#موطني
-١٦-
((نور وفاطمه دخلوا المول،،،،،اشتروا الخضار وكم حاجه كده... ومكونات الكيك والفطاير،،،،بعدها نور اصرت على فاطمه انهم يمشوا الكافتريا ياكلوا حاجه،،،،وطول قعدتهم كانت نور بتتكلم وفاطمه سرحانه💔بعد خلصوا،،،،اتصلت على عبدالله وقالت ليهو يجي،،،وطلعوا ليهو برا،،،،،،ووقفوا قرابتن ساعه))
فاطمه:كأنو اتأخر
نور:اي والله.. ونون ساعه ساعتين بالكتير تصل،،،
فاطمه:طيب ماممكن نمشي بالمواصلات
نور:مواصلات😳
فاطمه:اي،،،لانو بالجد ود عمك دا اتأخر
نور:طيب نركب امجاد... بي اكياسنا دي ماف مواصلات بتستقبلنا😒👋🏻
فاطمه:طيب يلاا....
((وفعلا مشوا ركبوا اقرب امجاد....بعد نص ساعه عبدالله اتصل على نور))
عبدالله:اهاا وين انتو
نور:ااا،،نحنا لما حسينا بيك اتأخرتا،،اخدنا أمجاد
عبدالله:انا مش قلتا ليكم انتظروني😠قوه الراس في شنو
نور:ماقوه راس ولاشي... بس بالجد انت اتأخرتا..
عبدالله:طيب خلاص خلاص...اقفلي
فاطمه:قال ليك شنو؟؟
نور:اتعصب😬بس وحاتك ولا هاميني👋🏻😒،،
فاطمه:هههه...
((بعد ساعه وصلوا البيت،لانو كان في زحمه،،،،فاطمه طلعت غيرت ملابسا،،،ونور مشت المطبخ طوالي،،،لمن فاطمه نزلت لقت نور زهجانه،،))
فاطمه:مالك يا بت
نور:اووف...مابعرف اعمل الفطاير☹
فاطمه:وعلشان كده زهجانه،،،طيب يا ستي انا بسوويها ليكك...
((فاطمه جابت المكونات كلهم،،وبدت تعمل في الفطاير،،،،وكل دقيقه تسرح وتتذكر امها💔💔بس برجعا صوت ضحكه نور،،،،،بعد خلصت منهم... نور عملت البيتزا،،،وخلطت العصير وعملت كيكه الفراوله💜))
نور:اووف..حاسه نفسي انتهيت😅
فاطمه:هههه...هيي نون دي صحبتك من المدرسه القديمه ولاشنو
نور:اي..وممكن تقولي من الروضه نحنا سوا💜بس جزمه خلاص.. قالت لو ماجهزتا ليها الحاجات دي م بتجي☹
فاطمه:شكلها ظريفه..
نور:شديد بس تشووفيها ح تحبيها❤😘....
((فاطمه طلعت اخدت ليها حمام،،،،وضفرت شعرتا،،،،وقفت قعدت تعاين لي كتب المدرسه،،،،،))
فاطمه:طول عمرك يا ماما كنتي بتحلمي تشووفيني دكتوره،،،ماعارفه اذا بقدر احقق الحلم دا ولالا،،،بحاول اتماسك،،،بس بالجد تعبتا💔،،،،
((بعد ساعه جات نون،،،،فاطمه سمعت صرخاتا فوق مع نور👋🏻😂،،،،،نزلت لقتهم حاضنين بعض))
نور:وربي يااخ الشووق غلب❤
نون:يااا معفنه.. لو مشتاقه صحي صحي كان جيتي😒👋🏻مش تخليني انا من اخر الثورات اجيك
نور:عهههه...المره الجايه... تعالي عندي ليك شمارات مبالغه.....
((ساقتا من يديها لقت فاطمه واقفه في السلم))
نور:اا..اعرفك نون صحبتي... ودي فاطمه ممكن تقولي بمثابة بت عمتي😂
نون:تشرفنا
فاطمه:الشرف لي....
نور:طيب تعالوا الغرفه نكمل باقي كلامنا يلا يا توته
فاطمه:.لالا انتي امشي،،انا نسيت تلفوني في المطبخ ح اجيبو واجي
نور:طيب
((نور ونون طلعوا.. وفاطمه مشت المطبخ،،،،شالت تلفونا،،،وهي طالعه،،،عاينت لي المسطبه،،،لقت علبه نوتيلا كبيره❤))
فاطمه:😋العلبه دي م كانت هنا... ياربي الجابا منو،،،،وااو شكلها مغري💜،،،،اكيد م حقت زول،،،لو كانت حقت زول استحاله يخليها هنا،،،،
((فاطمه مشت على العلبه،،،وفتحتا،،،،كان جمبها معلقه،،،شالتا وبقت تأكل بي كل شرااهه❤😂ومغمضه عيونا كمان،،حركات الهنود دي🌚،،،،،القصه م هنا،،القصه انو عبدالله كان واقف وبعاين ليها وببتسم🙊))
فاطمه:الله ياخ❤مدام الدنيا فيها نيوتلا،،..فأكيد...
((فتحت عيونا لقت عبدالله واقف ومربع يدينو😂👋🏻وفمها كلو نيوتيلا))
عبدالله:خلصتيها
((هزت ليهو راسا بمعنى لا😂👋🏻))
عبدالله:انتي بتأكلي ساي،،،يعني الواحد مايخت شي في البيت دا ولاشنو😒
فاطمه:م كنت عارفه انو،،،
عبدالله:اديني الباقي بس😒
فاطمه:هااك😢
عبدالله:وامسحي فمك دا.. لانو اتلونتي بالشوكلاتا😒👋🏻
((فاطمه بقت بتحاول تمسح فهما.. بس زادت الطين بله🤦♀،،،،عبدالله مشى عليها مسك يدها.. وطلع منديل من جيبوا ونضف ليها الشكولاتا))
عبدالله:كده تمام
فاطمه:كنت ح انضف نفسي براي😒وبعدين فك يدي😒👋🏻
عبدالله:ع اساس قايلاني فرحاان وانا ماسكها😒،،،انتي المفروض تنبسطي،،،ويدك دي 3ايام ماتغسليها علشان يدي مسكتا😌
فاطمه:اوووڤر على فكره😒والثقه الزايده احيانا بتجيب المرض💔
((وعاينت ليهو من فوق لي تحت ومشت،،،،اول م طلعت من المطبخ عاينت لي يدها))
فاطمه:دا وقت يجي فيهو😒كان يجي بعد اخلص النوتيلا🤦♀😭
((وطلعت فوق لي نور و نون... كانوا بتونسوا وبيضحكوا... اتذكرت اروى وقتها❤))
نون:انتي يانور ود عمك القرض داك وين🙊
نور:هههه...اجر ليهو شقه بعيده من هنا
نون:وااي،،،انتي عارفه اني قاعده اجيك بس علشان اشووفو😢
نور:اي عارفاك يا سجم😒👋🏻...مكسرك عليك الله🐸
نون:دا هاااارد فشفاشي.. والشرايين الرئيسيه🤤فديتووو يااه💜
نور:انبرشتي🌚
نون:انتي ماشفتي صورو.. في الفيس.. يا يمه بالاب كوت🤤ولا لمن حلق اللحيه.. ولا لمن لابس الجلابيه❤😭
نور:😆👋🏻وبرضو م عندو ليك حاجه...انسينا منو
نون:اسي ياا نور... النبي فيك اضربي ليهو يجي... نفسي اشوفو قبل امشي
نور:هوي يا الشافعه اتلهي😒👋🏻
((فاطمه بت
قول في سرها.. العاجبها في الغياظ دا شنو😏😏😏،،،،بعدها نور ونون نزلوا،،،جابوا الفطاير والكيك والعصير،،،،وعملوا قعده رمتله،،،،،،لحدي العشاء،،،،كان يومهم حلووو،،،حتى فاطمه انبسطت شويه❤))
نون:هوي يلا بعد كده انا بمشي
نور:اي يلا على بيتكم،،،بس ااشوف ليك عمو.. يوصلك
نون:طيب
((وفضلوا واقفين،وفجأه عبدالله جاا ماري.... نون مابقي ليها شي عشان تدردق👋🏻😂،،،،عبدالله سلم على نون وغمز لي فاطمه😂))
فاطمه:😳
نور:يلا يانون تعالي🗣
نون:اي جايه🤤
((عبدالله ربع يدينو لي فاطمه.. قبل يتكلم قامت جاريه دخلت جوا😂قلبها كان بتنفض،،،،))
فاطمه:الغياظ دا غامز لي لي😒،،،
((ومشت على دولاب.. وبقت تتفرفرو. .. وهي ماعارفه روحا عاوزه شنو😂جات نور.. لقتا قالبه الدولاب))
نور:توته😳بتفتشي في شنو
فاطمه:ااا..تلفوني... تلفوني مالاقياهو
نور:بالله!!!ودا شنو الفي يدك دا🙊😂
فاطمه:ااا...كنت عاوزه اقول ليك لقيتو،،،((وطلعت من الغرفه سرعه،،،،اول م نزلت تحت لقت طارق يادوب حاي... دخلت المطبخ جابت ليهو كبايه مويه وجات))
فاطمه:اتفضل ياعمو
طارق:شكرا يابتي،،،كيف كان يومك
فاطمه:حلو الحمد لله.. وانت كيف كان دوامك؟
طارق:هههه..والله يابتي بمشي ساي.. اساسا الشغل دا كلو في يد عبدالله
فاطمه:ايووه،،،عمو هي ماما كانت قريبه ليك بالجد
طارق:اا..ايوه،،،قريبه لي شديد،،،ياريت لو كانت لسه هنا❤
فاطمه:عفوا!!
طارق:اا..لالا ولاشي.. اها امتحاناتك متين؟؟
فاطمه:اسبوعين بالكتير.. وانزل،،،،،مامشيت لي مازن؟؟
طارق:لا،،،
فاطمه:يمكن ماشئ بخصني... بس مازن محتاج ليكم،،،انت وامو ونور،،،لازم يحس انكم واقفين معاهو.. مش ضدو.. علشان يقدر يتخطى المرحله دي،،،
طارق:ااا..انا تعبان يا بتي... يلا تصبحي على خير،
((فاطمه استغربت من طريقه تجاوزو.. للموضوع💔... معقوله ما هامو!!!!! ؟؟؟))
يتبع....
✏ننس🎀
