#ألمي_وأملي
بقىم لولي نذار
-١٩-
بس انا مستغربة ! امي عايزة فارس طيب لييييييه؟
انا واصلت فوق غيرت ملابسي وصليت وقعدت ف السرير جات ماما داخله قعدت جمبي ف السرير
أمل: كيف اول يوم الليله !
حلا: واي ي ماما ااااا م شفتي؟
أمل: شنو!
حلا : ف ولد حاول يتعاور معاي من الصباح واتفضحت فضيحه ف الجامعه وحكيت ليها الحصل
ضحكت وقالت لي بالغتي ي حلا يمكن غرضو شريف ! قلت ليها غرض شريف وهو بقول لي مزه بقت تمرر يدها على شعري وتقول لي اصلا بتي مزة 🙈💜 بعداك قالت لي نومي هسي واعملي ليك نومة نهارية عشان تصحي نشيطه وتذاكري !
حلا: ماما انتي عارفه انو انا م بقدر ادس منك
أمل: البي انا🤤❤️
حلا: فارس ي ماما دكتور عندنا بدرسنا !
أمل اتخلعت بس تاني ابتسمت : كويس طيب شدي حيلك ف مادتو !
حلا: انتي ي ماما ليه بتكرهيو ؟
أمل: عشان عايز يسوقك مني 💔😢 اناسكت وم اتكلمت تاني ابتسمت ليها وحاولت انوم بس م قدرت كنت بفكر ف فارس والحصل ليو شنو بسبب العربية ! كمان لاحظت لي امي مهمومه كده وشاردة !
حلا: ماما؟
أمل: انتي لسه م نمتي؟
حلا: لاااع
امي قالت نهائي مافي شي نزلت طوالي مشيت غرفة ماجد! فتحت لي أمل قلت ليها ماجد وين قالت لي مافي دخلتني اتونسسسست معاها ياخ ام الكيييييياتتة مش قلت ليكم اي بت اسمها أمل مزززة سجلو كمان انها كيووووتت وبتتحبب من اول قعدة😭💜💜
المغربية كككده ماجد جا وكان داير يغير عشان يحصل الصلاه
ماجد: ي زولة م تخشي غرفتي
أمل: ي زول تخش
ماجد: م تخش تطلع طوالي
حلا: والله اخش خششششة
كان عايز يمرق القميص قالي واااي حلا هيي انا بخجل قلت ليو الله يرررحم 😐😐👊 طوالي طلعت بكرامتي الباقيه ومشيت لي حبوبة وعودي اصلا احلى زول 💜 صليت معاها المغرب وجابت لينا شاي المغرب جدو نزار جا خاشي وقعد معانا وديك ي الونسة اصلا هو شخصية وناسة وكوميديه شديد😂😂💜
استأذنت اني امشي الحمام وانا طالعه لقيت ماما بتتسحب براحه ف السلم وبتتتلفت اذا ف زول شايفا ولا لأ انا ادسيت ورا الباب وعاينت ليها فتحت الباب وطلعت انا فتحت الباب براحه لقيتا قطعت بالحديقة ومرقت برضو مشيت وراها وفتحت الباب عاينت لقيتا بتركب ف عربية مسكت قلبي شديييييييد قربت اخد فكرة سيئة😭💔😂استغفر الله بيني وبين نفسي كانو دي عربية محمد؟ لكن محمد مسافر ؟ ووووب علي دا شنو؟ امكن بتشبها ! بعداك قطع حبل افكاري عم علاء حلا بتي وانا اتخلعت وكوركت ! قعد يضحك مالك ي بت قلبك رهيف كده؟ قلت ليو بري والله قلبي م رهيف لكن يعني انت خلعتني !
بعد شوية سامعه صوت ضحك عاينت لقيت مازن وهديل 😢💜 هديل شكلها قالت حاجة ومازن قعد يضحك من قلبو م بتتصورو فرحت كيف ! 😭😭😭😭😭😭😭💜 احلى حاجة تشوفي اخوك مبسوط بعداك فتح الباب قالي حلووني الموقفك هنا شنو ؟ قلت ليو كنت بشم هوا طالما ممافي زول بشممني هوا☺️💔😭 قالي والله كان ف بالي اسوقك لكن حبوبة وعد قالت لي انتي نايمة ! بعد شوية مد لي كيس قالي عايني جبت ليك شنو؟ قلت ليو شنو ؟ قالي هدولة قالت نفسها ف طقم ساعات ولمن شفتو عجبني جبت ليك معاها ! قلت ليو حبناااا💜💜💜💜 قالي ماف بوسة لاخوك؟ قلت ليو هديل جمبك وانا بقيت مركزة معاه وبفرفر ف الكيس ومشيت وخليتهم 😂😂😂👊💔
في مكان تاني :
فارس: م تبكي كده هو زاتو حيزعل !
أمل: بسررعه طيب ي فارس !
فارس وصلها شارع النيل ! م نزل معاها استناها ف العربية ، ابوي كان مستني امي لمن شافا نده عليها امي شافتو ومشت علييييه ووقفو قصاد بعض مسااافة 😭 بعداك امي مدت ليو يدها فريد سلامتك والف سلامه 😭💜 ابوي رد ليها الله يسلمك ي أمل اتفضلي مشوا قعدو قصاد البحر وابوي بدا يفضفض لي امي
فريد: انا طبعا هنا براي معاي واحد صحبي من ايام الجامعه ! بديت الغسيل الاسبوع الفات اتنين وخميس وهسي بكرة الاتنين برضو عندي !
امي م قالت ولاحرف بس دموعا حكت الف كلمة💜
فريد: امي عرست لي بت اختها هناك ! وبت اختها شبه ممكن تقولي مرة تافهه وخاينة واي صفه كعبه فيها ! م كنت بطيقها زاتو 💔😭 تتذكري لمن ولدنا حلا بعدها بشهرين مشينا اتصورنا كلنا انا وانتي ومازن وماجد ومالك وفرح ابوي صوتو بدا يخذلو ! امي مدت يدها وختتا فوق يد ابوي ودموعا كابةة مطر 🙈💜 بصوت ضعيف بدا يعلى حتى انت ساعتها ابيت تديني امسك حلا وكنت ماسكها ف كل الصور لدرجة اني غرتا منها 😂💔 ابوي بعدها طلعت منو ضحكة !😭😂💜 وعارفين الضحكة بتكون كيف لمن بتكون بتبكي ! بعد مسافة قاليها انا طلقت بت اختها اللي هي بت خالتي وبتذكر كوركت ف امي 💔وقلت ليها انها السبب ف كل الحصل لي ف حياتي وقلت ليها م تتدخل ف حياتي تاني ! بس ضغطي ارتفع اليوم داك ومشيت المستشفى وعرفت برضو انو عندي فشل م كنت جايب خبر 💔💔💔😭
امل: الحصل حصل وم بقدر نغيرو ! لكن نوعد نفسنا انو الجاي حيكون احلى 💜
بكرة الغسيل الساعه كم؟
فريد: 11ص
أمل: حكون معاك أن شاءالله 💜
بعداك جابو ليهم عصير شربوه وامي استأذنت انو الزمن تتأخر ولازم ترجع ! ابوي كان متمني انو امي تقعد معاه وتشيل معاه الليل بتقرا ليو وتكون جمبو بس ساعات الدنيا م بتجي على الخاطر 💔💔
امي كمان مشت وخلت روحاا عند ابوي ❤️ وكل البتفكر فيو انو الليل ينتهي عشان يجي يوم بكرة وتشوف ابوي !💜
امي ركبت وقعدت شبه مبسوطة والهم الفيها قبيل انزاح 💜 فارس شبه اتبسط وف نفسو هي مشت للحب كيف م تكون مبسوطة ! بعداك فارس شغل المسجل واشتغلت أغنية نانسي اللي امي سرحت معاها شديد ونرجع ونقول انو امي بعد م قعدت مع ابوي قدرت تصغر 20سنةة
"معقول الغرام م يخليني نااااام يسرقني من حااالي ينسيني الاياااااام "
الساعه كانت ٩ونص ! انا وهديل كنا ف الصالة بنتونس معانا أمل 💜 بعد شوية امي جات داخلة ومبسوطة وبتغني ف الاغنية بتاعت نانسي وتلف الشنطة وتلف هي حوالين نفسها !
أمل: لالا السرق عقلك يتهنى بيو !
هديل: والختف قلبكك برضو يتهنى بيو 🤤
حلا: ماما كنتي وين؟
أمل: كنت ف مشوار!
حلا: مع منو؟
هديل: ي بت م تنكدي على خالتو!
أمل اول مرة اشوفا مبسووطة كددده💜
انا سكت وم ركزت مع الموضوع ! بكرة الصباح لبست ماجد وداني الجامعه وطول اليوم فكري مع امي والعربية الركبتها وجات بعدها مبسوطة دي !
لين : حلا مالك الليله م طبيعيه؟
حلا: لا منو بالعكس طبيعيه شديد ساي ف عدم موضوع حاصل ! ف تلاتة بنات جو داهمونا وقعدو معانا ☺️💜
ريفال: انا ريفال كيفكم ؟
لين: اهلين ريفال كويسين
حلا: اهلين
مريم: انا مريم !!
لين: اهلين مريومي منوريننا !
انا ابتسمت ليها ومديت ليها يدي !
نهلة : انا نهلة وتقريبا كنت قاعدة جمبك امس ي حلا؟
حلا: اي اتذكرتك القلتي لدكتور فارس يورينا اسم حبيبتو؟
نهلة : ايووووون انا القرص الكسار السمح المزز القااااطع حلاة الدنيا عليهه لكن لو م جبت راسو م يبقى اسمي نهلة
انا طبعا عيوني بقو قدر البلية قلت ليها على فكرة دي قلة ادب هو دكتور وانت تلميذتو مافي داعي لاجيب راسو واجيب كراعو
ريفال: ي الله ياخ حلا دي شكلها حربية بتلزمني ! من الصباح صارعانا بي فارس ! وانا الغيرة كانت مشعللة جواي 😭😭😭👊👊
لين : ي بت قاليك مرتبط دايرة بيو شنو تاني😂😂😂
نهلة : في حاجة اسمها الشلب
مريم: شوف عيني الراجل دا تقيل تقلة 😢💜
حلا: الشلب دا بكون لاشباه الرجال بس فارس راااجل
لين ومريم ونهلة وريفال:😱😱😱😱😱
نهلة : من اين لكي تلك الثقة ؟
حلا: لانو فارس اخو راجل اختي😐
الاربعه فتحوا خشومهم 😂😂👊👊👊
نهلة : طيب مرتبط مع منو طالما بتعرفيو 😭😭😭💔
حلا: بنات اهلي كلهم جربوا معاو بس م نفع كلهم فشلهم 😂😂😂😂😂😂😂😂
لين: اهم شي انتي فشلك ولا لا؟
حلا: انا اصلا م جازفت 😂😂😂💔 وبعدين نسيبي خفة شنو البتخليني اعمل كده بري ي يمةة ، بعداك ماجد دق لي قالي اطلعي انا برة كانت الساعه 1 انا اتصلت ليو من ١١ ونص 💔😐💔💔💔
حلا: يلا اخوي جا ماشة!
نهلة : ووووووب عندك اخو كبير
لين: م تتعبي نفسك الاتنين الكبار متزوجين😂😂😂😂👊 ف واحد ف تالتة جامعه ينفع😂😂👊
نهلة : لع دا شافع كلنا ضحكنا فيها ومرقت
لقيت ماجد وامل : يخواني م ممكن انا حيجيني جفاف عاطفي بعد كده م ممكن بالجد فرح ومحمد انت وامل مازن وهديل بس م الله
ماجد وامل: الله اكبر عليكي
كلنا ضحكنا ووصلنا البيت طلعت لقيت امي مافي !!!!!!
طلعت كده لقيت مازن سألتو قالي شفتها قبيل نازلة قالت عندها مشوار مهم انا قلبي اكلني 💔💔😭 وياداب جمعت انا نسيت حكاية فارس لمن قالت ليو تعالني بالمسا وعربية محمد لانو عربية فارس حتكون ف الصيانة😱 بس امي وفارس وامي بتجي مبسووطة ليييييي؟؟؟؟؟؟؟؟ معقول الفي بالك ي حلا استغفري الله مستحيل امي م ككده !!!
بعد شوية امي فتحت باب الشقه وخشت جريت عليها ماما كنتي وين؟
ردت علي شنو ي حلا كل شوية كنتي وين كنتي وين ؟ الايام دي عندي مشاوير مهمه ! امي مشت اتوضت وجات صلت بعداك قعدت ف السرير وهي شاردة تماما :
فريد : صباح الخير
أمل: صباح النور!!!
فريد ح اقابل الدكتور خشي معاي !
امي خشت معاو
الدكتور : صباح الخير ي فريد الصنديد ! الليلة وشك لمن مفرهد 😍
ابوي وامي ابتسموا ،كان ف دكتورة قاعدة وعاينت لي فريد وسألت الدكتور قالت ليو دي الحالة القلت لي فشل كلوي
من غير اسباب كفاية للفشل ؟
الدكتور قاليها اي اتلفتت لي فريد قالت ليو انا دكتورة ايمان خريجة جامعه الخرطوم وماخدة درجة الدكتوراه من اكسفورد ! ف الفترة الاخيرة دي هناك كان ف حالات زي حالتك كده يجيو فشل كلوي ووالجسم والكليتين م فيهم خلل شديد او يجيو ضغط بس هو م ضغط يعني حاجة كانها بتزول بزوال المؤثر ولمن فتشنا اغلبية للناس المريضة دي لقينا عندهم مشاكل سواء مع زوجته او امة او إخوانه او حتى اولاده ! كان عندي مريض هناك ! فشل كلوي ! مرة الكلية تشتغل ومرة ترفض !كان سوداني سألتو ي زول انت عندك مشاكل مع زول ؟قالي لا ؟ قلت ليو كدي اتذكر ؟ قالي نهائي مافي ! اخوه قاليو ي زول انت متشاكل مع مرتك ليك قريب السنة ومن وقتها انت م كويس ! قلت ليو بس امشي الليلة لمرتك ف بيت اهلها شيل معاك هدايا ولا اي شي قوليها انك راجعت نفسك ولقيت نفسك غلطان وجيت تعتذر بالله مشى عمل ككده ومرتو رضت جانا بعد اسبوع جسمو كلو فل 💜💜 ابوي عاين لامي وامي برضو 😍😍💜💜💜💜💜
الدكتور: رايك شنو ف الكلام دا ؟
فريد: كويس !
أمل: طيب احنا ممكن نأجل غسيل الليله ؟
الدكتور عاين للدكتورة ردت لينا : اي لحدي الاسبوع الجاي لو م حصل تحسن حنعمل ليو الغسيل !
ومرقوا على كده !
قعدوا برة !
فريد : انا عايز الاقي اولادي واصالحهم واحد واحد واشوف العلاج دا يمكن فعلا!
مؤمن(صاحب ابوي) : ي زول دا كضب ساي انت صدقت المرة المجنونه دي !
أمل: والله كلامها بتصدق!
فريد : شوفي لي العيال 💜
أمل: أنا خايفه من ردود افعالهم لكن ح احاول ومرقت امي على كده 💜💜💜
يتبع
