#موطني
-٢٥-
فاطمه:طيب بس لو سمحتي ممكن تقولي ليها انا عايزاها،،،،قولي ليها فاطمه،،،😊💜
لدن:طيب،،،،اتفضلوا جوه ح امشي اناديها واجي
((لدن مشت جووه وكلمت امها واميره،،،))
غاده:وكمان جايه بي رجولا لحدي هنا😠،،،،اميره خليك هنا انا بتصرف معاها...
((ومرقت غاده منفعله شديد،،،لقت فاطمه وطارق قاعدين في الحوش،،،))
غادة:اسمعي هنا،،،طلعتي اختي من بيتها وسكتنا ليك،،،،جايه لاحقاها لحدي هناوعاوزه تفرسيها اصلا ماح اسمح ليك👋
فاطمه:لا بس جايه اتكلم معاها،،،
غاده:تتكلمي معاها بي صفتك شنو،،،،،بت راجلها👋عليك الله غوري كده ولا كده،،،،
طارق:غاده،،،انتي من يوم جيت واتقدمتا لي اميره شفتي من شي كعب😊
غاده:لا،،،بس
طارق:طيب انا لي يوم الليله كويس معاكم ومعاها،،،،ولحدي اسي ماعاوز اخسرا ومتمسك بيها،،،وعلى ما اعتقد دا شي بخص اسرتي انا بس،،،فالمفروض تخليني احل الموضوع دا براي،،،
غاده:انت عاوز تصل لي شنو؟؟؟
طارق:نادي لي اميره بس... فاطمه عاوزاها،،،تتكلم معاها،،،واوعدك تاني ماح تشوفي وشوشنا دي😊 ،،،
غاده:طيب يا طارق،،،النشوف اخره موضوع بتك دا شنو،،،يا لدن،،،لدن
لدن:اي يا امي،،،
غاده:سوقي البت دي ودخليها لي خالتك جوه،،،
لدن:حاضر...تعالي معاي
فاطمه:يلاا
((فاطمه مشت ودخلت لي اميره في الغرفه،،،،اميره كانت صاره وشها وبتعاين لي فاطمه من فوق لي تحت،،،،))
فاطمه:عارفه يا خالتو اميره،،،الدنيا دي غريبه والله،،،،كانت معاي ظالمه شديد،،،ومرات حلوه،،،،بس اكيد ظالمه اكتر ههه،،،اول ما اتولدتا كنت عايشه مع ماما صفاء اساسا ماشكيت لي لحظه انها ما تكون امي،،،عن كميهه الحنيه العندها لي واهتماما بي،،،ماكانت بتحسسني ابدا بي احساس اني مابتها،،،،لمن ماتت كانت صدمه بالنسبه لي،،،ماقدرتا اتحمل،،،لانو بإختصار هي كانت محور حياتي،،،،ماكان في زول غيرا في حياتي،،،،بعد اتوفت وصت عمو طارق انو يرعاني،،،،صراحه كنت مجبوره اجي واسكن معاكم،،،لانو ماعندي محل تاني امشي ليهو،،،لقيت الابواب كلها اتقفلت في وشي،،،اتجبرتا اجي،،،،ولمن سكنتا معاكم،،،كنت بحسد نور عليك💔ماتستغربي ،،،بس بالجد كنت بحسدا لانها عندها ام وانا لا،،،،وكنت بستغفر،،،وبفرح لمن اشوفكم سوا،،،،ولمن اكتشفتا انو صفاء ما امي،،،وكل اللخبطه الحصلت دي،،،اتصدمتا زياده،،،لدرجه انو حسيت حياتي وقفت وكنت ح انتحر،،،،وختيت نفسي مكانك وعرفتا انو موقف صعب عليك،،،،بس ربنا رحيم،،،،واتأكدت بي كده،،لمن شفتا نور ومازن،،،انبسطوا اني اختهم حتى لو من ام تانيه،،،،ههه ما اطول عليك،،،بس باين انك مرأة ذكيه،،،واكيد ماح تخربي بيتك وحياتك بي سبب قصه فات عليها18سنه،،،،ولا ح تستفيدي شي لمن تكرهيني،،،اي نعم كنتي بتكرهي امي بدافع الغيره طبعا،،،،بس اسي حتى لو كرهتيني ماح يأثر بي شي،،،لانو امي ماتت وشبعت موت،،،،،،وبدل تعتبريني بت راجلك زي مابقولو،،،،ياريت تخليني انول شرف اني ابقى بتك الكبيره❤،،،،فكري وصدقيني عمو طارق ومازن ونور وحتى انا،،،مستنينك ترجعي،،،،تصبحي على خير
((وطلعت قبل اميره تتكلم،،،،قلبها كان بضرب بطريقه😂😂💔))
غاده:خلصتي😏
فاطمه:اي،،،يلا بعد اذنكم،،،تصبحوا على خير،،،،
((وطلعت من البيت هي وطارق،،،،))
طارق:اها ماناويه توريني الموضوع شنو؟؟
فاطمه:حاجه كده بين ام وبتها
طارق:ام وبتها!!
فاطمه:ارح الوقت اتأخر،،،،
((تاني يوم الصباح فاطمه جهزت نفسها... لبست ليها اسكرتي اسود وتيشيرت اسود،،،وطرحه سماويه،،،واسبورت ابيض بي سماوي💜،،،،حجبت الطرحه ونزلت،،،،لقت ناس نور بفطروا،،،،))
نور:على وين الجميل ماشي
مازن:طالعه مززه😍لو ما اختي كان جكستك🌚
نور:وتحجيبة الطرحه فظيعهه😻❤
فاطمه:بطلوا تشغيلات👊اا.. عمو طارق،،،عاوزه امشي لي صحبتي عرسها قرب،،،وصراحه طولته من شوفتا،،،
طارق:تمشي طوالي،،،بس م تمشي براك،،،مازن سخن العربيه ووصلا
مازن:شنو يا حاج،،،رخصه ماعندي وعمري صغير،،لو ناس المرور قبضوني،،،
طارق:لالا مابقبضووك،،،،سوق بي ثقه بس😂
نور:على فكره هو جبان شديد،،،مش لو ساق بي ثقه،،،الطول ما مساعدو😂💔
مازن:نور😠
فاطمه:خلاص روقوا،، عادي ممكن امشي بالمواصلات المشكله وين،،،
عبدالله:تمشي بالمواصلات وود عمك قاعد،،،
طارق:ود حلال.. اسي كنت ح اتصل عليك تجي توصلا،،،
عبدالله:ماشه وين انتي،،،
فاطمه:بيت ناس اروى،،،
عبدالله:اها كويس،،لانو انا برضو راجع البيت،،،بس قلته اجي اسلم،،طيب يلا،
نور:ما تقعد تفطر😉
عبدالله:لالا مليان فل،،،بالهناء ،،،يلا يا فاطمه
((وطلعت معاهو،،،هو كان بي وراها،،،وهي بقت تفتش في عربيتو،،،))
فاطمه:جيت بدون عربيه؟؟
عبدالله:قصدك غيرتا العربيه😌
فاطمه:بالجدد،،،مبروووك يااخ❤
عبدالله:انا شاب داخل على مسؤوليات وكده،،،لازم حاجاتي كلها تكون جديده😉
فاطمه:مسؤوليات شنو،،،مافهمتك
عبدالله:اديها صنةة... وبفهمك💔😂
فاطمه:اووف من كلمه صنة دي،،،ارح ارح الزمن
((وكانت عاوزه تفتح الباب،،،عبدالله فتحو ليها وركبت،،،،بعدين اتحركوا،،،،وطول الطريق كان مشغل اغاني خليجيه،،،،،وكان بغني💔😂))
ف
اطمه:عبدالله
عبدالله:عيونو
فاطمه:صوتك بشع شديد،،،ماتغني بتخرب الاغنيه،،،
عبدالله:احلفي😒طيب دقيقه...
((وقفل المسجل،،،وبقى يغني ليها في اغنيه حبيبي قرب😂))
عبدالله:حبيبي قرب بوص وبوص بص،،،زعلان ازعل،،ازعل اه ونص،،،لحسن ح ابعد،،،
فاطمه:😂😂😂بس يا نانسي،،،بتنشري الغسيل
عبدالله:لا يا اووختي،،،ههههييي
فاطمه:😂😂😂عبدالله خلاص ياخ
عبدالله:مالك لا خليجي عاجبك،،،مصري كمان لا😂
فاطمه:طب سمعيني زغروته😂💔
عبدالله:ولللللوووي😂😂😂💔
فاطمه:تتجازى ياخ،،،ضحكتني😂👊
عبدالله:اصلا الوش دا ما بشبه غير الضحك،،،
((فاطمه ابتسمت ليهو ورجعت تضحك تاني😂💔قضتا ليهو تشغيلات لحدي ما وصلوا،،،))
فاطمه:شكرا على التوصيله يا نانسي😂
عبدالله:العفو يا اووختيش😂😂،،،اسمعيني،،،انا ح اخد لي نومه كده زي ساعه،،،وبعدين طالع المجمع،،،لمن تخلصي اتصلي علي
فاطمه:ماعندي رقمك لكن
عبدالله:هاتي اسجلو ليك
((وادتو التلفون سجل رقمو،،،بعدين طلع شقتو،،،وهي مشت بيت ناس اروى،،،فتحت ليها الباب بنوته صغيره))
فاطمه:ياحلوه،،اروى موجوده
.......:اي في غرفتها،،،
فاطمه:طيب
((دخلت ليها جوه.. لقتا بي اكياس الكريم😂))
فاطمه:خلاص بديتي؟؟
اروى:تااام😃وااي ياخ وربي مشتاقين،،،خشي حضن سرعه❤
فاطمه:انا مشتاقه ليك ما انتي،،،وعندي ليك مواضيع كتيره❤
((بعد حضنتا،،قامت براها جابت لي روحا مويهه،،،وسلمت على ام اروى،،وكان في كم خاله كده،،،،بعدين رجعت لي اروى جوه،،،،وقعدت تحكي ليها،،،عن امها ناهد،،،وكل المواضيع الحصلت))
اروى:لاحول ولاقوه الا بالله،،،،سبحان الله يا تام،،،يعني انتي طلعتي اختهم بالجد،،ونحنا الفاكرنو اسم لي اسم
فاطمه:تخيلي بس ،،غايتو الحمد لله،،،
اروى:اها وتاني الجديد شنو غير تحجيبه الطرحه دي😉مستغربه فيك😂البت البتطلع بي جلباب تحت الركبه بي شويهه،،،وفساتين قصيره وبناطلين،،،الليله ماشاء الله❤عيني بارده،،،مين ورا التغيير دا
فاطمه:صدقيني زول،،،وموقف برضو،،،
((حكت ليها بي عمله احمد،،ووقفه عبدالله معاها))
اروى:وااي التافه،،،بس ياتوته لو جينا للسبب،،،ملابسك🌚
فاطمه:اي،،،اصلا دا السبب،،،ومن يومها قررتا ما البس ملابس شاذه،،،واتذكر ااني بتحاسب على تصرفاتي لاني ما طفله،،،بت كبيره وواعيه
اروى:والله عقلتي ياه😂💔انا كمان،،اكتشفتا جوانب حلوه شديد في رامي،،،يمكن حبي لي مازن،،،ماكان مخليني اشوف شي،،،الحمد لله
((وجروها ونسه،،،وضحك لحدي المغرب،،،فاطمه قامت صلت،،،بعدين اتصلت بي عبدالله،،،قال ليها نص ساعه وبوصل،،،))
فاطمه:اسي بعد ونستنا دي،،نسيت اسألك،،،ح يخليك تكملي دراسه ولا كيف
اروى:والله ياتوته وعدني انو يخليني اكملا،،،بس بيني وبينك صاحب بالين كضاب،،،اكون مسؤوله من بيت،،،ومن قرايه،،،صعبه علي
فاطمه:يازوله حاولي،،ولو بعد حين... ماتيأسي،،،ان شاء الله لو بعد ميه سنه،،،القرايه دي مهمه،،،
اروى:ان شاء الله
((بعد شويهه عبدالله وصل،،،نزل سلم على اروى ،،،وفاطمه بتعاين ليهو ساي،،،ودعت اروى واتحركوا مشوا،،،وفاطمه الطريق كلو تضحك عليهو💔😂))
عبدالله:يازوله مالك،،ح تموتي ماتتضحكي كده
فاطمه:نانسي خليك في حالك
عبدالله:نانسي في عينك،،،اسمي عبدالله😂
فاطمه:لا،،،بوص وبص بص😂😂💔
عبدالله:والنعمهه ادفع نص عمري،،،بس انتي خليك مبسوطه كده❤
((فاطمه فصلت مويه ونور،،،وسمع وبصر😂💔))
عبدالله:فصلتي يقلبي😂
فاطمه:قلبك ماف😂مافصلتا ولاشي،،،وسوق وانت ساكت يا نانسي😂
عبدالله:المره الجايه ح اخنقك تمام😒
((ووصلا لحدي البيت،،،وهي لسه بتتضحك عليهو،،،نزلت ونزل معاها))
فاطمه:يلا تصبح على خير
عبدالله:وانتي من اهلي❤وبالمناسبه الحجاب فيك حلو يابطتي💜
((وغمز ليها😂وركب دور عربيتو ومشى،،،وهي قدر ما حاولت تخفي ابتسامتا،،،ماقدرت💜بعد اسبوع صحت فاطمه على كواريك نور،،،نزلت تحت لقتا حاضنه امها❤))
نور:يعني تاني ماح تخلي البيت صاح😭❤
اميره:اكيييد،،،،
فاطمه:سلام
اميره:في بت بتسلم على امها من بعيد كده😒👊تعالي❤
((وفتحت ليها يدينا،،،،فاطمه بقت تبكي،،،وقامت جاريه وحضنت اميره،، حتى اميره بقت تبكي معاها))
اميره:خلاص من يوم الليله ماف دموع طيب
فاطمه:طيب
اميره:على فكره لسه ماسمعتا منك كلمه ماما،،،ولا انتي ماعاوزاني اسمعا😢
فاطمه:لا طبعا،،،ماما❤ماما اميره،،،،💜
يتبع
✏ننس🎀
