#ألمي_وأملي
بقلم لولي نذار
-٧-
قلت ليو شكرا قالي على شنو ياخ دي مرت اخوي ودا ولدو😘بعد مسافة جا محمد داخل ومعاه العلاجات فارس طوالي ركب ليها درب وبقينا مستنينها تصحى، لمن الدرب قرب ينتهي هي صحت حمدنا ليها السلامة انا وفارس ومرقنا خليناها مع راجلا من الذوق طبعا😭😂💔💔💔فارس قالي تشربي شنو ؟قلت ليو شكرا قالي م تخجلي ياخ انا زي اخوك😟❤️قلت ليو بيبسي طيب مشينا قعدنا ف مكتبو قالي طبعا النتيجة الليله 😬اتخيلو قالا لي كيف انا قمت ناطة من الكرسي والله العظيم كذاب بعداك فتح لي الفيس والمباركات الحاصلة قلت ليو م كنت عارفه قالي متوقعه نفسك تجيبي كم؟ قلت ليو م عارفه وانا خلاص اتوترت شديد قلت ليو دخل لي رقمي قالي جدا ومليتو الرقم بعداك قالي نستنى طيب يجماعه ف اقل من دقيقتين الرسالة وصلت 😭😭💔قلت ليو استنى 😭😭😭💔ودموعي يخواني جرت قالي افتحا ولاتفتحيها انتي؟ قلت ليو انا تاني قلت ليو لا افتحا لو طلعت حلوة كلمني بسرعه ولو كعبه اطلع لي برة😂😂قعد يضحك قفلت اضنيني الاتنين😭😭😭😭❤️وغمضت وقعدت ابكييي قالي احتمال هسي تكون سمحة م تبكي قلت ليو فارس اعصابي😭😭😭💔بعداك قام من مقعدو وجا علي قالي امشي هناك اقعدي وانا بعاين ليو قلت ليو ليه قالي امشي بس قمت مشيت طلع لي اللابكوت بتاعو واداني ليو لبستو☺️متخيليين شكلو فيني كيف فستان بس😂😂😂 بعداك قالي شيلي السماعة قلت ليو كترتها قالي لا م كترتها ولا شي لكن انتي بتستاهلي لقب دكتورة بالجد قلت ليو ليه جبت كم انا؟ قالي غمضي عيونك وفعلا غمضت واخدي نفس طويل وعملت كده قالي طيب حلا فريد سيف الدين كناني91.9% فتحت عيوني وضربات قلبي زادت قلت ليو كم كم ؟ قالي زي م سمعتي 91.9% قلت ليو انا جبت كده قام ضحك اول مرة اشوفو بضحك عيونو رغم انها كبيرة بس بتغمض كلها وهي بتضحك 🤤❤️ قالي ايوة ي دكتورة ي صيدلانية ي مزة😂😂😂😂😂 طوالي دنقرت راسي وانفجرت بكا قالي ي عويرة الببكيك شنو انتي تزعرتي طوالي😍😍😍😍😍🔫 بسرعه طلع قال لي زول جيب علبتين حلاوة 😭😭😭ومن الفرحة بكيييييت وقعدت اشكر ف ربنا وانا مبسوطة كده!
فارس: بما انك مبسوطة موافقة تتزوجيني؟
انا كاأني كنت بردانة وكشحو فيني موية شوووووو💔💔💔💔💔
رفعت عيني المليانة دموع وبقينا ف صمت رهيب !
بعدها كسر الصمت: موافقة انك تتبقي دكتورة من بيتي؟
انا حسيت نفسي ف حلم والله بعدها قرصت نفسي وعاينت ليو هو مادي لي الحلاوة! وقالي الف مبروك ي بت سرحتي وين؟
يعني انا كنت سرحانه💔💔💔💔💔💔💔💔 يعني فارس م طلب يدي💔💔💔💔💔💔💔💔💔 يعني عايزة افرح مرتين ف اللحظه دي والله😭😭😭😭😭😭😭
تلفونو اتصل كان ف يدي ف شفت كده لقيت دكتورة ريم جمبها قلب احمر❤️ خابت كل ظنوني طلع برة ورد عليها وجاني راجع قالي معليش ي حلا انا مستعجل حتصل لي محمد اشوفو وين او امشي ليهم لو م بتوهي ! ومادي لي يدو ! سلمت عليو هو ضحك قالي اللابكوت😭💔💔💔واااااي من دا احرااااج😭💔💔💔💔💔💔💔💔💔 طلعت اللابكوت واديتو ليو وطلع 😭💔وانا بوهم ف نفسي ساي اني بحبو 😟💔حتى لو بحبو هو م عندو لي شي وانا صغيرة يعني حيخلي مزز العشرينات دي ويعاين م وحده حتقفل ال١٧بعد ٤يوم 😭😭😭😭😭😭😭😭💔
مرقت وخليت ليو علب الحلاوة ف حتتها ومشيت لفرح لقيتا قاعدة وجمبها محمد بيقرا ليها ف قرآن (ربنا يرزقنا كلنا بالسند البخاف ربنا فينا )😭💔قعدت ف السرير القصادهم لقيت تلفون محمد جمبي وف اتصال قطع ٢١مكالمه وتحتهم ف ف رسالة مكتوب فيها انو ضيعت الاجتماع وخسرنا ٩٠مليون بسببك💔
انا سكت ساي يعني حرفيا محمد الحب بالنسبة ليو كان اهم من القروش😭💔محمد انتهى وقعدوا يعاينوا لي بعض ويتبسموا قلت ليهم احم احم نتيجتي طلعت محمد قالي اها بشرينا!نزلت عيوني وكأني زعلانة قامت فرح قالت لي كلو لخير مهما كان يعني م تزعلي الحمدلله دايما قلت ليها بس ي فرح انا جبت 91.9% وقعدت اضحك😂😂😂😂😂😂😂💔قالت حيوانة حقييييرة الف مبرووووكك ليك ي روحي عارفاك قدرها 😭😭😭😭❤️ محمد قالي ماشاءالله حفاااارة ي بتنا 😍😍أن شاءالله تكون بتنا زيك بركاتك ختي يدك ف بطنها😂😂😂💔فرح قالت ليو ولي م يكون ولد قاليها ولد ولا بت تعالي باركيها ي حلا😂😂😂😂 قعدت اضحك وهو بالمثل قام جاب لي علبة حلاوة واداني ٢٠٠ ف ساعتها قالي انا زمان كنت بستنى ايام الشهادات دي عشان القروش😂😂😂😂💔ضحكت شديد وفرح برضو😂😂😂💔💔
المساء فارس جانا وجا اطمن عليها ، لقيت محمد طلع برة ي داب شاف التلفونات شكلو ، مرقت براحه وراه سكعتو بقول اي اصلا مرتي اهم اضيع قروش ولا اضيعا هي المهم اطمنت وخشيت جوةة❤️
بعدها رجعنا بيتها وفارس خشا معانا جوة رصيت الغداء وجبتو برة !
محمد: طبعا ي فارس م وريتك فرح بتعمل اكل من الموووت
فارس: اي ماشاءالله تاني اطبخو لينا حلة معاكم
فرح اتعشرقت قامت اتلفتت لي محمد قالت ليو محمد اعفي لي انا كنت بكذب عليك دا اكل حلا🤤❤️ محمد قاليها احلفي فارس طوالي عاين لي وعاينت ليو نزلت راسي قالت ليو م خلاص انا واختي واحد وقعدت تبكي انا وفارس ضحكنا. قالي أسألك ي حلا انتي اختك دي مركبين ليها مكنة تصنيع دموع؟ فارس قاليو العجب حلا زاتا😂😂😂😂💔
قمت ضحكت قلت ليو بري دا اتعلمتوا جديد ف قلبي زمان كانت مضطهده هسي بتبكي بقلة ادب ودلع ساي
محمد: وانت ي عسل عرفت الاخت بكاية كيف
فارس اتشرق الا ناولتو موية 😂😂😂😂😂💔قاليو لالا اتهيأ لي
فرح: لالا انت قلتها بثثثثقة😂😂😂
فارس : استغفر الله العظيم مخكم مشى شمال شديد
محمد: لكن بالجد ي فارس كفاك ياخ عرس !
فارس: قاليو العروس قاعدة مستني موافقتها بس 😉انا جاني حلم اليقظه قبيل بس قلت هوي ي حلا ارجعي لواقعك يمكن قصدو دكتورة ريم 😊
فرح : صحي انتو الكبير فيكم منو؟
محمد: م عارفه 😲😲😲 بالغتي ياخ بعد السماحه الفيني دي كلها م عرفتي الاصغر ياتو😂😂 ياتو المزز ياتوو🙈😊ياتو راجل فرح ياتو😂😂😂😂👍
فارس : م تشوفي شعراتو البيض القدام ديل الولد ي داب ٢٦ سنة
فرح: سجمي ي فارس انت اكبر منو؟
فارس: اي انا ٢٨
فرح :لاعاد النصيحةة ي فارس بعدا كفاك😂😂😂
كلنا ضحكنا 😂😂
فرح واصلت انا لو علي بعرس ليك حلا اختي دي انا اتشرقت 😂🔫 محمد ناولني موية الليله العشرقة بالدور شكلو😂😂😂😂
لكن بعد ال٩١الجابتا دي مافي طريقة الا تقرا 😭😭
فارس: انا لو عايزة بستناها م عندي مشكلة
فرح : لالا الفترة البتستناها فيها دي حيكون جبت اتنين 😂🔫
حلا: يخواني ممكن تخلصوا عشان انا لسة م كلمت ماما بنتيجتي😭💔
محمد : انا شبعت خلاص قومي ارح اوديك!
فارس : لالا انت الليله تقعد مع مرتك دي حلا اصلا ف طريقي يبوصلها قمنا غسلنا ايادينا وودعناهم ومرقنا طبعا ركبت معاه قدام😂😂دي نفس العربية الوقفها قدامي وابيت اركب سبحان الله😂لقيت علب الحلاوة قااعدع 😂😂💔سكت ساي لمن عرفني شفتهم قالي م اتوقعتك تخليهم ☺️قلت ليو نسيتهم بعدها عم الصمت لحدي م وصلنا وقلت ليو الا ينزل لكن اتعذر بانو وراهو بيشنز كتار وخشينا البيت وحكيت ليهم الدراما كلها من الصباح لي وقعه فرح للمستشفى للنتيجه الغدا وكده☺️😍 امي وحبوبة وعد اتصلوا لفرح وكفرو بيها وانشغلوا بنسبتي😍😍😍😍جو جدو وماجد من الصالون سامعين الجوطة ووريتهم اني جبت ٩١ ماجد شالني وللللف بي 🤤🤤🤤🤤❤️❤️❤️ وجد طلع لي ٥٠٠وحضني واداني ليها😍وماجد طلع لي ١٠٠الحيوان حبوبة قالت لي خلي بيني وبينك وماما برضو😂😂
ماجد: طيب يلا عندي ليكم مفااااجأة
أمل: قووول؟
ماجد: مازن اخوووووي بكرة جاااااي😍😍😍😍😍😍😍😍😍😍😍😍😍
يتبع
