#ألمي_وأملي
بقلم لولي نزار
-٣٠-
صحيت من الصباح لقيت امي وحبوبة وعد خاتين كراتين عدة وشنطة فيها ملايات؟ قلت ليهم خير دا شنو؟ قالو لي بكرة حترحلي بيت راجلك والام بترحل بتها كده❤️ ضحكت قلت ليهم لو كده جهزو جهزو !
أمل: حلا م تنسي امشي الكوفير ارسمي عشان حنتك دي مرقت لازم تكوني مجيهه انتي عروس جديده ! قلت ليها طيب مشيت غيرت لبسي ومرقت ! مشيت الكوفير والمرة على بال م ترسم والحنه تنشف قعدت من ١٠لي ١٢ ونص 🙈💜 لقيت نفسي فاضية ولسه ح الاقي عثمان الساعه ٤ ف قررت بما انو فارس شغال انط ليو ف المستشفى 🤤❤️ اصلا مشتاقة ليو ومشيت لحدي م وصلت لاقتني الممرضة ديك الزمااااان قالت فارس بناديك؟؟😂💔 قالت لي الف الف الف مبرووووكك تستاهلي والله 💜❤️ معاها كان كذا دكتورة وممرضة سلموا علي ف وحده قالت لي فارس قالينا انك حتكوني صيدلانيه باذن الله انا هنا المسؤولة عن الصيدلية تجي تشتغلي معانا طوالي 💜حتى الترييننغ علي شكرتها وقلت ليها ان شاءالله 💜 مشيت مكتب فارس 💜 دقيت الباب مرتين وخشيت قلت ليو ممممزي انا اتفاجأ لمن شافني كان معاه مريضة وراجلا طبعا بقا منطط عيونو قاليهم المدام معليش اتلفت علي قالي تعالي جيت سلمت على البيشن😂😂😂 ومشيت وقفت ورا كرسيه !! كتب ليهم علاجاتهم ومرقوا وقف على حيلو قالي ايييييه المفاجآت دي اشتقنا ياخ طبعا بقا قصادي وطويل شديد قلت ليو فارس انت استغليت غيابي وزدت خمسين متر؟ قام ضحك وضماني قالي لا بس انتي قصرتي 😂😂💔 قعدت فوق ف التربيزة لمن تبقي مرت الدكتور وشافعتو🙈💜 وقعدنا نتونس الباب دقا انا طوالي نزلت قلت ليو معليش شكلك مشغول 😂💔 عموما انا بكره حاجيي البيت قالي اهه اخيرا❤️💜 ضحكت وقلت ليو يلا قالي استني ماشة مع منو ! انا م ختيت حسابي لحاجة زي دي طوالي اتشربكت وعملت اني وقعت دفتر من تربيزتو ااهه اسفةة ح الاقي لين قريب من هنا شكرا يمزز باي وقفلت الباب😂😂
طلعت وانا مستعجلة الساعة بقت ٣ وقفت جمب باب المستشفى عايزة ادق ليهو دق لي قالي مزتي اها نتلاقى وين؟ قلت ليو لو سمحت انا م مزتك ولا زفت بعدين م عارفه قالي انا بجي اسوقك ونتفق ! قلت ليو انا برة البيت!قالي اجيك جمب وين طيب؟ قلت ليو صينية بري ! مشيت صينية بري واستنيتو مسافه بعدين شفتو هداك جاييي وقف لي ركببت معاهه مد لي يدو قلت ليو بقيت م بصافح ! نزل يدو قالي م مشكلةةة 😂 كيفك طيب اريتك مبسوطة؟ قلت ليو مافي زول مبسوط اكتر مني ! قالي كويس طيب وصلنا شارع النيل قاعدين كده جابو لينا قهوه ! جو بتين ب جمبنا. ... ماشاءالله جااااايين مع بعض عقبالنا ضحك ليهم قالييهم اميييييييين ..
حلا: انجز لو سمحت ؟
عثمان: تطلقي من فارس
حلا: انت جنييييت؟ولابتحلم؟
عثمان: معناها على قلب اخوك السلام !
حلا:انت مريض نفسي وم تسمح للافكار السلبية دي تدخل حياتك !
عثمان: افكار سلبية عشان بحبك ؟قالا وعيونو لمن لونهم احمر!
حلا: مدام بقيت لواحد غيرك معناها انا م قسمتك ! لسة نصيبك مستنيك !
عثمان خت يدو فوق يدي !! انا اتخلعت شديد 🙄💔 كنت ف صدمه حتى بعداك زحيت يدي !!!
انا يا حلا من يوم شفتك م فكرت ف وحده تانية انا بسس بحبك انتي صدقيني م حتلاقي زول يحبك اكتر مني ! وان انتي شايفه تصرفاتي دي غلط فدا عشان بحبك وعايزك تكوني معاي 💔😢 خت يدو على يدي انا بقيت متوترة وعينو ف عيني ! ماعارفهه حصل شنو او كيف بس سمعت صوت فارس بنادي حلااااااااااا انا خفت شديد واتلفت لقيت فعلا دا فارس ولسة يد عثمان ف يدي طوالي سحبتها فارس بقا قصادنا ، فارس اهدا انا ح افهمك كل شي ؟ تفهميني شنو وانا شايف بعيوني؟ عثمان كان متنح ف علاقتنا البتتخرب دي! فارس اتلفت ليو ، انت قايل انو حغلط مرتي عشانك؟ تبقى غلطان انا متأكد انو انت غشيتا ولاكذبت عليها حتى جاتك هنا ! عثمان ضحك هي جاتني براها وقالت لي اشتقنا انا اتخلعت ف تفاهتو ،، فارس والله كذاب ،، فارس مسك عثمان من لياقة القميص م تخليني ارتكب فيك جريمة ،، المحل كلو بقا يعاين لينا !! فارس فكو وانا بحكي ليك كل شي ! فارس اتلفت علي انتي اسبقيني على العربية سرعه 👊💔 عايزة اطلع عثمان قالي م تنسي القلتو ليك فكري فيو!! بس فارس اداو بوكس 🐸 وعثمان مد يدو عليه وبقو يتضاربو الا مسكوهم !! انا بقيت ابكي وانادي ي فارس 😭😭😭💔 اول م بقوا بعاد عثمان استغفلهم وجا بسرعه ادى فارس بوكس ف انفو😭😭💔💔💔 فارس وقع وانفو بقا ينزف💔💔💔😭انا جريت عليه فارس 💔😭😭 ف اولاد مسكو عثمان وفي وحدين تكلوه معاي لحدي العربية ! بقيت اديو ف المناديل واحاول اوقف ليو ف النزيف قالي انتي م تهبشيني!!!💔 انا خفت وحالتي بقت صعبه !!
،،عن لين،،
مالك: الو لين وين انتي؟
لين: ف الصيدلية!
مالك: انا جاي عليك !
لين : مالك لا حتعمل لي مشاكل !!
تيت تيت تيت ..
..
حبوبة وعد جات نازلة تحت لقت امي ف الصالة ومعاها أمل وماجد وهي كانت بتتكلم ف التلفون !
أمل: يخسي عليكم تورونا الا الليلة !
..:قررنا امس احنا !وعندي ليك مفاجأة زي العسل؟
أمل: احكي ي ولدي!
ماجد: دا مازن ولاشنو؟امل اومأت براسها بمعنى اي 💜
مازن: حتكوني حبوبة ي امي 😎💜
أمل: انت جادي الف الف مبروك والله ربنا يحلها بالسلامة
مازن: هسي ف الشهر التالي.
أمل: اخرب ليك مفاجأتك؟
مازن : م تقولي مرت ماجد برضو؟
أمل: اي 😌😌😌😌💔💜
مازن: معقول بس ياخ الحفيد الاول يكون ولد البكر
أمل: نسوي شنو انت اتأخرت ف العرس😎🐸
مازن: خلاص الليلة المساء باذن الله بنكون معاكم💜
أمل: استودعكم الله💗💗
حبوبة وعد: هديل حامل😍
أمل: اي😍😍😍😍😍
ماجد: ماشاءالله تبارك الله أمل لقت ليها ونيس 😂😂
أمل: ماجد وين كريمة الكراميل القلتها لي ؟
حبوبة وعد : خلاص قامو للمناقرة !
أمل: شفتي ي حبوبة بجي براو من تلقاء نفسو من غير م اقوليهو اعمل لي شي بقولي انا حعمل ليك ولمن اذرو ينكر للكلام حطب 😭😭
أمل: ماجد هوي خليك قدر كلامك !
ماجد: والله ي امي انا بكون جادي لكن بكسل😂😂
أمل:هسي تمشي تسوي ليها ! قبيل جدك جاب كريمة والله يلا من وشي !
حبوبة وعد: انتي ي أمل ي بتي حلا دي مشت وين؟
أمل: الا كان مع فارس 😢💜 م قالت لي !
حبوبة وعد اضربي ليها ..
اما فارس زعل مني شديد اسعف نفسو بنفسو واحنا عايزين نتحرك امي اتصلت لي ووريتها اني مع فارس !
..
لين استنت مالك قدام باب الصيدلية لانو عثمان موصي احمد مالك م يشوف لين ! المهم لقاها سلم عليها بدون تفاهم وقاليها اطلعي ! قالت ايوا وين؟قاليها يلا ي لين من سكات لين سكتت شالت شنطتها ومرقت معاه !
ركبوا العربية وهو ساكت خشمو م فكا معاها لحدي م وصلوا بيتهم هي مستغربة ! مسك يدها ودقا الباب ،، هي فكت يدها منو !! عاين ليها وابتسم ! م تخافي ! قالت ليو انا خايفة م عارفه ردت فعلهم حتكون شنو ! امها فتحت الباب استغربت !! لين؟؟ مالك سألها والد لين موجود؟ ايوا موجود اتفضل امها ودتو الصالون ! ام لين جرتها قالت ليها الحاصل شنو ي لين ولين بدت تحكي لامها!
جا ابو لين (عبد العزيز) السلام عليكم!وعليكم السلام استاذ عبد العزيز .... قاليو خير أن شاءالله ؟ مالك قاليو اتفضل اول ! عم عبد العزيز ضحك معليش ياخ فجأة قالو لي ف زول عايزك برة اتخلعت! انا اسف اني جيت بدون موعد سابق ! لالا م مشكلة ي ولدي والله ي عمي انا م عارف ابدا ليك من وين ولا وين ولابعرف اقول مقدمات انا مالك فريد بقرا طب السنة السادسة لي ! لين صحبة اختي حلا اذا بتعرفا ! اي سمعت بيها عن لين كان عندكم عرس قبل فترة كده ! اي عرس حلا زاتا ! الف مبروك ياخ والعقبال عندك! تسلم ي عمي ! انا بصراحه شفت بتك ! وعجبتني وعرفتها اكتر لانها نزلت ف صيدلية المستشفى الانا بشتغل فيها ! عم عبد العزيز بقا ساكت وعلامات البشوشية راحت😂😂😂😂😂😂 عم عبد العزيز انا عارف انو فاجئتك بس انا جيت قبل كذا اسبوع وكلمت عثمان ف رفض ! عم عبد العزيز يعني انت هسي براك كده من غير اهلك جاي تطلب يد بتي؟ اي جاي براي و انا عارف انها بتك الوحيده وقد م تديني ليها وتقولي التعليم والا تكمل ! صدقني ي عمي انا مسؤل عن تعليمها زيك واكتر منك واذا هي م خلصت انا زاتي ح اضايق ! عم عبد العزيز ضحك والله دي حركة رجولية لافتة منك ي ريت لو كل الشباب كده ! تسلم ي عمي ! بتمنى انك م ترفض طلبي !
عبد العزيز انا م حقوليك ح ارفض او ح اوافق دا شغل القسمة بعد كده انا كل الحأعملو ح استفسر عنك زي كل اب طبعا ! بعدين انت قولت لي فريد وسكت ياتو ناس طيب؟ ابوي وامي كانو ساكنين في ولاية النيل الابيض وجو قريبات دا يعني ليهم زي سنتين او اكتر لكن انا واخواني الاولاد قاعدين هنا مع حبوبتي وجدي ! جدك منو؟ نزار السيد العربي! عم عبد العزيز بان على ملامحه العرفة نزار السيد؟ جدك؟ ايوا جدي ابو امي ! ياخ جدك دا زول مشهور بكرمه وحسن اخلاقه والله الواحد يدي وهو مغمض !! تسلم ي عمي شكرا ليك ! انا كده ي داب عرفتك كويس ومدام انت تربية نزار السيد فانا موافق ماعندي اي مشكلة مالك طار من الفرحه وجرا لي عم عبد العزيز وحضنو😂😂💔👊 تسلم كتير والله ربنا يكتر من امثالك ي عمي والله م بتتصور انا مبسوط كيف ! انا المبسوط والله نسبكم يشرف لكن يعني لين رايها شنو؟ لين موافقه والله جات امها داخله وبتزغرت 😎💕💜💜💜💜 ولين جات وهي مبسوطة !
عثمان جا داخل خت مفاتيحو وسامع الونسة والزغاريت جا داخل لقا مالك واببوه فرحان ! عم عبد العزيز ناداه عثمان ليه رفضت الزول دا ياخ بالغت معاه دا ود ممتاز ماعندك اي مبرر للرفض بالاضافة لي انك م كلمتني اساسا 😰 عثمان طبعا احبط شديد !!.😢💔 سلم على مالك وقاليو مبروك؟ الله يبارك فيك ي عثمان وعقبالك!
في الشارع انا وفارس ،، انا ماشة معاك البيت! عاين لي وم رد علي ! فارس انا بتكلم معاك ! انتي حتمشي بيتكم بس ! انا خفت يكون قصدو يطلقني ولاشي 😂😂😂😂
امشي البيت كيف يعني؟ انتي مش قلتي بكرة مرحلنك؟ اي ،، طيب امشي اهلك ! فارس م تتعامل معاي كده ،، طيب انتي اتصرفتي معاي كده ليييه ي حلا؟ ليه م كلمتيني وسودتي وشي ي حلا؟ كان بيغلبك لو كلمتيني انك حتلاقيو الموضوع م كده هو هددني بس وانا غبيه ! هددك؟ هددك بشنو؟ وحكيت ليه قصة لين ومالك ! برضو ي حلا كنتي تكلميني كنت عرفت احل الموضوع ! وعثمان شنو كمان اليتقدم ليو مالك كان يمشي البيت طوالي ، مالك م فهم انو عثمان ممكن يكون قاصد يعمل كده ! فارس فتح لي تلفونو قالي شايفه الرسالة دي ؟ (مرتك بتخونك معاي في شارع النيل ) كمان لاحظت العنوان الرسالة البعدها؟ وانت صدقت اني بخونك؟ انا م صدقت ! بس لمن شفت يدو ويدك شكيت للحظه !بس قلت دا واضح انو مقلب ومن شفت عثمان عرفت انو عايز يصل لي شي يفرقنا مثلا 😭💔انا دموعي جرت وقمت من مقعدي وحضنتو فارس م تخليني !! ي بت استهدي بالله حنعمل حادث 😭😭م عندي مشكلة لو حنموت مع بعض 😭😭💔 قام ضحك قالي والله انتي مجنونه 😂😂👊 بركن العربية قالي يلا احضني براحتك قلت ليو انا خلصت😂😂😂💔قالي لا يااخخ طيب ارح بيتنا!😍 قلت ليو ابييييت وديني بيتنا احنا 😎 قالي اه يوسخهه😂😂😂وجراني من راسي عليو 😂😂😂💔 نمشي مطعم قولي لا كمان؟ اي اي نمشي 😂😂👊 عشان بطنك بس عارفك اصلا عشان بطني😂💔👊
في بيتنا !
مازن وهديل جو 😎😎😎 استقبلوهم احلى استقبال 💗😍
وسلموا عليهم ! امي نست م كلمت فرح اتصلت ليها قلت ليها اخوك جا تعالي سلمي وبكره رحولة حلا !
ماجد : انت قطر دي قريبة كل شهرين تلاته ناطي😂💔 زمان كل سنتين😂💔
مازن: طاردني ولا افهم شنو؟ بعدين الواحد بقا عندو ام وزوجة ولاشنو ي مزتي ( لي امي طبعا)😂😂😂
أمل وهديل قاعدين ركن هناك 😂😂😂
أمل: هييي يبت انا غايتو لو ولد حسميهو علي ولو بت الاء 😎💗
هديل: بتسمي على امي لييييييه؟
أمل: ي بت اديك كف هسي؟
هديل: اما انا لو ولد حسميهو احمد ولو بت حسميها أمل على حماتي وخالتي وام حبيبي 😎💗
أمل: م اتعرفنا عاد ي حماتي وخالتي وام حبيبي 😂😂😂👊👊👊
بعد شوية جات فرح ومحمد داخلين
حبوبة وعد : سجمي بتكم وين؟
محمد: عند حبوبتها وعماتها😂😂😂💗💗
حبوبة وعد: عشان اول مرة تجو بدونها😂👊
محمد: احنا بنفكر نجيب ليها اخو! فرح ضربتو على كتفو😂😂👊ولاشنو ي ابو الشباب ياخ حمد الله على السلامه ومبروك ياخ ربنا يحلها بالسلامة وتجيب ليك احلى بيبي ف الدنيا ..
مازن: اللهم امييييين ي رب والله يسلمك ياخ الخبر شنو؟
محمد: كلو تمام والله
فرح: مزوني 😍😍 ازيك
مازن: بخير ي عسل مشتاقيين والله
فرح بالاككككتر شديييييييد😍
تمت سلاما ومشت لي ناس هديل😋😋😋💗
،،
طيب ي مزة عايزة تطلبي شنو؟ امممم عايزة ساندوتش كرسبي وعايزة شوربة وعايزة شاورما عربي🐸💔 ي بتي شاورما عربي براها بتشبع🐸💔انت مالك اطلب لي بس! انتي بتبقي رومانسيه دقيقتين وبتحنني قلبي وبتتقلبي تاني متوحشه🐸💔 انا حطلب ليك الكرسبي سفري ،، فاااارس😭😭😭💔 خلاص طيب ! طلب لينا شاورما عربي وكرسبي !😎💗😋
جابوهم لينا وكنا ماشاءالله شبععنا ونسةة☺️💔 اكلت من الشاورما 😋💗 المهم عاينت للكرسبي كده فارس عرفني ،، لو م اكلتيه الليلة بخنقك😂😂😂👊💔ضحكنا اكلت منو حتة كده وختيتو قلت ليو اكلو انت م نفسي 😂💔 قالي دا شنو شغل الحوامل دا؟ 😂😂😂👊 امي اتصلت لي بس
ألو ايوة ي ماما؟ وين انتي ي بت مع راجلك اختفيتو ف ظروف غامضة؟ هههههههه طلعنا نتعشى ! خلاص ابقوا مارقين البيت عمران تعالو؟ اجي ي عمران فجأه؟ اي مازن اخوكي جا وفرح هسي معانا !! انتي جاده مازن جا؟؟ اي 😍ثواني ونكون معاكم😍 قفلت ،، ثواني كيف اذا المشوار من هنا لحدي البيت نص ساعه🐸💔 ضحكت قلت ليو نطير المهم نصل 🐸💔 طلب كيس دخل فيو للكرسبي قالي شاكي فيك انا اكليو بعدين😎💗 مرقنا ووصلنا البيت واللمة الجميلة😍😍😍 لمة الاخوان يخ 😭😭😭😭😭😭💔 سلمنا وقعدنا واكتشفت انو هديل برضو حامل يسلااااام حيجونا شافعين وح ابقى عمة😍😍😍
أمل: مش كفاية انتي برضو تحصيلهم😂😂💔
حلا: بري ي يمة شوية علي !
فارس: احم احم
طبعا فهموه😂😂💔وكلهم ضحكوا 😂😂😂💔💔💔💔 قعدنا للساعه ١١ بعداك فارس قال ماشي ومرقت اقدموا 😍 انتي عارفه انك بكرة حتنوري بيتي💞💕💜😍 وحتنوري حياتي 💜💜 وحتكوني مدام فارس للابد💜💜 ربنا يقدرني واسعدك ي رب💜 ويقدرني انا كمان م ازعلك وم اضايفك قالي انتي زعليني وضايقيني وانا بسامحك م انتي روحي وم بقدر ازعل منك💜💕 يلا ي ستي تصبحي على خير وانتبهي لنفسك وموتنسي الكرسبي شاكي فيك انا😂💔ضحكت ودخلت💜
فرح جات لمحمد ،، محمد امرقنا خلاص وتين صرعتني بالتلفون بتك قالت ولادقيقة تاني م بتقعد وليها ساعتين بتبكي😢😢💔 محمد وقف على حيلو طبعا بكاية زي امها لازم نحصلها😂😂💔 ماجد قاليهم انا هسي خايف بتي تاخد طبع عماتا البكايات ديل بموت والله😂😂💔
أمل: هوي انتو لاقين زي امولة بت فرح دي وين؟💔😂😂😂😂
هديل: بتكسري تلج ي خالتو😂💔 ضحكنا وودعونا ومشوا💗💜
حبوبة وعد: محمد بكرة اوعى من الحركات تجيب فرح بدري.😂😂💔
محمد: لالا أن شاءالله يحجه😂💜 يلا استودعناكم الله💕💗
مازن ساق مرتو وماجد نفس الشي 🐸💔
جيت قعدت ف الكرسي يجماعه انتو ابوي وجدو ومالك ديل وين؟ طولت منهم عديييل 😎💔
حبوبة وعد: ابوكي وجدك الايام دي سوقهم وشركتهم لاخماهم بجو ١٢ويطلعوا بعد الصبح محن ي انتي 😎💗
امي قالت لكن بري مالك اتأخر حالتي اتصلت ليو!! انا طوالي جا ف بالي موضوع مالك😭💔 طوالي مشيت اتصلت ل لين ودايرة اسالها حكت لي بالعملو مالك😍😍💞💞يجماعه كمممية حححب ف اللحظه ديك لاخوي م عاديةة!! قفلت منها اتصلت ليو قالي الو قلت ليو وين ي عريس اتأخرت لكن😂💔ضحك قالي صحبتك ورتك😂😂💔قلت ليو كككيف ياا😂💔 قالي لمن اجيك طيب ..وقفلنا ..😂💗
وقفلنا.. بس م انتظرتوا مشيت اكلت باقي السندوتش حقي ونمت .. صحيت الصباح بدري بطني واجعاني 💔💔💔💔😢😢😢😢 لقيت ابوي صاحي قالي يبت في شنو خير؟م عارفه بس بطني💔💔💔 مالا بطنك؟ كدي خشي الحمام حاسة اني عايزة ارجع طيب يلا على الحمام مشيت الحمام وفعلا استفرغت اكرمككم الله💔💔 ابوي نزل لامي تحت ناداها 😢💔جات علي لقتني شبه خلصت 😢💔 قالت لي دا الكرسبي الاكلتي بليل دا 😢💔 قلت ليها واي مطمم لي بطني شديد😢💔💔💔 قالت لي انتي اكلتي ونمتي طوالي عشان كده وحسيت بي راسي لافي فجأه امي شكت اني اكون حامل 😂💔 رقدتني ف السرير م خلت جنزبيل وم خلت حلبة وم خلت قهوة بليمون اعانني الله😂😂😂 هديل وامل واقفين ف راسي لمن صحصحت !! هديل قالت لي تكوني حصلتينا؟؟ بس امي اتصلت لي فارس وجا فحص لي بس قال الحمد لله مافي اي شي 😢💔ولاحتى حمل 😢💔صراحه انا زعلت 💔😢 بس م حسيت زول💔😂
فارس : حمدلله على سلامتك ي حلا!
حلا: الله يسلمك
ماجد: انتي عارفه وانا قلت خلاص امي كتمت فيها😂😂😂💔
أمل: كان تكون احلى كتمة ولاشنو!!
فارس ابتسم! يلا صحصحي ي زولة وجامعتك الاسبوع الجاي انا قمت من رقدتي ديك قول اقسم بالله العظيم
ماجد:مالك مخلوعه كده!!
حبوبة وعد: اتعودت على الراحات😂💔
هديل: م تخافي انا برضو بعدك باسبوع كان شفتي💔😂
مازن: انتو مش قولتو رحولتها الليله؟
أمل: بري خلوها لمن تبقى كويسة!
فريد: هسي هي كويسة وراجلها معاها خلاص 💔
المهم مشوا استعدو وفرح جات وكل شي بقى تمام 💜.
أمل: فارس ي ولدي حلا بتي لسه صغيرة وقد تكون مرات م واعيه وممكن تضايقك شديد بس كمان أنا متأكده اني ربيتا كويس خلي لي بالك عليها شديد واذا زعلتك حاول قرب منها م تخوفها منك!!
فارس: انتي بتوصيني علي روحي؟ انا من شفتها حسيت انو دي الانسانة المفروض تكمل معاي ! صدقيني بتك في عيوني وقلبي م تخافي عليها 💜💜💜
وفعلا رحلوني على بيت حبيبي💜💜وكان احلى يومم💗😌💜 وقيلوا معانا😌💜💜💜 ومالك جانا هناك😌💜
مالك: السلام عليكم لمة ف الحرم أن شاء الله 💗
حبوبة وعد: وين انت يولد ليك يومين م شفناك!
مالك : انا خطبت🐸💔
أمل: خلاص انت برضو العرس بقا هايص ليك🐸💔
مالك: عارفكم م مصدقين بس والله خطبت. .. عم الصمت 😎
مالك: لين صحبة حلا مشيت اتكلمت مع ابوها ووافق انو اخطبها وبعد اخلص اعرس 😎💔
أمل:. 💔☺️من غير م تاخد رايي؟
مالك: صدقيني الموضوع طويل وكان فيو مشاكل 🐸💔انا وفارس عاينا لبعض وضحكنا😂😂💔
امي انفردت بيو😂😂😂💔💔💔
بعد 4 سنين:
بابا اتأحرنا ماما قالت ندي بدلي (بابا اتأخرنا ماما قالت نجي بدري) طيب اهو ظبطت الكرفتة وكده بابا بقا جاهز 😍يلا ي عيون بابا نحصل تخريج ماما 💞💞💗 وصلنا التخريج ولقينا توزيع الشهادات بدا 😌💔 وانا بقيت خايف الليلة حلا حتكتلني😌💔
..الطالبة حلا فريد سيف الدين الحاصلة على مرتبة الشرف بتقدير جيد جدا 💗💗💗 كل الناس صفقت وانا بقيت اصفر كمان ووائل ولدي مخلوع😂😂😂😂 .. بعداك وقفت جمب المايك : انا حلا بشكر ربنا جدا جدا على انو وفقني وقدرت اتخرج بالتقدير دا الشكر والفضل لله سبحانه وتعالى ثم لاسرتي .. وبعدين لاكتر زول دعمني ووقف معاي 😎💜 ساهر وتعب 💗 اتحمل مسؤولية زيادة عشان انا اكون واقفة ف المكان دا الليلة ! الصفق لنجاحي وطموحي ! الانسان اللي لايمكن القى احسن منو في حياتي 💜 كل الشكر لزوجي العزيز دكتور فارس حسان 💗💗💗💗💗💗💗💗💗💗💗💗💗💗💗💗💗💗💗 الناس دي كلها صفقت😍😍😍💗💗💗💗💗💗💗 مسك مني المايك دكتور معانا💜 انا كمان اشيد بالدكتور فارس لانو من الدكاتره الاكفاء في مهنتو وحتى لمن جا ودرس هنا استطاع انو يخلي اساس الطلاب في ماده الفارما سوتيك اساس متين كل التقدير ليهو ودي شهادة شكر وعرفان من جامعه الخرطوم فليتفضل مشكورا💜💜💜😍😍😍😍😍😍😍😍😍😍😍😍😍😍
ويمكن كان احلى يوم في حياتي😍😍😍😍💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗
انتهى التخريج وامي باركت لي 😍😍💜 وابوي كمان 😍💜وفرح ومحمد ووتين وخالو حسان 💜حضرو التخريج💞💗
مشينا البيت الكبير 😍😍😍💜
مشيتةلجدو نزار سلمت عليه جاه مرض ف القلب😢💔💔 واتمنى لي التوفيق 😍💗
أمل وماجد وواولادهم احمد والاء كانوا في عمرة😍💗💗💗💗💗💞💞وحقيقي البيت م حلو بدونهم💗
اما فرح ف جابت توأم لامولة تاليا وترتيل ومحمد بقا ابو البنات😍😍😍😍💗 اما تخريج هديل فكان قبل تخريجي بشهر حضرو التخريج وسافرت قطر هي وبتها ليان لي ابوهم😍💗💗💗💗💗💗💗💗💗
ابوي اشترى عقارات واستثمارات كتيرة وبقى زول معروف جدا😍💜💜💜 واشترى فيلا ف نفس حينا ورحل هو وامي 😂💗
اما مالك ف اشتغل مع ناس عمو حسان واتخصص نسا وتوليد وعرسووو بعد شهر من لين حبيبة قلبي😍😍😍😍😍💗 وعثمان حاول يتافه بس فارس مشا حكا لابوه وسفرو برا السودان👍😊
اما نحنا زاد لعيلتنا قطعه سكرة الا وهو وائل مجننا ومبشتن بي حالنا بس بنحبو شديييييييد😍😍😍💜💜💜💜💜💜
#كسرة
مافي احلى من الاسرة وم كل الرجال كعبين ! والاخوان هم عمود الحياة حتى لو قسوا او زعلوا ف دا ناتج عن خوف وليس تسلط💗 والحياة اساسها الاجداد .. والبيت روحو الام والاب ..لو الاب غلط مصيرو يعرف غلطوا والمسامح كريم 💜😍
بعتذر للاطالة ..💜
#النهاية💜
#لولي_نزار
