#موطني
-١٧-
((تاني يوم الصباح💜،،،فاطمه صحت بدري صلت ودعت لي امها بالرحمه بعدين اخدت كتبا وقعدت تقرأ،،،،،شويهه كده وسمعت زغروده واصوات نسوان،،،،حتى نور صحت بي سبب الكواريك التحت،،،))
نور:اووف في شنو كده من صباح الرحمن
فاطمه:ماعارفه...كده انزلي شوفي
نور:طيب
((نزلت نور عين مفتحه وعين مغمضه،،،لقت امها وخالاتا اتنين وبناتهم قاعدين،،،صبحت عليهم وقعدت،،،،))
نور:شنو الزغاريت من الصباح يا ماما
اميره:يابت واخييراا خالك عاوز يتزوج
نور:خالي منو😳هيما،،،اصلو م بصدق
أميره:هههه حتى انا م صدقتا زيك،،،بس الحمد لله العاوز يكمل نص دينو
نور:غايتو جابا كبيره شديد😻ودي منو سعيده الحظ دي
أميره:سحر بت عمنا،،،سمعتي بيها؟؟
نور:اي اي.. البت القرضه ديك😻❤غايتو صبر ونال،،،،
((فاطمه كانت فوق وحست روحا عطشاانه نزلت تحت... اول م نزلت اخوات اميره(غاده وسهام )قعدوا يعاينوا ليها بي استغراب،،،،بعد طلعت سألوا اميره منها))
سهام:ودي منو يا اميره،،،
غاده:انا زاتي اول مره اشوفا،،،من معارفكم ولاشنو؟؟
اميره:ههه..اي.. ح تقعد معانا كم يوم كده بس
سهام:ايووه...النصيحه حلاتا
لدن:اي يا امي،،،نجاضه😏
سهى:هوي هاا.. تلقاها مكمله روحا مع الكريمات بس
نور:لالا هي بالجد فظيعه😒❤خلو الحقد دا😏،،،يا لدن وسهى
لدن:مالك يانور هايجه،،،نحنا بنتونس بس😪
سهى:وعلى سيره السمحين،،،عبودي وين💜😻
نور:في شقتوو
سهى:يلا يا خالتو اميره لازم تكلموا بالعرس دا،،ضروري يحضر
اميره:هههه..ان شاء،الله
نور:اها بعد الجوطهه والزغاريد دي م قلتو لي العرس متين؟؟
غادة:بعد اسبوعين من اسي،،،
نور:اسبوعين بس😳جادين شديد،،اسي نجهز شنو ونخلي شنو،،،،
غاده:كلمتاا صحبتي تجيب ليكم اي شي بتحتاجوا من دبي،،هي نازله الاسبوع دا،،،اميره ح تتصل ليها وانتي وريها عاوزه شنو
نور:اهاا..كده تمام😻👋🏻واحييينااا،،،خليني اسي اتصل لي خالي القرض أبارك ليهو❤
((وطلعت خلتهم.... وهم قعدوا شويتين وطلعوا،،،،نور اتصلت بي خالا. باركت ليهو❤،،،،،المساء طارق جاا ومعاهو عبدالله،،كلمتهم اميره بالعرس وكذا))
طارق:اي قبيل اتصل لي ابراهيم زاتو😂فرحان شكلو
عبدالله:انا زاتي اتصل علي،،،ربنا يتم ليهم على خير
طارق:اها وانت ما ناوي
عبدالله:والله يا عمي حاليا لا،،،لمن اكون نفسي،،والقى العروس المناسبه
اميره:العروس قاعده بس انت م بتشوف كويس
عبدالله:هههه..شاوري لي بس
اميره:بنات اخواتي ديل ماقعدات،،،،عيبين لي😏
طارق:اي والله يا عبدالله،،،اختار ليك واحده
عبدالله:هههه،،،لمن انوي بعدين دا كلو بهون،،،،
طارق:يلا يا اميره جيبي لينا الغداء
عبدالله:لالا انا فل... اكل انت...
طارق:ياولد شنو فل ومافل،،،اقعد اكل معاي،،،اسي بحردوا
عبدالله:ههههه،،،طيب يا عمي،،،.
((اميره مشت جهزت الغداء مع نور،،،ورصتو ليهم،،،،فاطمه كانت نايمه صحت اتوضت وصلت المغرب،،،،وكانت عاوزه تذاكر بس نفسها قفلت،،،،نزلت المطبخ شربت ليها عصير،،،وكانت واقفه بتتكلم مع روحا😂🙊،،))
فاطمه:اووف،،،،،لي يااخ الايام دي بقت م بتمر سرعه،،،زهجتا عديل😪،،،ياريت الامتحانات تجي سرعه والاجازه تكون في غمضه عين،،،والجامعه تخلص،،،،وبعدها العرس❤ههه،،،ع طول ماما كانت بتقول لي بايره وللعرس دايره😂
((وبقت تضحك بي صوت ،،،،وحست روحا بس عاوزه تضحك،،،،بعد زمن،،كانت دي اول مره تضحك من قلبها وبالشكل دا،،،،لحدي م دموعا جوو نازلين،،،،اول م التفت عاوزه تطلع،،،لقت عبدالله واقف😬))
فاطمه:😳انت واقف هنا من متين😒
عبدالله:يمكن من لما عاوزه الامتحانات تخلص،،،لحدي لما عاوزه العرس يجي😂
فاطمه:اننن😒👋🏻
((وطلعت خلتووو... ))
فاطمه:اووف..لي انا بتختا دايما في المواقف الزباله دي معاهو😤....
((طلعت فوق غرفتا هي ونور.. وفتحت كتاب الفيزياء وقعدت تقرا،،،،بعد ساعه زهجت منو قفلتو،،،شالت تلفونا ودخلت الفيس،،،اول منشور لاقاها،،،كان في قروب كده،،،،،مكتووب فيهو:واضحكتني تلك الجمله التي تقول💜بايره وللعرس دايرة😆،،،فاطمه اول ماعاينت للاسم لقتو مكتوب عبدالله النوري بالانجليزي...وكان مردووم ردم جد😂))
فاطمه:😳وااي،،،دا متين لحق يحفظ الجمله لمن ينزلا،،،،
((طبعا م عرفت تتصرف كيف😂قفلت التلفون ونامت زهجاانه💔،،،فاطمه ليلا بقى زي صباحا،،،كان كل همها الايام تمر وبس💔مرا اسبووع،،،وخلاص بدت الجووطه بتاعت العرس،،،،طبعا لانو البيت الكبير حق ناس اميره في الجزيره،،،قرروا ترتيبات العرس كلها تكون في بيت اميره،، حتى الغداء وكذا،،،،لانو هي بيتا اوسع واكبر من باقي بيوت اخواتا❤حتى العريس جاا،،،،ونزل معاهم،،،يلا غاده كان عندها ولدين اكبر من لدن،،احمد وحسام،،برضو جوا قاعدوا في بيت اميره،،،،وكل ما يسألوا من مازن،،،،اميره بتقول ليهم عند اصحابو بذاكر ومعسكر وكذا،،،،،،))
نور:اووف خلاص البيت اتملا...
فاطمه:مالك مابتحبي لمه الاهل ولا شنو....
نور:ابدا م بحبها😤
فاطمه:انا عكسك ياريت لو كان عندي اهل،،،،
نور:القصه م هنا... القصه في اولاد خالتي الاتنين ديل،،،اي واحد اصيع من التاني👋?
?😒الله لا وراك عمايلهم
فاطمه:كعبين للدرجه دي
نور:اي والله،،،،وانا بحذرك من اسي تقعدي قدامهم بدون طرحه ولا عبايه،،،البسي ليك حاجه كبيره
فاطمه:مابعرف😬
نور:لالا تتعودي،،،ديل ح يقعدوا معانا اسبوع قدام،،،وانا م ناويه يسببو ليك مشاكل خالص
فاطمه:طيب بحاول،،،،
نور:تمام .اسي انا ح انزل اعمل ليك عصير،،،انتي اقعدي ذاكري
فاطمه:طيب تسلمي مقدما
((فاطمه مسكت كتابا،،،وقعدت تقرا،،،شويه وباب الغرفه فتح،،،،))
احمد:يانور عاوز لي شحن.. لو...
((فاطمه التفتت عليهو.. وهو انبهر بي جمالا وبقى واقف ومتنح فيها.. وهي بس كانت بي بجامه قصيره،،)).
احمد:اا..اسف.. كنت قايلك نور
فاطمه:لا نور نزلت تحت.. عاوز حاجه؟؟
احمد:حاجات..اا اقصد الشاحن،،،الشاحن بس
فاطمه:طيب
((فاطمه مشت فصلت الشاحن من الكوبس وادتو ليهو،،،،وهو كان متابعه بي نظراتو💔))
احمد:شكرا
فاطمه:العفو
((واول م طلع،،،شافتو نور،،،،،دخلت وسألت فاطمه))
نور:احمد كان هنا؟؟
فاطمه:احمد منو
نور:ود خالتو غاده... جا لي؟
فاطمه:قال عاوز الشاحن واديتو ليهو بس،،،
نور:وانتي بي منظرك دا
فاطمه:اي😅
نور:فاطمه..م تستهتري... بحذرك تاني تقعدي قدامهم كده
فاطمه:طيب حاضر
((المساء شغلوا السماعات الكبيره،،،وقعدوا يرقصوا ويغنوا💜بالمره اميره قالت يعملوها حنه سرقه😂👋🏻وفعلا عملوها،،،وابراهيم الابتسامه للضرس،،،،نور لبست ليها اقرب فستان،،،وختت ليها طرحه ونزلت،،،اما فاطمه قالت ليها شويه وبنزل))
فاطمه:لو نزلتا او مانزلتا،،،اساسا كلو واحد😪💔مافي داعي اضايقهم.. اساسا انا غريبه،،،،
((وقعدت تذاكر.. وهم تحت رابنها😻👋🏻،،،،عبدالله عيونو كانو بفتشوا على فاطمه،،،وبدون شعور منو،،،مشى لي نور وسألا))
عبدالله:انتي يانور،،،فاطمه وين ماشايفها
نور:فوق،،،قالت لي ششويه وح تنزل
عبدالله:بس كأنها اتأخرت،،،امشي شوفيها
نور:اوف يا عبودي،،،امشي شوفا انت😒
عبدالله:طيب
((عبدالله طلع فوق وبقى يخبط في باب الغرفه،،،،))
فاطمه:منوو.
عبدالله:افتحي الباب
فاطمه:دا الغياظ دا كمان.😒👋🏻. عاوز شنو🗣
عبدالله:لي م نزلتي تحت،،،،
((مشت وفتحت ليهو الباب واخلاقا ضاقت))
فاطمه:مزاج..ماعاوزه انزل... في شنو
عبدالله:اولا ميه مره قلته ليك م تقيفي بشكلك دا قدامي😒البسي ليك طرحه او اي شي
فاطمه:ابيت..طالبني حاجه انت👋🏻😒
عبدالله:عايني،،،قدامك نص ساعه وتنزلي،،،ماممكن تقعدي هنا براك،،والناس كلهم تحت،،،يلا
فاطمه:ماعاوزه انزل😏
((وقفلت الباب في وشو،،،،،،عبدالله نزل تحت وكان متأكد انها ح تنزل))
فاطمه:اووف،،،بالجد لازم انزل،،لانو نور ح تزعل لو ماشافتني،،،شاركتني حزني ومن حقها افرح معاها
((مشت على دولابا،،،،لقت عندها عفريتت جينز ماطويله شديد معاها تشيرت ابيض،،،لبستهم،،،وبي شبشب البيت،،،،رفعت شعرتا فوق،،،ولبست ساعه امها ونزلت تحت،،،عبدالله لمن شافا انبسط،،،بس لمن شاف لبسها زعل))
عبدالله:غبيه طول عمرها😏
نور:توته..لي اتأخرتي كده؟فاتتك اغاني كتيره
فاطمه:عهههه..عادي
نور:عفريتك فظيييعه💜
فاطمه:من ذوقك
سهى:نور..نادي عبدالله اخت ليهو الحنه😻حتطلع عليهو فظيعه. نور:لالا شكرا.. ماناقصه احراجاتو.. نادي براك
اميره:يابت هي بتخت الحنه للشباب من قبيل،،،انتي ناديهو
نور:يا ماما بس...
فاطمه:خلاص خلاص.. انا ح اناديهو... ثواني
((فاطمه مشت لي عبدالله.. وكانت بتحاول تكلموا يجي لي سهى عشان تخت ليهو الحنه... بس الموسيقى والسماعات صوتهم كان قوي))
عبدالله:م سامعك انا
فاطمه:قررب شويه🗣
((وقررب منها❤))
عبدالله:اها!
فاطمه:تعال يختو ليك حنه في يديك
عبدالله:طيب
((وزحت منو... مشت وقفت جمب نور،،،وسهى تشيل وتتراشق لحدي م عبدالله جاا،،،))
سهي:قالوا البت لمن تخت لي ولد حنه.. معناها ليهم نصيب مع بعض😻
نور:دا تخريف جديد صاح... يعني انتي ح تتزوجي كل الشباب القاعدين ديل😏
سهى:لا...عبودي وبس.. لاني ح اختها ليهو بي نيةالعرس😻❤
فاطمه:انا كمان عاوزه اخت
سهى:ههههه،،،حنه اولاد
فاطمه:اي...ممكن
عبدالله:طيب رايك شنو.. تختيها لي ومنها تنطبع في يدك❤،،،
((طبعا سهى حمرت لي فاطمه،،،ومسكت يد عبدالله علشان تخت ليهو الحنه،،،،بس امها جات وساقتا معاها🙊😂))
عبدالله:احم...يلا ختيها لي
فاطمه:طيب😒
((فاطمه بدت تخط لي عبدالله الحنةة.. وهنااك احمد مراقبهم))
احمد:البت دي نجاااضه شديد يااه... معقوله جمال زي دا يروح بدون مانعزو❤،،،،،،
يتبع....
✏ننس🎀
