#موطني ❤🔥
-١-
تأليف:إيناس آدم(ننس)
ناهد:ااي يا صفاء.. الحقيني انا حاسه اني ح اولد ومافي زول معاي... النبي فيك تجيني😭
صفاء:😳ناهد... انتي جاده... عايني الساعه كم...طيب انتي وين اسي
ناهد:انا..انا في.....في بيت مهجوور كده...
صفاء:طيب طيب انا جايااك... م تخافي.. بس ادعي خالي يخليني اطلع بعد الزمن دا....
ناهد:سرعه انا ماسكه نفسي بالعافيه...😭
صفاء:طيب طيب
((صفاء لبست ليها اقرب عبايه...طلعت برا لقت خالا قاعد وسكران وحالتو حاله))
صفاء:خالو ...يا خالو ضياء... انا طالعه
ضياء:طالعه وين.. الزمن دا
صفاء:عندي دوام في العياده..لازم امشي
ضياء:امشي...بس قبل تمشي ختي لي حق القزازه😉
صفاء:اووف..الله يصبرني بس.... طيب
((وطلعت 100جنيه من شنطتها))
صفاء:دا بس العندي.. سلاام...
((وطلعت وهي بالا في صحبتها..... لحدي ما وصلت المكان الوصفتو ليها💔....))
صفاء:ناهد.. ناهد
ناهد:اا..انا هنا...
صفاء:ناهد💔مالك عامله كده💔
ناهد:انا تعبانه يا صفاء... ح.. حاسه.. حاسه انو نفسي نفسي تقيل شديد💔
صفاء:م تخافي.. انا جايبه معاي كم حاجه بساعدوني اني اولدك.. بس عاوزه لي مويه سخنه... دقيقه خليك في مكانك دا...
((وطلعت صفاء فتشت ليها بيت قريب من المكان الهم فيهو....ضربت الباب...سلمت عليهم وكانوا ناس طيبانين يعني... خلوها تسخن موية..... وشالتا وطلعت.... ))
صفاء:ناهد...يلاا قومي... حاولي جري نفس... يلاا...
((وكانت بتحاول بي كل الطرق تولدها رغم انها م عندها خبره💔...وفي الاخر قدرت تولدها❤))
ناهد: ص.. ص صفاء..جبتا شنو....
صفاء:بت...بت بتشبهك.. ههه❤😢....
ناهد:الحمد لله... يا رب تغفر لي ذنوبي يارب...
صفاء:والزفت ابوها وين
ناهد:طارق ...هههه... طارق اتزوج يا صفاء.. اتزوج امبارح
صفاء:😳...برجع وبقول تستاهلي😡... لانك سلمتيهو اغلى ماعندك... يااخ تستاهلي اي مصيبه تقعي فيها😡.. انا كلمتك.. طارق دا عمل علاقه مع كم بت وخلاها... انتي م بتسمعي الكلام...
ناهد:الكلام بفيد بي شنو... الحصل حصل💔...
صفاء:المهم اسي... ح امشي اجيب امجاد واجي...
ناهد:ح توديني وين
صفاء:بيتي طبعا....
ناهد:وو..ووخالك؟؟
صفاء:هههه خالي قال.. يا بت هاا...
ناهد:طيب اديني ورقه وقلم... بس ثواني..
صفاء:عاوزه بيهم شنو..
ناهد:ح اكتب حاجه.. انتي امشي جيبي الامجاد وتعالي..
صفاء:وبتك البمسكا منو..
ناهد:شيليها معاك... غطيها بي عبايتي دي.. طيب
صفاء:تمام..م تخافي م ح اتأخر عليك
ناهد:تمام....
((صفاء،طلعت عشان توقف امجاد... والشوارع كانت زحمه.. الساعه كانت 12....وفي يوم راس السنه1997...والناس كلهم ماشين يحتفلوا.... صفاء بعد صعووبه لقت امجااد.... وقفتا... وقالت ليهو يستنى... تنادي صحبتا وتجي..... اول ما دخلت البيت المهجور...))
صفاء:ناهد...ناهد... يا بت انتي نومتي ولا شنو... قومي الامجاد واقفه.. وبالمره اوديك مطعم نحتفل ونرجع❤😍... ناهد...لالااا مستحيل نااااااهد😱.....
((صفاء م عرفت تتصرف كيف بقت تبكي وتصرخ.. ومافي زول جايب خبرها.... ))
صفاء:يارب اتصرف كيف 💔😭
((لاحظت انو في ورقه في يد ناهد.. اخدتها... وبقت تعاين للمولوده سااي.. ومتأمله فيها.....بعدين اخدتا ورجعت لي بتاع الامجاد.....))
صفاء:ااا..يلا يلا اتحرك
......:صحبتك وينا
صفاء:اا..لالا لقيتا طلعت بي امجاد تانيه.. يلا يااخ ماتكتر اسئله.. وصلني العنوان دا....
......:طيب...
((صفاء وصلت البيت وجسمها كلو برجف... وخاايفه... لقت خالا مرمي في الارض وبغني.... دخلت غرفتا وختت البت في السرير وبقت تعاين ليها ودموعا حلفوا لو يقيفوا.... ))
صفاء:ااااخ يا ناهد اااخ... انتي اسي جيتيني من وين.... يا رب..... وانتي اعمل فيك شنو اسي... وريني..... يارب صبرني يارب...
((وفتحت الورقه وبقت تقرى فيها وكل مره تبكي... وتتحسر وتحسبن... الورقه اتملت بي دموعا💔طبعا الطفله بتبكي مما جابتا وماعاوزه تسكت... صفاء حاولت تسكتا.. وختتا ع صدرها.شبه رضعتا.. والطفله ناامت💔))
صفاء:الليله نومتي... بكره اجيب ليك حليب من وين يااخ... ولا مره مرضعه ولا اتصرف كيف.....ناهد وطارق الله يجازيكم... ذنب الطفله دي في رقبتكم ليوم الحساب
((في مكان تاني... وفي ڤيلا فخمه...... ))
طارق:حبيبتي انا م مصدق انو انتي بقيتي لي خلااث.. وح نعيش باقي عمرنا مع بعض❤
اميرة:لا صدق يا طارق.. وانا بوعدك ما يجي علينا يووم.. نزعل من بعض او نختلف❤.....
((تاني يوم الصبااح صحت صفاء على صوت الطفله وهي بتبكي... ))
صفاء:اصبحنا يا توتة.. مالك بتبكي.... في شنو😤...امك ماتت.. وابووك اتخلى عنكك قبل يشووفك حتى.. انا.. انا صفاء،الزين دي ذنبي شنو معاك😤
ضياء:صفاء..صفاء🗣
صفاء:خالو😱اشش اسكتي اسكتي الله يخليك
((وطلعت من الغرفه.... ))
صفاء:اا..اي يا خالو.. في شنو
ضياء:انتي جيتي متين امس
صفاء:بعد ساعه بس.. شكلك طالع
ضياء:ايوه..انا مسافر يومين كده لي حبوبتك في الجزيره ح اقعد فتره.. انتبهي على نفسك مفهوم
صفاء:طيب😍احلى شي... اا قصدي كويس و
سلم لي عليها.....
ضياء:طيب.. مع سلاامه
صفاء:مع السلااامه اووف..واخيرا طلع يا ربي😴 ..انتي لسه بتبكي😤💔.....
((صفاء،اتذكرت انو عندها جارتا ولدت قبل شهرين... لفت الطفله واخدتا ليها.. طبعا اتخلعت.. بس لانها بتعز صفاء ما سألتا دي منو وجبتيها من وين.. اخدتا ورضعتا.. ))
صفاء:انا ح امشي الشغل.. خليها معاك عليك الله.ياسعاد..
سعاد:طيب...بس لو راجلي عرف مصيبه اقول ليهو دي منو؟
صفاء:م تخافي يامزه ما ح يعرف.. يلا بعد اذنك..
سعاد:اسمها منو..
صفاء:اا..اممم.. فاطمة... اسمها فاطمة....
سعاد:توتة..طيب
((وطلعت مشت المستشفى وهي ميه حاجه في بالا... ولانها مشهوره في المستشفى الشغاله فيها دي انها شاطره وطيبانه... مشت للدكتور وكلمتو بي ولاده فاطمه.. وانها عايزه ليها شهاده ميلاد مزوره))
الدكتور:صعبتيها يا صفاء
صفاء:صعبه عليك وانا عارفه... بس حااول عليك الله.. حااول...
الدكتور:انتي قلتي اسم ابوها منو
صفاء:طارق النوري
الدكتور:صفاءانتي جنيتي😱عارفه دا منو وابوهو منو وممكن يعمل شنو...
صفاء:ح يعمل شنو.. انا شخصيا كنت شاهده على مقابلاتهم الغرامية كلها.... فااشنو استكين وطلع لي الشهاده دي.... الدكتور:اسم الام...
صفاء:اكتبا بي اسمي.. لانو ناهد م عندها اي شي يثبت شخصيتها.. اوراق يعني... اها قلتا شنو
الدكتور:طيب...على عيني..اسمك كامل يلا..واسم المولوده
صفاء:صفاء الزين موسى النوو..فاطمه طارق النوري الحسن النوري
الدكتور:طيب يا مزه. بعدين تجي تستلمي الشهاده
صفاء:تسلم يا حبيبنا...
الدكتور:العفوو
((صفاء بعد ماخلصت شغلها مشت استلمت ورقه الميلاد.......رجعت لي سعاد لقت فاطمه نايمه))
سعاد:هااك دي بزه مليانه لبن.. كل ما تبكي اديها تشرب..
صفاء:تسلمي يا سعاد...
((واخدت فاطمه وطلعت.......صفاء كانت متعذبه عذاب مع فاطمه في بكيها وشغبها... وخالا سافر واخبارو اتقطعت.. هي اساسا م بتحب تتواصل مع اي زوول فاا نست موضوعو.. اتصل عليها بعد فتره.. قال ليها انو تاني م بجي الخرطووم وقفل على كده.... صفاء كل يوم كانت بتفتح الورقه بتاعت ناهد وتقعد تبكي....وسمعت بعد فتره انو لقو جثه... وانو الجثه ام.. والطفله مفقوده... وبعد فتره قفلوا القضيه.. ناهد م كان عندها غير خاله واحده بعد امها وابوها م اتوفوا.. اتبرت منها... وعندها اختها متزووجه.. بس صفاء ماعارفه اراضيها💔.. ))
صفاء:ليك يوم يا طاررق... ااخ بس لو القااك...
((مررت السنين والاعوام.... وفاطمه كبرت وكبر شغبها.. بقت حلوه تشبه امها... مواصفات ناهد كانت انها طوويله❤صفراء❤عمرها عشريني❣شعرها طويل ملامحها برئيه جسمها مليان... فاطمه كانت نسخه عنها بس كانت متوسطه في جسمها❤😍....ومع عدد السنين المرت دي صفاء وضعها اتصلح بس م كتيير💔.......وفي يوم مشت لي فاطمه غرفتها لقتا نايمه😴باستا في خدها وراسا.. وقعدت جمبها وبقت تبكي💔))
صفاء:كل سنه وانتي طيبه حبيبتي... وان شاء الله،م تمر عليك سنه الا وانتي مبسووطه ومرتاحه يا عمري انتي❤
((ورجعت غرفتا وبقت تبكي.. وطلعت رسالة صحبتا ناهد.. ))
صفاء:اااخ يا ناهد... ااخ يقلبي انتي... بتك الليله عمرها بقى18سنه....وزييك في اي شي❤
((ورجعت نامت.... فاطمه صحت وهي بتصرخ.. وقعدت ترقص😂💔))
فاطمه:ماما..ماما... الليله عيد ميلادي قووومي يلااا... اااه
صفاء:يا بت اعقلي يااخ😒
فاطمه:اها يامزه ح نحتفل وين😉❤....
صفاء:مزه في عينك... هههه.. ح اعزمك في مكان ح تحتاري لمن تشووفيهو.. هو مكان شين شديد.. بس مميز بالنسبه لي فهمتي
فاطمه:نفس الكووخ الشين البمشي ليهو كل سنه صااح😒💔كل مره تقولي لي مميز مييز وانا افررح وفي الاخر القااهو نفس الحته والمكان 💔😒
صفاء:لمن تعقلي شويه وتكبري ح تفهني ميزتو شنو❤اسي اطلعي مع صحباتك المساء ح نمشي هنااك.. يلاا....
فاطمة:طيب...
((صفاء،نزلت مشت شغلها.. وفاطمه كانت قاعده كان يوم سبت.. اتصلت ع صحباتا وقالت ليهم يطلعوا معاها.... مشت رتبت غرفة صفاء... وبقت تفتش في الدولاب عاوزه القروش لانو صفاء،نيست توريها هي ختتهم ووين..واثناء م بتفتش صادفتها صوره ناهد😱عاينت ليها بي استغراب والصوره كانت مغبشه 💔))
فاطمه:دي منو دي يا ربي🤔....
يتبع....
✏ننس🎀
