احببته بعقل ١١

#احببته_بعقل
-١١-

قولته ليها لميس،،،دا شنو????عاينت لي وهي منططه عيونا،،،قالت لي ملح،،،قولته ليها بإستغراب ملح!! وعاملاهو قدام شقتي لشنوو،،،،قالت لي هه من العين والحسد والشياطين وكده،،،بحميك وبحمي بيتك،،،قولته ليها وعاملاهو الوقت دا لي،،،قالت لي بدون سبب،،،ونزلت مستعجلهه،،،قفلتا الباب،،وقولته البت دي ح تجنني،،،مشيت نوومتاا،،،صباح اليوم التاني،،،لبستا عبايتي و مشيت الشغل،،،،،زي الضهر كده ضربت لي اينار قالت لي عاوزاك ضروري،،،قولته ليها انتي في البيت صاح?? قالت لي لا،،،في بيت ناس عمو احمد ،،،قولته ليها والوداك شنو،،قالت لي جيت لي مها،،،عاوزاها تقرا لي،،،تعالي،،،قولته ليها اينار انتي مجنونه،،،تقرا ليك شنو،،،مش ماما حذرتك من الخوزعبلات دي،،،،قالت لي اي،،،بس استحاله يكون الشي بمر بيهو انا وحذيفه دا طبيعي،،،قولته ليها ولو،،خلي املك في ربنا وبس،،ويلا اطلعي من عندها سرعهه،،،قالت لي مابقدر وقفلت الخط،،،،رجعت ليها رفضت فيني المكالمه،،،ورسلت لي رساله،،قالت لي لو عاوزاني تعالي بس،،،،،،مدام ليلى كانت ماف،،،اجرتا لي امجاد وطلعتا،،،،وصلتا بيتهم فتحت لي الحبشيهه،،،قولته ليها وديل وين،،،قالت لي في الغرفه ديك،،،،طبعا مها دي اخت عثمان،،،اولاد عمي،،،وعندها زار،،وكم مره وقعت،،،،انا مقتنعه بوجود السحر والجن لانو مذكوره في القران بس بحكايه الاعمال والشياطين البجوها وكده لا،،،،مشيت ليهم الغرفه،،،طبعا مفرشاها كلها باللون الاحمر،،وهي لابسهه احمر وخاتا الطربوش بتاع البشوات ،،،،لقيتهم عاملين الجبنهه،،،سلمتا عليهم وقعدتاا،،،قالت لي ام البنيه،،،نططا عيوني،،،قالت لي مش حامل ببت،،،قولته ليها اي،،،،قالت لي اينار كبي ليها قهوه،،،قولته ليها لا ماعاوزه،،،قالت لي لا اشربي ،،،كبت لي فنجان وشربتا،،،،بقت ترمي في الودع لي اينار،،،وانا مامركزه معاها كتير،،،،قالت ليها انتي يا اينار مالك مع الود الطويل الاصفراني،،،متشاكلين صاح،،،قالت ليها اي،،،قالت ليها اممم،،طيب ياستي زولك دا خاتين ليهو ورقتين في وشوو،،،قالت ليها يعني شنو،،قالت ليها يعني عاملين ليهو عمل،،،الورقه الاولى مفعولا ماطول،،والتانيه دي ختوها ليهو قريبات دي،،،،قالت ليها عمل!! قالت ليها اي عملتو ليهو البت الصفراء الاقصر منك وصحتا سمحهه،،وزولك دايرك بس مانعاتنو الورقتين ديل،،قالت ليها بت صفراء،،،قالت ليها اي،،،،قالت ليها اها العمل دا بتفكا كيف،،،،قالت ليها دا صعب ،،،، شكلها عاملاهو عند شيخ كارب،،قولته ليها ههه قصدك دجال،،،،ورجعتا عاينتا لتلفوني،،،،قالت لي ايناس انتي لسهه دورك ما جااا،،،اسي بوريك الفيك شنو،،قولته ليها شكرا ماعاوزه،،،اينار قالت ليها انسيك منها،،،،اها بتفكا كيف?!،،،قالت ليها اضبحي لي حمامه وجيبيها لي بدمها،،،ووصفت ليها كم نوع بتاع بخور من العطار قالت ليها تجيبهم،،،،اينار قالت ليها كويس،،،،،قولته ليها اينار انتي جاده ح تعملي كده😒ماردت لي،،،تاني رمت الودع،،،،مها قالت لي جاك يا ام البنيه،،،،قولته ليها ماعاوزاهو😊،،،عاينت لي مسافهه،،،قالت لي كتبووك عند واحد لا صام لا صلى لا عرف الله،،،عملو شين،،،وعمرو ما سوى السمح😊،،،قولته ليها ببرود وبعدين،،،،،قالت لي بيتك،،،قولته ليها مالوو،،قالت لي اخير تمرقي منوو،،،العمل كلو فيهوو،،،وح تتبشتني انتي وراجلك لو ما طلعتو منوو،،وانتي الايام دي مجهجه،،،اينار قالت ليها ما ظهر ليك العملو منوو،،،قالت ليها ياها نفس البت ،،،الصفراء،،،بس ايناس صحتا اسمح منها،،،،قولته ليها مها انا،،،قالت لي عارفاك مامقتنعهه وح تقولي لي انتي مابتعلمي بعلم الغيب،،،،اي فعلا مابعلم بعلم الغيب ولا شي،،،بس ممكن تقولي بشوف الحاجات الحاصله في الوقت الحاضر،،،يعني اسي انا ماقولته ليك مستقبلا ح يحصل ليك شنو،،،قولته ليها لو قعدنا نتناقش ماح نطلع بحاجهه،،لانو النقاش معاك عقيم😊،،،،وشلتا شنطتي وطلعتا،،،،

لقيت عمو احمد وعثمان في الصاله سلمتا عليهم واتونسنا،،،طبعا عثمان بسبب مها والناس البجوها خلى البيت وسكن براهو،،،بس،بجيهم من فتره لفتره،،،،بعد ربع ساعه طلعت اينار،،،وحلفونا نتغدا ابيناا،،وجينا طالعين ،،،اينار قالت لي انا خوفتا من كلاما،،قولته ليها يابت كذب ساي،،،وانتي متعلمه ماالمفروض تصدقي كلام زي دا،،،،قالت لي اها بيني وبينك الكلام القالتو ليك صااح،،،،قولته ليها كلام شنو،،،اساسا ماركزتا معاها،،،قالت لي انا ح اضبح ليها حمامه واعمل القالتوو،،،قولته ليها تكوني جنيتي رسمي يا حلوه،،،قالت لي ايناس حلفتك خليني اعمل،،،وماتكلمي ماما،،،قولته ليها بكلماا،،،،قالت لي ياخ بطلي عولاق،،،قولته ليها اعملي الشايفاهو مناسب يازوله،،،،قالت لي طيب انا ماشهه السوق اسي،،،،قولته ليها انا ح ارجع الشغل،،،وودعتها ومشيت،،،

وصلتا الشغل لقيت ليلى،،،وحكيت ليها بالحاصل،،،قالت لي ماتستبعدي يعملو ليك عمل،،،قولته ليها هووي هاا كلام فاضي ساي،،،،،المهم خلصتا شغلي ورجعتا البيت،،،،قدام باب شقتي كان في ديدان صغيره،،،بقيت افتح واغمض،،،قولته احتمال بتخيل ولا حاجهه،،،بس،بالجد كان في ديدان،،،،وكلها قدام الباب بس،،،،،،ناديت هيماا كذا مره مارد لي،،،،جاني ولييد من تحت،،قال لي مالك،،،قولته ليهو هيما وين،،،قال لي تحت بنلعب بلستيشن،،،قولته ليهو ناديهو لي،،،قال لي نظام مشتاقهه ليهو😒قولته ليهو ياخ بس ناديهو،،،،قال لي طيب،،،هيما طلع لي بعد شويهه،،قال لي مرتي الانا مشتاق ليها❤️قولته ليهو هههه حتى هي مشتاقه ليك،،،قال لي مالك مادخلتي،،،،قولته ليهو خفتا اخش،براي،،،،قال لي تعالي،،،مسكني من يدي،،،،والديدان دي كانت محاوطه الباب،،،بس انا ماقدرتا اقول ليهو،،،لاني بقيت متأكده اني بشوف الحاجات دي براي،،،،دخلنا الشقهه وقفلتا الباب بسرعهه،،،قال لي هه براحه ياخ على الباب😂،،،،قولته ليهو عشان بيتك يعني😒قال لي بيتناا❤️قولته ليهو اها ماشي الحنهه??قال لي اي انا ووليد،،،حتى لميس،قالت ماشهه معانا،،،قولته ليهو ولميس البوديها شنو? قال لي حذيفه عزم الشركه كولها،،،قولته ليهو اهااا،،،،بعد شويهه قال لي اداهم اجازه،،،بس هي الليله طلعت من الصباح،،،ولحدي اسي ما رجعت،،،،قولته ليهو بتكون في السوق،،،قال لي يمكن،،،،،

لميس،كانت في بيت واحد عمرو مابتجاوز ال30،،،وحواليهو اوراق بيضاء فاضيهه وجزء فيها كتابهه،،،وايات القران محرفهه،،،،ودم حيض في كم قطعهه💔💔لميس قالت ليهو المره دي،،،،عاوزه العمل ماينتهي ولا يبطل مفعولو الا لو ضحوو بروح زول💔💔