما المفروض تتذكرا💔
عبدالله:ههه اساسا مانسيتا...
فاطمه:طيب انا عايزه ام نور ومازن ترجع البيت.. والا ح افضل ألوم نفسي💔
عبدالله:رجعيها...حاولي اتقربي منها.. واكسبيها ك أم... مش تعتبريها مره اب
فاطمه:طيب كيف
عبدالله:لا كيف دي...امور نسوان😂كيدهن عظيم... فكري برواقه وح تلقي الحل💜انا اتأخرتا لازم امشي.. الليله ح انزل في المجمع الطبي... باركي لي
فاطمه:مبرووك..ومووفق
عبدالله:طيب يلا سلام
فاطمه:عبدالله ثواني
عبدالله:اهاا
فاطمه:شكرا💜مع انك تستاهل اكتر من كده
عبدالله:ههه...برضو اديها صنةة.. وبوريك انا بستاهل شنو😉
((وغمز ليها وطلع😂نور جات داخله وحبت تشغلها لي فاطمه))
نور:احم احم... من بدري قولي عبدالله سبب الابتسامه.. وانا وربي ح اربطو ليك جمب سريرك دا😌
فاطمه:هسسس يا حيوانه 😒🤜🏻...خلينا من عبدالله اسي... انا عاوزه ارجع امك البيت
نور:لو عاوزه سلامتك.. ماتتدخلي في الموضوع دا
فاطمه:سلامتي؟؟
نور:اي😂ماشفتي الفيله القبل شويه ديل... لو واحده قعدت فيك بتفطسك😂💔👋
فاطمه:بس ياخ بطلي عواره.. وبعدين عيب ديل خالاتك😒
نور:عايني هنا.. لابساعدك لاشي😏ماشه اشوف لي نوم ينفعني
فاطمه:والفطور يابت
نور:انا ماجعاانه😒👋يلاا لي بعدين
فاطمه:اوووف...يارب ساعدني انت😥❤
((وبقت تفكر وتفكر... وبحثت في عمو قوقل😂😂😂...))
فاطمه:لا انا جنيت رسمي.. ع اساس قوقل ح يوريني الحل....
((وقعدت تفكر....لحدي المساء لقت ليها طريقه ظابطه💜بس كانت مستنيه ابوها يجي علشان يوصلا لي اميره.... ))
مازن:مالك ياتوته متوتره كده
نور:انت لو عرفتها بتفكر في شنو..ماح تسألا😒
فاطمه:ممكن تسكتوا انتو الاتنين
طارق:السلام عليكم
مازن:وعليكم السلام
فاطمه:عمو طارق انا...
نور:عمو😂
فاطمه:نور😒...انا ما متعوده
طارق:مامشكله..مالك في شنو
فاطمه:انا...انا كنت عاوزه امشي لي خالتو اميره...وعاوزاك تمشي معاي
طارق:لي شنو
فاطمه:عاوزاها في موضوع ضروري... بليز بس ارح معاي
طارق:طيب...البسي وارح
((فاطمه طلعت فوق... لبست عبايتا وجات نازله))
فاطمه:انا جاهزه
طارق:طيب يلا
نور:توته😂الله يستر عليك غايتو
((فاطمه حمرت لي نور... وطلعت مشت مع طارق.. طارق الطريق كلو يسألا عاوزه اميره في شنو... بس رفضت توريهو))
فاطمه:هي في بيت خالتو سهام صاح
طارق:لا ح تكون في بيت غاده
((وصلوا البيت.... طارق نزل ضرب الباب.. وفاطمه اخدت نفس عميق حتى نزلت... فتحت ليهم الباب لدن))
لدن:يا مراحب
فاطمه:خالتو اميره موجوده
لدن:اي
فاطمه:طيب بس لو سمحتي ممكن تقولي ليها انا عايزاها،،،،قولي ليها فاطمه،،،،😊💜
يتبع
✏ننس🎀
