#They_accused_me_of_madness_15🔞

#They_accused_me_of_madness_15🔞
بقلم ايناس ادم
ختيت يدي على بطني،،،وقولته ليها كيف كيف يعني حامل،،،قالت لي ماعارفهه،،،انتي بتسأليني انا؟!المفروض تكوني عارفه ابو البيبي،،،قولته ليها بس انا ما متذكره اي شي غير حادث اهلي💔💔والمركز اللي اخدني ليهو عمي،،،تاني مامتذكره حاجه،،،كيف حاامل ومن منوو💔💔 قالت لي طيب اهدي اهدي احتمال يكون عندك فقدان ذاكره جزئي،،،ح تتذكري اي شي بس مع مرور الوقت،،،دموعي جات نازلهه وقلبي بقى يضرببسرعهه،،،احساس اني حامل وماعارفه كيف ومتين ووين حصل الكلام دا ومنو العمل كده؟!💔💔،،،عزه قالت لي لما تبكي ح تتوتري زياده،،،انتي بس حاولي رتبي الاحداث،،يعني من وقت سفر اهلك وكده تاني حصل شنوو،،،صدقيني كلو بتحلا بس انتي رووقي،،،طلعتني قعدتني في الصالهه،،،قالت لي اقعدي هناا وفكري بهدوء،،،،،فعلا قعدتا افكر،،،،من وقت سفر اهلي وقعدتي عند ناس نرمين،،،،،الحادث💔💔،،،المركز💔الدكاتره والممرضين والكانوا بعملوهو لي💔💔،،،والدكتوره والقصص الحكتا لي،،ومنال،،،اتذكرتا لحدي ما ركبتا العربيهه ونزلتا في شارع كده،،،تاني ماقدرتا اتذكر شي،،،وراسي وجعني شدييد حسيتو ح ينفجر من التفكيير💔💔،،،عيني وقعت على غرفهه مكتب،،،قومتا ومشيت عليها بدون افكر هي تبع منوو،،،،دخلتاا وكاان في ورق كتيير مرمي في الطاولهه،،،واقلام رصاص وألوان،،،شلتاا ورقهه ومعاها قلم رصاص،،بقيت اشخبط،،،واشخبط،،،ماعارفه كنتا بحاول اوصل لشنو من الشخبطهه دي،،،تقريبا نص الورق انا شخبطوو،،،واخر تلاتهه ورقات،،،رسمت فيهم فستانين،،،وواحده رسمتا فيها ملامح محمد💔💔،،شلتا الورقهه وقعدتا اعاين ليهاا،،،دموعي نزلت ولسهه بعاين لملامحو الرسمتهاا💔💔قولته ياريتك لو هناا،،،يااريت💔💔،،،،اثناء ما انا قاعده وببكي،،،فجأه سمعتا صوت الباب بتقفل،،،قومتا بسرعهه ووقفتا على حيلي،،،كان سيف💔،،،عاين لي وكان غضباان،،،قال لي الدخلك هناا شنوو،،،قولته ليهو انا بس،،بس،،،قال لي ماتبسبسي لي،،،ماف سبب بدخلك هنااا،،،ويلا اطلعي،،،،جاا علي ومسكني من يدي وشدا عليهاا،،،قال لي تااني ما اشووفك هنااا مفهووم،،،وطلعني بره وقفل الباب،،،بقيت اضرب ليهو في الباب،،،قولته ليهو عايزه الورقهه اللي رسمتها اديني ليهاا،،،فتح الباب وجراني،،،وقفني قصادوو وهو من الغضب ماشايف قداموو،،،قال لي ورقهه شنوو،،،الورق دا مامن حقك اصلا تهبشيهوو،،،،،ثبتني عالباب وقال لي ومره تانيهه ماعايز اشوف وشك قداامي،،،طلعتي لي من وين انتي ،،،قولته ليهو وانا ببكي زح مني،،،زح،،،قرب مني شديد وقال لي وانا اصلا ما بتشرف اكون قريب منك،،يلا شيلي ورقتك واطلعي بره،،،شلتا الورقهه وانا بمسح في دموعي،،،قبل اطلع عاينتا ليهوو،،،وهو اصلا ما كان شغال بي،،، طلعتا سرعهه ومشيت فوق،،،رقدتا في السرير وبقيت ابكي،،،وبفكر في المصيبه اللي في بطني دي جات كييف💔💔بعد نص ساعه كده،،جاتني نون،،،حضنتني وقعدت تبكي،،،،قالت لي ربنا يصبرك،،،والله موتهم حرقني زي ما حرقك💔💔،،،قولته ليها الحمد لله،،،،،قالت لي اها جيتي من السفر متين،،ووبتعملي هنا شنوو؟!،،،،قولته ليها نون انا ما سافرتا اي مكاان،،،انا دخلتا مركز،،وقعدتا احكي ليها عن كميهه القرف اللي شفتو هنااك والمعامله الوسخهه💔💔وحكايهه حملي اللي ماعارفاها حصلت كيف 💔💔بقيت ابكي وقولته ليها انا ماعارفهه كييف قدرتا اقول ليك كده ماعارفه كيف احتقرتك بالشكل دا،،،نون،،،انا اسفهه💔💔،،،قالت لي عشان تعرفي بس انو قدرك مابيدك،،،سواء كنتي محترمه وبت ناس ولا لافه وفاكهه في الحالتين ممكن يحصل ليك اسوأ شي ممكن تتخيلي،،،قالت لي انتي في يوم من الايام اتوقعتي يحصل مع اهلك كده او يحصل ليك كده؟؟؟،اكيد لا،،،ايناس اانتي مغروره لدرجه ماشايفهه قدامك،،،،فاهمهه يعني شنوو مغروره،،،ربنا ما بخلي حق زول،،،والشماتهه اللي كنتي بتشمتيها في عزه وانا اقول ليك احسسن ليك ماتشمتي،،،ماسمعتي كلامي،،،اهو انتي وقعتي في نفس المصيبه وشربتي من نفس الكأس💔💔بس الفرق الوحييد،،،انو عزه عارفه ابو طفلها،،انما انتي،،،لا💔،،،،،،نزلتا راسي وانا قلبي واجعني شدييد💔💔،،قالت لي المهم في حاجهه لازم اقولا ليك،،،لو ما قولتها ليك ضميري ماح يرتاح،،،قولته ليها حاجهه شنو؟؟؟!قالت لي محمد،،،محمد عرف انك واحده كذاابهه،،،انا كلمتو بحكايهه اغتصابي كلها💔💔وو كلمتوو بالحوار اللي دار بينا في الجامعهه،،،محمد عرفك على حقيقتك قبل يموت💔💔طبعا انا حسيت نفسي اتشليت اول ما قالت كده،،،قولته ليها لالا،،،مستحيل يكون صدقك،،،دا بيثق فيني اكتر من نفسوو💔💔،،قالت لي صح في الاول ما صدقني،،،بس بعدين اقتنع،،،بعد اتوفى،،انا بقيت ادعي كل يوم من قلبي انو يكون سامحك ومايكون مات وهو كارهك💔💔قولته ليها لالا محمد بحبني،،،مستحيل يكون مات وهو شايفني كعبهه،،مستحيل،،،وبقيت ابكي💔💔،،قالت لي مع الاسف دا الحصل،،قعدت معاي شويهه وبعدين طلعت،،،،بعد العشاء كده،،،عزه جابت لي كبايه حليب،،،وكانت طالعهه،،،قولته ليها عزه💔ليه بتعملي معاي كده،،،ليه؟؟!،،جبتيني بيتكم،،،وبتعامليني احسن معاملهه،،،ليه،،،رغم كل الحصل بينا في الجامعهه والكلام القلتو ليك،،وو،،،قالت لي ايناس،،،ماكل الناس واحد،،،ولا كل الناس زيك،،،اخدت نفس وقالت لي كنتا متأكده ربنا ح يخلص لي حقي منك،،صح انا غلطتا وندمتاا،،،وانتي جيتي زودتيها علي،،،ماكان قدامي حل غير ادعي عليك،،،او بمعنى اصح اتحسبن عليك،،،وأهو ربنا بعاقبك على شماتك فيني،،الدنيا دواااااره،،،بس انا حاليا مازعلانه منك ولا شايله في قلبي،،عارفه ليه؟؟!قولته ليها ليه،،،قالت لي لانو حالتك تحنن الكاافر،،،فمابالك انا،،، يلا تصبحي على خير،،،وطلعت،،،ماعارفه وقتها الحصل لي شنوو،،،بس حسيت بندم ما طبيعي وعدم راحه بال💔💔احساس اصعب من الموت بالجدد💔💔،،،،،،بليل كده،،انا كنتا في الحمام،،حسيت بحركه في الغرفهه،،،طلعتا من الحمام براحهه،،،وكنتا خايفهه يكون حرامي ولا حاجهه،،،بس قبل اصرخ مسكني وقفل لي خشمي،،،كان سيف،،،،بقيت مولعه عيووني،،،،وهو بعاين لي بكل البرود اللي اتخلق في الدنياا،،،فكااني وزحاا مني،،،رفع لي ورقهه،،،قال لي انتي الرسمتي الفستان دا ؟؟؟!قولته ليهو ايوه،،،بس انت جاي في نص الليل تسألني سؤال زي دا،،،قال لي دا بيتي وانا حر،،،واي زول ح يقعد هنا يتحمل طبايعي،،،مفهوم،،،سكتا ومارديت عليهوو،،،الغريبه انو دا اول ولد مايعاين لي بنظره مامريحهه او نظره اعجاب،،،بالعكس كان متجاهلني تماما💔💔،،،،،،شال الورقهه وطلع بره،،،،

مر اسبووع ،،ونرمين لسه في حالتا وماف تحسسن خاالص💔💔،،،وزياد فقد الامل فإنو يلقاني💔💔،،،قطع تذاكر وقرر يسافر امريكا،،،،هو ومعاهو نرمين وولد الدكتوره،،،لانو حكموا عليها بالسجن لمده سنهه💔،،،،،خالتو نهله قررت تسافر معاهوو،،،بس عمو احمد رفض ليهاا،،،،طلبت منو الطلاق ورفض يطلقااا،،اتضطرت ومشت المحكمهه ورفعت عليهو قضيهه خلع،،،وزياد كان متاابع معاها القضيهه💔💔،،،،،زياد ما قدر يكمل معاها القضيهه لانو مواعد سفرو جاات،،،،قال ليها تلحقوا اول ما تخلص💔💔،،،،

اما انا فطلبتا من عزه تجييب لي عبايهه ونقاب،،،فعلا مشت السوق وجابتهم لي،،،المساء اتصلتا بعمو مصعب وقولته ليهو يلاقيني جمب بيتنا،،علشان اشيل منو المفاتيح،،،،عزه قالت لي خلي بالك،،،احتمال عمك دا لو لقاك يأذيك،،،قولته ليها لالا ماتخاافي،،،يلا،،،وطلعتاا مشيت،،،،وصلتا جمب بيتنا،،،لقت عمو مصعب،،،رفعتا النقاب وسلمتا عليهوو،،،دموعو كانت جاريهه💔قولته ليهو اديني المفاتيح،،،طلعهم من جيبوو،،،مشيت على جهه الباب وانا برجف وبتذكر في ماما وبابا واخواني 💔💔،،،موقف اكتر من صعب،،،البيت اللي اتربينا فيهو وكبرنا فيهوو اليوم فااضي ومافيهو زوول،،،،مين ح يصدق انو البيت دا كان مليان بضحكاتي انا ومحمد،،،وتعصيب مروان،،،وهظار بابا معانا،،،وحكاوي ماما،،،،،واسامهه وإياس💔💔،،،فتحتا الباب،،،ودخلتاا،،،كان صااني،،كل حاجهه في محلها زي ما خليناها،،،،مشيت المطبخ وقعدتا اتخيل في ماما وهي بتطبخ وبتقول لي خلاص صلي وتعالي نتغداء،،،وعاينتا على الصاله واتخيلتا بابا ماسك الجريده وبشووف اخر الأخبار،،،طلعتا فوق،،،غرفهه محمد،،،ملابسوو،،ارياحوو💔💔،،اي حاجهه بتخصوو،،،اي شي كان مرصوص زي ماهوو،،،ماف حاجهه اتهبشت،،،اللابتوب بتاعوو،،،وصلتوو وفتحتوو،،،كانت عليهو صورتي انا وهو خلفيهه💔💔،،،شلتا صورتو وعطرو وطلعتاا،، مشيت غرفهه مروان،،،لبس الشغل في محلوو،،كانت منظمه كالعاده،،،نظاراتوو،،،كتبوو،،،اي شي زي ماهوو،،،،في التربيزه اللي جمب سريرو،،كانت مختوتهه صورتو هو ونرمين حقت الخطووبهه💔💔،،،مشيت غرفه اسامهه،،،غرفتو جايطهه كالعاده،،،كان عندو قميص في السرير،،،والكاميرا قاعده على طرف المكتبهه،،شلتها وفتحتهاا،،،كان فيها الفيديو بتااع عيد ميلادي💔💔،،مشيت غرفه إياس،،،شيتات الجامعهه،،،الاسبورتات،،التي شيرتات،،،،اي حاجهه بتخصو كانت في مكانا،،،،،يعني سبحان الله💔💔كأنهم فاكرين روحهم ح يعيشوا في الدنيا لسهه💔💔،،مشيت غرفتي،،،فتحتا الدولاب،،،كان فيهوو الهدايا الجابوها لي،،،طلعتها وطلعتا جواز سفري،،،شلتا الحاجات دي كلها ودخلتها في شنطهه كبيره،،ومشيت غرفهه ناس ماما،،،كان في ألبومات صور لكل واحد فينا،،،اخدتا الالبومات،،ودخلتهم في الشنطهه ولابتوب محمد وكاميرا أسامهه،،،وصوره مروان ونرمين،،واخدتا تي شيرت من إياس ومعاهو عطر 💔💔ماكنتا عايزه انساهم،،،عايزاهم يفضلوا محاوطني كده على طوول،،،نزلتا تحت وانا بدي البيت اخر نظره💔💔💔ماكان في بالي اي خطط ولا اي شي،،،بس اللي كنتا عارفاهو ومتأكده منو اني ماعايزه اقعد في البلد دي تاني💔💔،،نزلتا تحت،،،اديت عمو مصعب المفتاح،،،وقولته ليهو،،عايزاك تتبرع بملابس اخواني وامي وابوي للناس المحتاجهه،،،،قال لي حااضر،،،شلتا الشنطهه وطلعتاا،،،اجرتا لي امجاد ورجعتا بيت ناس عزه،،،ماكنتا عايزه اي قروش ولا اي املاك ولا اي شي،،،عايزه امشي بعييد وخلااص💔💔💔،،،،

#سلام©✨