#موطني
-٤-
((فاطمه قعدت مع امها لحدي الصباح بتعمل ليها في كمادات💔....اروى قلقت وغشتها...ضربت الجرس فاطمه فتحت ليها وعيونا كانت مورمه وشعرها منكش💔))
اروى:يابت مالك😳عامله زي الشيطان كده
فاطمه:كده ادخلي اول.... امبارح لمن جيت لقيت ماما تعبانه شويه اخدتها المستشفى💔
اروى:وااي يا حليلا سلامتها
فاطمه:تسلمي
اروى:ممكن اشوفا
فاطمه:نايمه والله يا اروى...
اروى:طيب العصر بنجي انا وماما..
فاطمه:طيب
اروى:م تبكي حبيبتي كلو لي خير❤
((وحضنتا❤ومشت المدرسه... فاطمه رتبت البيت وعملت لي صفاء عصير ليمون بالنعناع... وشووربه💓....))
فاطمه:ماما...يلا حبيبتي قومي اشربي ديل
صفاء:ماقادره يا توتة....
فاطمه:بس لازم تشربي😢💔
صفاء:الساعه كم اسي
فاطمه:7
صفاء:مدرستك يابت قومي
فاطمه:مدرسه شنو يا صفويتي😒انا قاعده ليك بس الليله😆
صفاء:خههههه...طيب...
((عبدالله كان في غرفتو وماسك صوره الاشعه💔....))
عبدالله:قبل اليوم حياة انسانه ضاعت بي سبب المرض دا💔المره دي مستحيل اخليها تضيع...ولازم احاول انقذ حياتها مهما كان.. لاني متأكد انها لو ماتت ح تخلي وراها ناس محتاجين وجودا💔
((فاطمه كانت بتشرب في صفاء الشووربه... تلفون صفاء ضرب))
صفاء:بكونوا ناس المستشفى
فاطمه:طيب لحظه.. ح ارد....الو السلام عليكم
.....:وعليكم السلام...صفاء موجوده
فاطمه:ايوة....
.....:طيب لي ما جات الليله
فاطمه:تعبانه شويتين... والدكتور طلب منها ترتاح أسبوع قدام...انا اسفه بس م بقدر اخليها تنزل الا اطمن عليها
.......:عههه طيب.. ابقي طمنينا عليها
فاطمه:اوك
صفاء:لي قلتي اسبوع☹
فاطمه:لانو فعلا ماح اخليك تنزلي اسي.. وممكن اطلب ليك شهر كمان❤😒يلا كملي الشووربه دي
صفاء:طيب....
((مازن كان في غرفتو وبتكلم بالتلفون مع صحبو💔))
مازن:يا مان اتصرف لي انا الليله ما مشيت المدرسه بي سبب الجرعه دي💔اتصرف وجيبا لي في البيت... انا مستنيك يا وليد
وليد:طيب يا اصلي... ساعه وبكوون معااك
مازن:طيب ....
((اروى كلمت شهد ونياز بي موضوع ام فاطمه.. وقالوا المساء بمشوا ليها.....فاطمه قاعده في غرفتا بعد اطمنت انو امها نامت... قعدت تذاكر.... جاها اتصال من رقم غريب💔))
فاطمه:الو
......:اي يا فاطمه ازيك
فاطمه:معاي منو😒...
........:هههه ابردي طيب.. انا الشغال في الاستقبال... الشاب الامبارح
فاطمه:اها وعاوز شنو... واساسا اساسا شايل رقمي لي...
.......:والله بي صراااحه انتي عجبتيني...والصراحه كلك ع بعض حلوة يووخ❤
فاطمه:حلوه في عينك... منو السمح ليك تشيل رقمي... يعني دي معاملتكم مع اي مريض او مومارض كدا....انا ح اشتكيك لي مدير المستشفى ... عشاان تاني م تتكرر عملتك دي.. ولو سمحتا م تتصل علي تاني✋🏻😒
((وقفلت الخط💔.........هنااك وليد وصل بيت ناس مازن.. اداهو الجرعه بتاعت المخدرات ومازن كان مبسوووط ❤المساء اروى ساقت امها ومشوا لي فاطمه وصفاء،في البيت.. رحبت بيهم... وسلموا على صفاء... وطلعوا... بعديهم جوا شهد ونياز....))
شهد:ربنا يعافيك يااخالتو
نياز:ان شاء الله ذكاه جسم وكفاره ذنوب
صفاء:تسلموا حبيباتي❤م قصرتو....
فاطمه:م تكبري ليهم راسهم ساي😒
صفاء:هههههه...
نياز:طيب نستأذن...
شهد:اي الزمن يلا
صفاء:م تكونوا زعلتوا من الهبله دي
نياز:ععهههه لالا معقووله... خليها لمن تجي المدرسه بنأدبها😆👊
شهد:اي بس تجي يا سجم😒
فاطمه:خلاص...قالوا زياره المريض خفيفه😆✋🏻يلا لو سمحتوا
صفاء:توتة😂👊
((نزلت معاهم تحت... والجوو كان بارد. .فاطمه كانت لابسه ليها جلباب ابيض قصير تحت الركبه بي شويه فيهو ميكي بالكحلي💓....والشعر منكوش👊😂))
شهد:انتي يا بت ح تعقلي متين دا شنو اللابساهو دا😒الدنيا برد وغير كدا ما صاح تلبسي كدا وانتي ناززله الشارع
نياز:اول مره شهد تقول حكم😂👊
فاطمه:😒انا مرتاحه كده.. يلا قدوا بيتكم... ومامشكورين ع الزياره😆✋🏻
شهد:كويس ياسجم😒
نياز:شهد يلا.. اساسا الاسبوع الجاي امتحانات التحريبي الصغير. . يلا بلا لمه👊😆
فاطمه:جزم ورمم👊😆
((استنتهم لما اختفوا من الشارع... وكانت طالعه وقفا صووت شاب))
......:لو سمحتي
فاطمه:ايوه...
.......:بتعرفي ليك ناس ساكنين هنا... ابوهم اسمو عثمان الجيلي..
فاطمه:عثمان الجيلي ...ايوه دا بيت ناس اروى
......:بس معليش ممكن توصفيهو لي... انا جيت من السفر قبل ساعه.. وهم وصفوا لي بس م فهمتا😅
فاطمه:عهههه..طيب ح اوصلك
.......:ح توصليني كده😳
فاطمه:😒خلاص امشي برااك
........:طيب طيب😅
(((ومشت معاهو لحدي جمب الباب... فتحت ليها اروى وما شافت الولد))
اروى:انتي يا بت الكلب جاياني كده لي😒.. ما تحترمي نفسك والبسي لبس ساتر☹.. ولا عاوزه تجري العرسان😉
فاطمه:😒
((فاطمه جرت الولد من قميصو😂👊))
فاطمه:الشاب دا تابع ليكم صاح😆✋🏻
اروى:😳...رامي
رامي:اروتي ازيك😍
فاطمه:كان ضايع.. يلا سلمي ع خالتو وعمو عثمان ..وووتاني انتبهي لي كلامك فهمتي😆✋🏻
((وفحطت من قدامهم💔رامي دخل جوا... طبعا الابتسامه للضرس الاخير.... واروى
متفاجأه بيهو... وهو ماقدر يمسك نفسو وطوالي حضنها ❤))
اروى:😳
رامي:اشتقتا ليك اروتي😍❤
اروى:رر..رامي
رامي:عيونو انتي
اروى:زحي مني... ااا... بابا مشى يجيبك...
رامي:ايوه هو وصف لي البيت وانا م فهمتو.. بس لقيت بت جيرانكم دي ووجابتني
اروى:اا طيب اتفضل... ح انادي ماما
((فاطمه لمن وصلت شارع بيتهم.. ودخلت العماره شافت امها نازله في السلم💔))
فاطمه:😳ماما
صفاء:ي بت انتي مشيتي وين.. قلقتيني عليك😒
فاطمه:انتي النزلك شنو... انا قدمتا ناس شهد... ووصلتا واحد كده لي ناس اروى... تعالي تعالي
((وطلعتا فوق... رقدتا في السرير.... بعد ادتا ادويتا.... اما اروى نادت امها سلمت على رامي وقعدت معاهو... اروى جابت المويه وجاات قعدت جمب امها(رشا).... وتلفونا كل دقيقتين يضرب💔))
رشا:يا بتي م تردي
اروى:م..ما مهم.. دي السجم الاسمها تام دي
رشا:اسي م كنتي معاها... والله انتو عليكم حركات طيب قومي امشي ليها.. بالمره شووفيها عاوزه شنو.. احتمال امها تعبت ولا حاجه.. يلا قومي
اروى:طيب
رامي:اوصلك؟؟
اروى:😳
رشا:وصلها يا ولدي.. الدنيا ضلمت خلاص
((اروى مشت غرفتا لبست ليها.عبايه. وتسب وتلعن في رامي💔طلعت ليهو ووصلا لحدي العماره بتاعت ناس فاطمه))
اروى:انت خليك هنا.. انا بطلع ليها سوورعه وبجي...
رامي:ما تتأخري علي❤
((اروى طلعت وبتضرب في الجرس زي المجنونه... فاطمه كانت بتقرى قفلت الكتب.. ومشت فتحت الباب))
فاطمه:😒خير يا طير
اروى:كده زحي من وشي😒👊
((دخلت جوا.. غرفه فاطمه.. واتصلت لي مازن وتشيل وتتصل.. رد ليها في البدايه شاكلها تاني رجع اتكلم معاها عادي❤خلصت مكالمتا وبقت تاكل في ضفورا))
فاطمه:ح تفهميني في شنو.. ولا اطردك😒
اروى:رامي...يا تام رامي دا انتي عارفاهو منو💔☹
فاطمه:منو يا زفت الطين😒
اروى:ود عمي... وو.. وحاجزني من انا شافعه... والليله لمن شافني حضني تخيلي... شكلو ناوي يعملا☹
فاطمه:يعمل شنو😱😱
اروى:يا قليله ادب يا حيوانه😒. قصدي يعمل خطوبه رسميه💔☹
فاطمه:وانتي لاقيه يا بايره😆👊....
اروى:لا م بحبو... انا عاوزه ميزو وبس☹💔
فاطمه:ميزو يبلعك😒✋🏻قوومي طيري بيتكم.... لاني عاوزه انووم... بكره بتفاهم معاك😴🙅🏼
اروى:كويسه يا تافهه انتي
((اروى نزلت تحت... ولقت رامي واقف.... ساقا ومشوا البيت والطريق كلو يتظاارف.....مررت الايام.طبعا فاطمه ما مشت المدرسه وكل مره صفاء تصر عليها بس رايها قووي...لحدي ما جاا يوم الاحد... فاطمه بعد اصرار من امها وافقت تمشي المدرسه.. .ولمن هي جاايه من المدرسسه طبعا خلصت امتحان وطوالي طلعت...م استنت صحباتا حتى💔ماشه.. فجأه شافت مازن ومعاهو ولد كده في عمر عشريني.. مطلع ليهو كيس من جيبو مداهو لي مازن.. ومازن طلع حزمه قرووش واداها للولد💔💔))
فاطمه:😳مازن🗣
مازن:😳
يتبع......
