#ألمي_وأملي
بقلم لولي نذار
-٣-
فرح كانت بتعاين لي محمد بي نظرات حب غريبة!
#كسرة:
جربتي احساس عدم الامان والسند ؟وفجأة زول يدافع عنك حتى من ابوك؟ ياجماعه الاحساس دا عظيم وإحساس الامان بخلد حب عظيم!
ابوي كورك فيهم كلهم وطردهم من البيت قاليهم مش فرح دي سوقوها وسوقو حلا زاتا ؟ م عايزهم انا!
متخيليين ابوي بقول ف الكلام دا لحسان واولادو الاتنين؟
متخيليين كمية الالم الحس بيها ماجد وحست بيها فرح؟ انا طبعا م حاضرة🔫☺️الحمدلله كنت حموت اصلا!
فارس: عم فريد انا ممكن اعقد على حلا واسوقا؟
جدي نزار وعمر وابوي وماجد وفرح وامي كلهم بقوا يعاينوا لفارس باستغراب!
نزار: وانا بتي ثانيه م تقعدها معاك ف البيت دا !
امي جرت على ابوها وحضنتو!😭😭😭💔💔
سارة ام ابوي سمعت بالكواريك وجات علينا ف البيت بس براها؟ طبعا لا؟
حبوبتي جابت الحلة كلها وجات ! 💔💔
وقالت ف شنو ؟ انا حسيت بالكوراك وجيت مارقة لقيت امة محمد ف بيتنا!! عمر زي المرة الباطلة حكى لحبوبتي والناس كلها واقفة!
حبوبتي قالت لي ابوي طلقا ؟ وانا بجيب ليك ست ستها!
فارس لمحني جرا علي !
فارس:انتي كويسة؟
حلا: ايوة
فارس : م تشغلي بالك خشي جوة حتنهاري تاني لو قعدتي وسمعتي
حلا: ف شنو وليه كل الناس دي ف بيتنا؟
فارس سكت ساي!
ابوي قال لي امي انتي طلقانة قدام الخلق دي كلها شايفين الفضيحه ؟ وشايفين انو الناس حتتكلم عننا كيف ويقولو شفتو فريد طلق مرتو كيف؟
انا اتخلعت؟
حلا: الكلام دا لمنو؟ دا صوت بابا ودموعي جرت عشرة عشرة !
فارس م عرف يسوي لي شنو! بقا يرجع فيني وقولي انو الدنيا دي دروس وضرباتا حارة وكلام كتير بس ف بالي هل معقول ابوي طلق امي بعد عشرة ٢٨سنة؟
حلا: يا .. انت؟
فارس: فارس 😊
حلا: يافارس ليه المشاكل دي معانا دايما 😭💔وكل م اقول انوم واصحى والاقيها تنتهي م بتنتهي!
فارس: المشاكل حتنتهي مدام احنا متيقنين بي كدةة وعلى قدر الالم العشناه حتجي فرحتنا ونقول ياااه معقول الفرح دا كلو عشان كمية الاحزان ديك ياريتا زادت عشان تاني فرحتنا تزيد!
اما برة:
نزار: خلاص ي فريد كده حساباتنا اتصفت ورجعت لي بتي الحمدلله واولاده معاي! تاني سلام عليكم!
جاتني فرح جارية ف الغرفة مبسوطة
فرح: حلااااااا لقت فارس قاعد اتخلعت!
فارس: اسف حطلع
وقام طلع ..
قالت لي خليني من قعده فارس حلا انا اتزوجت! انا بقيت فاتحه خشمي اسداس ف اخماس قلت ليها مبسوطة ليه يعني عشان عرستي السكير قالت لي هبلة انتي سكير شنو البعرسو؟ انا اتخلعت قلت ليها عرستي منو ي فرح؟ قعدت تتخجل اججججي يخواني؟😬شفتو زي دا؟ ولا انا عشان اول مرة؟
انطقي ي حيوانه اعصابي ! قالت لي ماجد عقد لي على محمد! 😝 ونظراتي كلها تساؤل قلت ليها انتي اتهبلتي محمد منو؟ قالت لي م تخليك غبية محمد حسسسسسان😍😍😍 قلت ليها محمد حسان منو؟ حتى اتذكرت دكتور حسان القصادنا بس انا م بعرف اولادو عشان كده! قلت ليها ااا اخو فارس يعنيي قاالت لي اااايوةة اخو فارس قلت ليها يعني فارس هسي نسيبنا😭😂😂😂 قالت لي أااي قالت لي وايي نسيت البسي ليك لبسة واطلعي ! امي وابوي اخيرا اتطلقوا! كلمات نزلت علي زي الصاقعه ! رغم انو حقار واي شي بس ع الاقل عايشين بينهم ، بين حنان امي وعصبية ابوي !
لقيتا بتلف حوالين نفسها يااااه اخيرا حنمشي الخرطوم وحنفارق الحي المعفن والناس الشمشارة دي!
فعلا لبست غيار وفرح اتقدمت ! وانا بقيت ماشة ورا لقيت ابوي وحوالينو انو واخوه وعمر ولدو! وقفت مسافة بعاين لي ابوي ! رغم انو قاسسسسي شديد بس عندو لحظات معاي كانت حلوة!
لمحني ولمحتو ببكي! قامت حبوبتي قالت لي اجري حصلي اهلك ي الملاعين ربنا ينتقم منكم وم ترتاحو ابدا ! في حين انو انا الكان نفسي ادعي عليها كده !
ابوي م حرك اي ساكن بس بقينا نعاين لي بعض كده بعديها اتحركت وقفلت الباب ! ف الشارع دكتور حسان!
حسان: اقعدو الليله نعمل حفلة وكده وموضوع وبعداك شيلتك ومهرك واي شي يصلك لحدي عندك ي فرح هناك! فرح ابتسمت ليو ! مشينا قعدنا ف بيت ناس دكتور حسان
مرتو كان اسمها لطيفة وفعلا لطيفة ❤️❤️ قعدنا ف غرفة انا وامي وفرح ! اخت ناس فارس اسمها نسمات كانت فل ف الميكب جات مكيجت فرح لمن انا وامي م عرفناها وادتا فستان حححلو بالكحلي وحجبتا لانو فرح محجبة! انا طبعا كنت لاصقة جمب امي وحاساها مهمومة💔😭
#كسرة:
احساس صعب شديييييد انك تقرا الحزن ف عيونا وم تقدر تعمل ليها شي 💔💔ياجماعه احساس متعب جدا❤️
حلا: ماما حبيبتي م تزعلي دايما تدمير شي معناها بداية شي تاني احلى صدقيني! صاح خسرنا ابوي بس هسي انتي حتعيشي حياة هادية مع امك وابوك وماجد ومازن ومالك وانا❤️❤️
وباستني ف راسي قالت لي ماشي مهون علي الدنيا غير طيبتك وحنيتك وكلامك ياخ انتي بتجيبي الكلام الحلو دا من وين؟😂
ضحكت قلت ليها لانك حلوة ي ماما وشعرك طويل وتسااعلي كلام حلو !قلت ليها ماما أستاذة منى قالت لي انتي بتشبهي امك فرحتني شديد بذات عيوني الرمادية دي😍❤️
امي قالت لي العيون الرمادية دي ورثتها من جدي ابو امي 😍 واتونسنااااااا انا وماما لمن وقت الحفلة جا ! محمد وفارس ونسمات ونهى ووتين اخوان فارس ديل كلهم ربوها ررربة ! اكتر زول مبسوط ف الناس دي كلها كانت فرح❤️ ربنا حقق ليها دعاها بانها يديها ود الحلال اليسعدها ويعوض عذابها العاشتوا❤️تمينا الحفلة والصباح بدري انا وجدو نزار وامي وماجد ومحمد وفرح سافرنا الخرطوم ! انا كنت عارفه انو دي بداية جديدة حنبداها ❤️ وكنت متشوقة اشوف بيتنا الجديد❤️❤️ محمد وفرح نزلوا ف شقة حقت محمد والدمووع دي شلالات كلنا التلاته ❤️ كيف افارق فرح ي ناس كيف؟؟؟.
يتبع
