ألمي و أملي 16

#ألمي_وأملي
بقىم لولي نذار
-١٦-
كسرة:
فتشي عن السند المحال يرميك البتقبلك بي كل عيوبك الفيك شايفك واصلة الكمال من غير م تجتهدي ❤️ حبي راجل❤️
اما تحت فكان الاستقبال جميل جدا وورونا الصور والهدايا والدرامات الحصلت😂👊 بس مافي زول انتبه انو فرح ومحمد غايبين الا فارس
فارس: محمد وفرح وينهم ؟ محمد مش جا معاي؟😂
هادية: هو ديل ف زول بسألهم عايشين الحياة !
حبوبة وعد: ماشاءالله ربنا يحفظهم اريتو حال كل المتزوجات
هادية وحنين اميييييييين
حبوبة وعد: هي ي بنات هي عيب 😂😂👊 كلنا ضحكنا !
فارس: طيب بمناسبة اللمة السعيدة دي وان شاءالله لمة ف الحرم كلهم قالوليهو امين
انا عايز اتقدم لي بتكم حلا !
كلهم بقوا عاملين كده😮😱😱😱😱😱
ماجد: قدااام ي مان مافي احسن منك لي اختي حلا زاتو!
نزار : انت ي ولدي وقت عايزها كان من بدري عشان تعرس مع اخوانا ؟
فارس: القسمة بس ي جدي !
انا حرفيا بقيت متفاجئة وشعوري ملخبط م بين اي ولا💔
أمل: فارس ! انا م حألقى احسن منك لي بتي!
ماجد وفارس ترتاحو شوية لحدي م صدمهم كلام امي
بس أنا عايزة حلا بتي تقرا كفاية علي فرح !
الاء: انا متفهمه كلامك ي أمل ي اختي ومعاك حق ❤️
وفاء: تتذكري ي أمل اختي واحنا صغار كنتي بتقولي لينا انو انتي حيكون بتك الدكتورة بت الدكتورة😍❤️
أمل: بس م حيكون الدكتورة بت الدكتورة ، حيكون الدكتورة بت أمل الكان نفسها تكون دكتورة ❤️💔
انا حسيت بكمية الكسرة الفي امي وابي سبب ابوي !
انا سكت بدون ارد وطلعت فوق !
فارس مشى 💔
والعرسان كلهم متفاجئين وماجد اخوي شبه انكسر !
عدا يوم بكرة بصعوبة ! وم نزلت تحت وامي م تكلمت معاي !
بالمساء خالتو الاء وبناتا رجعوا البوررت ووفاء مشت بيتها ! وحنين كمان 💔 وبيتنا بقا فاضي !
ماجد قال انو أجر شقة وصدمنا بالخبر دة 😱😱😱😱💔💔💔💔 لمن عرفت كككده مووتتا زعععل 😭💔 ف نفس اليوم محمد قال انو مسافر دبي مع فرح ! بكرة اللي هو يوم جامعتي! بالاضافه لي انو مازن قال طيارتو بعد يومين ؟ انتو قادرين تتخيلو معاي انو اخواني ف لحظه ح يمشوا ويخلوني !
مالك اصلا م كان بتواجد معانا كتير حتى اغلبيه وقتوا ف الغرفة بقرا 💔
انا توهمت باحلى الايام واتوقعت انها دايييمة بس خلاص ايامي الحلوى انتهت حتى فارس م من نصيبي 💔 😭💔🔫 الحياة مرات قاااسيةة 💔💔🔫
ماجد جهز شنطتو وختاها جمب الباب وبقوا يوودع ف للناس هو وامل 💔 انا م نزلت ليهم بكره لحظات الوداع
كنت ببكي شديد! كيف يعني وماقادرة استوعب البحصل دا !!
فجأة !
ماجد: حلااااااا حلااااااا ي حلووونييي وينننكك ؟ عاارف انك هنا ؟
جيت مارقة ليو وخلقتي م بتتقابل اتخلع قالي مالك عاملة ف نفسك كده !
حلا: انتو مدام حتمشوا وتخلوووني براي ليه جيت وسوقتنا من بيتنا كان تخلونا مع ابوي أن شاءالله يقتلنا عيشتوني حلم حلو وفجأة اكتشفت انو اخرتو كابوس ! انا بكرهكم كلكم وياريتني قعدت وم شفتكم 💔
ماجد مصدوم: حلا انتي بتقولي ف شنو ! انا م حسكن بعيد منكم انا هنا ف الطائف قريب ليكم!
حلا: لاتقولي طائف لا تقولي جدة لو بتحبني م بتطلع من البيت دا سكت مسافة بس للاسف انت بتحب أمل وحتسمع كلاما وحتتطلع !
ماجد: انا الحبيت ابدا حياتي براي أمل م ليها دخل !
حلا: ليها ولا لا انا بكرهكم الاتنين انت ومازن 💔💔💔 ياريت م تسألو مني تاني ! لانكم بالنسبة لي خلاص !
ماجد اداني كف ! كاني كنت ف صدمة💔
ماجد: م اتوقعت انو اختي الصغيرة البقول عليها فاهمه تطلع بالمستوى دا !
هديل جات فجأة : انت ليه م قادر تتخيل انها كانت بعيده عنكم وفجأة لقتكم عشان كده احساسا ف اللحظه دي اتفسر بالطريقه دي !
مازن : حلا ولو قلت ليك اني ح اقعد !
حلا: انتو م بتفرقوا معاي امشوا محل م ماشين ! بس اوعى تزعلوا اذا انا عرست يوم ومشيت بعيده منكم لاني عمري م حرجع ليكم ! ودخلت غرفتي وقفلتها علي 💔
هديل: يحليلا💔صحي مازن انت قلت ليها كده ساي ولافعلا قاعد!
مازن: لا قاعد اصحابي قالي انت نازل ٦ شهور ومافي شغل يذكر ف اقعد ف انا قاعد😂😂😂👊
هديل نطت حضنتو 😍😍😍
مازن: انتي وحلا حتكسروا لي رقبتي يوما ما😂😂😂😂👊
ماجد: طيب استأذن انا
مازن : استنى نازلين معاك ! طب وانا المسكينة😔💔
ماجد نزل وقعد ف الكرسي ! لقى امي بتدي نصائح لي أمل 🙈💔
نزار : مماجد عم علاء تحت مستنيكم !
ماجد: انا مماشي !
أمل وامل: 😱😱😱😱
أمل امي: ماجد ي ولدي بسم الله مالك؟ ومشت عليو قعدت جمبو !
ماجد: عايز اقعد هنا هسي غرفتي دي مالا اقوم بس اصلا وجيب فيها غرفة متزوجين وانتهى الموضوع !
أمل مرت ماجد : انا ما عندي مشكلة
حبوبة وعد: انتوا ي اولاد جنيتو؟
مازن: الحنينه اثرت فيو 😂😂👊
أمل امي: اتلهي 😂😂 اخر كلام ي ماجد؟
ماجد: اخر كلام ؟,
مازن: امي تراني قاعد م مسافر؟
أمل امي: تراك مالك التاني؟
هديل وامل ونزار : 😂😂😂😂😮😂😮
مازن: تراهو مافي شغل قاعد ٤شهور تاني
حبوبة وعد: الصلاه على النبي ساكت زعلتو البت وجامعتا بكرة 😂هدولة انتي متين جامعتك؟
هديل: لسه احتمال الاسبوع الجاي 😂😂
ماجد: بكرة جامعتها الساعه كم؟ مافي زول يوريها اني م مشيت؟ ظابط
كلهم ظااابط
نزار: يلا كلو زول ومرتو مع السلامه
حبوبة وعد: عاد اتلومت ي نزار حالتي بفكر اعمل كيكة بالمناسبة السعيدة دي !
مازن: هييي فرح م جبنا خبرا الليله طيارتها كم؟
أمل امي: محمد قالي بكرة الساعه 4 عصر
نزار : نلحق نمشي نودعهم معناها بكره أن شاءالله
ماجد وامل استأذنو وطلعو فوق !
نزار: اها انتو م محصلنهم؟
مازن: لالا ي جدي شينة منك ارح قومي ي هديل 😂👊👊👊
هديل: ارح دسيس ي جدو طاردناا دسيسسس
نزار: مازن ربي بتك دي😂👊👊 وقامو طلعوا اما انا كنت ف الحلمه ال ال200😂😂😂😂
بكرة الصباح صحيت بدري لقيت امي نايمة ❤️ قمت اتسوكت وصليت واستحميت وغيرتا ملابسي لبست لي اسكيرتي اسود تاني ناس الجامعه الله يحلهم من الاسود دة 😋😭👊وقميص كاروهات بالبيجي على برتقالي على حلاوي وطرحة حلاوية😂💜 واسبورت اسود جابتو لي فرح لمن سافرت ماليزيا💜 وشنطة ضهر بنوتية كده جابا لي مازن من قطر 💜
عملت لي كحل وحبة فازلين ونزلت تحت ، لقيت مافي زول غير حبوبة وعد ف المطبخ لقيتا بتعمل ف الشاي 😍
حبوبة وعد: ياصباح الجمال على الجمال النازل دا يناس تبارك الرحمن وحلاتي ماشاءالله م يسحروك لي ناس الجامعه ديل😍❤️ ضحكت ليها باستني على خدودي
قعدت قلت ليها يسحروني بي وين وانا بتحصني حبوبة وعودي شخصيا😍😋❤️
ادتني كوبايةة الشاااي وحلفت الا اكل معاها بسكويت المهم قالت لي امك م صحت؟ قلت ليها لالا قالت لي طيب اقيفي اتصل لي عم علاء
حلا: عم علاء لشنو ماشة بالمواصلات
حبوبة وعد: ي بت خاف جنيتي؟ مواصلات شنو البتعرفيها انتي؟ زاتك الشوارع ي الله الله حافظاها !
ماما بعدها جات نازلة لابسة ليها توب هزاز قالت ليها خليها ي امي انا بوصلها!
حبوبة وعد: انتو ي جماعه كلكم جنيتو اللهم اسكنهم مساكنهم! عين وصابتنا ي بناتي
أمل: لالا ي امي انتي بس خليك شكلك نسيتي😂😂👊👊  يلا ي حلوني صباحك سعيد ارح !
حلا: ماما بالجد حتوديني كيف ؟
أمل: نتمشى 😂😂😂صحي شلتي تلفونك عشان ادق ليك واطمن عليك لمن تصلي
حلا : اي شلتو !
مرقنا من البوابة وجئنا مارين بالحديقة وماما ساكته وانا حاسة بغرابة ف الموضوع بعد شوية وقفنا عند عربية جدو نزار انا هي واقفة جمب باب السواق وانا وانا ماشة بتلحلح عايزة افتح الباب الورا كككده لمن اتخلعت لمن شفت هديل ومازن وماجد واكل راكبيييين وقعدت اكوووورككك واااااي دا شنووو؟؟؟😍😍😍😍😍😍 ماما قالت لي حبيبة ماما ودكتورتها يارب يوم سعيد ربنا يوفقك أن شاءالله ويسدد خطاك وينجحك ويبعد منك الناس الكعبه والمنافقة كلها بركة الله ! حضنتها من البسطة😂😂😂😂😂💜
حلا:ماااجد ي كلب يعني م مشيت
ماجد : ولا ماشي😍😍
حلا: قووول اقسم بالله العظيم
ماجد: والله العظيم😋
هدولة: يلا اركبي ي بت
مازن: راكب قدام حبناااااا😍
حلا: صبااحي مازن😍
فجأة جا قدام العربية مالك ،ماجد ضرب ليو بوري
مالك جا علينا أن شاءالله ف الحرم
أمل:معانا انت ارح
مالك: وييين؟
مازن: ماشين نودي حلا الجامعه
مالك: يحليلي انا ياريتني حلا زحي كده ي بت المحظووظظه وودعنا امي واتحركنااا 😍😋الشارع كلو ونننسةة ظاابططةة  م كنت فاكرة ح القى  مفاجأة احلى تاني 😍
#كسرة :
مافي احلى من الاخوان الكبار ! صح منهم نوعين العصبي ومن جوة حنين والظريف واصلا حنين😍😍  بالجد انا يعتبر روحي محظوظة لاني اتولدت ف الاسرة دي ❤️ بين امي الحنينة والادتنا كلنا من طبعها دا 😍❤️ وفرحي الظريفة واخواني الحلوين الطيبين المتجوزيييين وعربي عربي عربي ..😂😂👊👊👊 انفعلت سوووورييي
يتبع