#ألمي_وأملي
بقلم لولي نذار
-١٢-
وكانت التفاصيل الرهييييييبة❤️
بما انو عرسنا باعتبار عائلي م ركزنا ف تقاليدنا وعاداتنا كتيرر ، مازن ادانا حق الشيلة . كان كل مرة بمشي زول مع هدوولةة في خلال اسبوع كانت خلصت كل الحاجات ! وبنفس القدر كانت أمل اشترت الشيلة وجابوها لينا وناس ماما بجاي غلفوها وظبطوها ومعاها المال والدهب والريحة! حتى شيلة هدوولةة كنا غلفناها انا وحنين بت خالو احمد وخالتو وفاء ومشى معانا مالك وجبناها ليها وجو اهل ابوها وابوها من البورت 😍😍😍😍😍😍❤️
فرح كانت ف الشهر السابع وكانت بتتعب شديد💔 ومحمد فضل انو يرجعها البيت لانها بتحاول تساعد وهي تقيله ! ف بقى يجيبها بالضهرية ويرجعها بالعشاء 😂😂😂🔫 محمد كان بحب فرح شديد وانا حاسة انو دي أنانية منو م اكتر 😂😂😂🔫
بعد خلصنا كل البرامج دي بقت الريحة والدخان نزلو هدووولة 😂😂😂😂😂😂😂💔 وهاك ي الجرس وهاك ي الكواريك 😂😒😂😒😂 خالتو الاء تقوليها دا العرس الدايرة انتي 😒😒💔👊
وكان فضل زي اسبوعين للعرس او اقل يعني ! ماما عزمت ناس دكتور حسان كلهم ! وقالو بجو العرس اما اتنين كده نسمات ووتين بقو يجونا يومي كانو بريدو ماما شديييييييد يجونا ورقيص وغنا ودلووكة😍😍😍😍 وطبعا انا اكتر شي مفرحني انو حيجيبهم فارس وحيوديهم فارس 😂😂😂😂😂😂💔 بستقبلهم الصباح وبودعهم بليل يعني بقيت اشوف فارس مرتين يوميا زي الدواء😂😂😂😂
خلصنا جوطة البيت والنضافة وكانت بكرة حنة ماجد ومازن😍🤷 بنات اهلي ناس هادية وهوازن وحنين وكلهم اصرو يمشو الكوفير وماجد اصلا م عارض 😍😍😍انا طبعا ف وشي غير قلم كحل م بعرف اعمل شي وحتى م مشيت الكوفير ، ونسبة لانو مازن حيتواجد ف الحفلة 😂😂💔 م خلو هديل تنزل رغم انو الحفلة كانت ف حديقة البيت 😂😂😂😂💔 وهي اصلا قاعده ف شقتهم الفوق قصاد شقتنا ونزلو مازن تحت عشان م يشوفا نهائي😂😂🔫💔اتخيل حبيبتك معاك ف نفس البيت وم تقدر تشوفها😂😂😂😂😂
انا لبست فستااان اسوود مع حركات بالكبدي بسيطةة كدده وطرححة كبديييةةة كككدهه اما فرح لبست توووب اسوودد وعامله فل ميكب طبعا نسمات اتبرعت تمكيجهم كلهم😂😂😂🔫💔👊 امممي كانت كاااشخخة كشششخةة لمن م عرفتهااا يعني اصلا هي قمر 14 هسي بقت قمرين😭😭❤️ ماشاءالله
الحفلة كانت رااابةة وناس البيت كلهم ف النص الضيوف بقو يتفرجو بس😂😂😂😂💔💔💔
مازن لقاني اداني تلفونو قالي امشي لهديل وريها وريها قلت ليو مماشة والله😂😂😂🔫💔المهم حنكني اعملوا رايحين لكن انا دائما ثابته على كلمتي😂😂😂😂🔫🔫💔💔 وانا ماشة دخلت البيت ف جلوس جيت قعدت وملصت الكعب العالي اللابساو داك ومشيت المطبخ شربت موية وجيت مارقة لقيت فارس🤤❤️ وكالعادة اتهبلت
حلا: فارس 🤤
فارس: دكتورة حلا ازيك
حلا: حمدلله
فارس: مافي وانت؟
حلا:😅انت كيف
فارس : حمدلله ،
يجمااااااااااعة فاااارس لابس قميص كبدي وشاكيهو مع بنطلون جينز اسووود من الموووت😭😭😭😍😍😍 تاني طقمنا مع بعض بالصدفة بس م اظن تاني يصدقوا بالصدفة دي بس احلى واجمل صدفة!, تاني قالي فستانك حلوو ! واحلى حاجة انو انتي المحجبة الوحيده ف بنات اهلك😂😂😂💔 قمت ضحكت ونسسسيت زاتو مازن مرسلني لشنو😂😂😂😂💔👊 فجأة قلت ليو اجيب ليك موية؟ قالي ممكن خشيت للمطبخ اجيب ليو مويةة ! بس اتلفت كده فارس وقع💔رجعت اتلفت ليو لقيتو واقع وجريت عليو فاااارس فارس هييي مالك ؟ بس م رد علي جريت جبت موية ورشيتو بيها بس برضو م صحى كان واقع على بطنو قلت ارفعو شوية شوية اتكلو بس م قدرت💔💔💔😭😭😭😭 وقعدت ابكي 💔💔💔💔😭😭😭تفكيري اتقطع كلوو ف اللحظة دي بس لحسن حظي مازن شكلو لحقني عشان يشوف اتأخرت ليه ولقاني ببكي وفارس واقع وجاا بس بسرعه دقا لمالك وجا برضو تكلوهو الاتنين وانا وراهم ركبوهو عربية مالك ! وانا ركبت جمب فارس وصلناهو المستشفى الشغال هو فيها وبالتالي هم حيهتمو بيو ! مازن استأذن يرجع وحيكلم محمد اخوه ومشى قعدنا انا ومالك ف دكتورة جات جارية ووشها مخطووف وبتكورك فارس مالو؟ والممرضين بيمسكوا فيها ي دكتورة ريم استني! 💔💔💔💔 انا وقتها قلبي وجعني شديد ومسكت يد مالك وانكمشت عليو !
في دكتور كبير كده جا وطلب انو يودو ليهو فارس حتة معينه ! الممرضين سايقين فارس بالنقالة ولسة م صحى💔💔💔 احنا ماشين وراهم بس م عارفين وين بس شكلو جناح خاص بالدكاترة ! الدكتور سأل الجابو منو مالك قاليو احنا اهلو وكنا ف البيت عندنا حنة اخواني وفجأة هو وقع! 💔💔 عمل ليو فحص كامل وبقينا مستنين النتيجة !
بعد نص ساعه زياده جات خالتو لطيفة ودكتور حسان ومحمد ! انتظروا معانا ! الدكتور الكبير داك جا سلم على دكتور حسان وساقو معاو ! والحصل بينهم!
حسان: خالد وريني فارس ولدي مالو؟
خالد: ماعارف اقوليك شنو زاتو لانو انا زاتي م مصدق
حسان:قول
خالد: في نسبة عالية من المخدرات في دم فارس وعلى حسب خبرتي يعني فارس كانو كان عايز يوقف وانت عارف الادمان والعلاج. بالطريقه دي ! ف فقد توازنه!
حسان: فارس ولدي انا دا ومخدرات مستحيل!
خالد: دكتور فارس البعرفو انا برضو مستحيل يعمل كده الا لو ف زول عمل ليو كده بدون علمو !
حسان: كدا احتمال ، دكتور المدام م تعرف بكلام زي دا
خالد : اكيد اكيد
وجونا راجعين قالو انو كويس بس فقد توازنه واصلا شكلو ما ماكل من الصباح ف واحد هو مسؤول عن اغلب الوجبات للدكاترة ناداو
خالد: عم ميرغني الليلة دكتور فارس اكل؟
ميرغني: لالا ليو كذا يوم م قاعد ياكل بقولي مارقين انا وريم ناكل برة ! انا شعرة جسمي قامت يعني بطلع مع ريم وهو بحب ريم وخاتي ف اسمها قلب احمر فارس م عندو ليك شي ي حلا💔💔
خالد: والشاي ولاقهوة؟
ميرغني: برضو لمن اجيبهم بقولي ريم حتعمل لي !
ف اللحظه دي خالد وحسان عاينوا لبعض اي انهم شكوا ف ريم !
بعداك ريم جارية علينا بتبكي ! كانت بت ماشاءالله طويلة ولونها فاتح بتلبس نضارات وهي سمحه عديييل
خالتو لطيفة مسكتا وقعدت تبكي !
خالد: مافي داعي للبتعملو فيو دا دا كلو من عدم الاكل ! هبوط عادي ف الجسم م تخافو يخوانا !
في ممرضة جات علينا قالت لينا دكتور فارس فتح وبسأل من وحدة اسمها ... ريم قاطعتها قالت ليها ايوة انا موجودة ، الممرضة عاينت ليها بطرف عينها قالت ليها انتي عارفاك بس هو م طالبك! واصلت كلامها اسمها حلا ! موجوده؟ كلهم عاينوا لي 🙄😅
مالك قالي حلااااااا عاينت ليو قلت ليو نعم ؟؟؟الممرضة مسكتني من يدي وجرتني قالت لي بسرعه بسرعه ! وخلتهم ليك مستغربين خليهم هم انا زات نفسي مستغربة😂😂😂😂😂🔫 بس الوسخ الكريه بحب ريم م عندو لي شي.😭😭😭
دخلت لفارس قعدت ف الكرسي جمب سريرو ❤️ كان مغمض 😭 فتح شوية لمن حس بي قالي حلا بصوت حنين شديد قلت ليو ايوة جمبك ! قالي اقري لي قرآن 😭💔 صراحه انا وقتها م عرفت اقرا ياتو سورة او انا متذكرة ياتو ايات ف اللحظة دي طشيت عديل بس اتذكرت كلام ماما انو (يس لما قرئت له) وانا بحبها وحافظاها ، ختيت يدي ف راسو كان محموم شدييييد💔💔💔😭😭😭 قريت ليه السورة كلها لمن انتهيت لقيتو نام ! جيت اشيل يدي من عل راسو مسكا 💔قالي حلا خليك معاي الليله دي ! قلت ليو وانا م عارفه بفكر ف شنو قلت ليو لو بيدي اقعد معاك العمر كلو وم اسيبك ثانية ! فتح عينو وبقا يعاين لي وانا مركزة معاو شديد ! لحدي مافي زول ماعندو دم فتح الباب تووشك ! ايوة منو غيرها دي دكتورة ريم 😒💔ولقت مسكة اليد والنظرات 😭❤️
ريم: احم يبدو اني جيت ف وقت غلط
فارس: غلط شديد
ريم : ف قهوة برة اجيب ليك ؟
فارس: لاشكرا
ريم: طيب اخليك لمن تهدا واي حشرة تطلع من هنا بعداك بجي بزورك ! انا فهمتا انو حشرة دي قاصداني بيها انا الحيوانة😂😂😂🔫🔫 وقفلت الباب هي الصراحة رزعت الباب لمن قرب يتكسر 😂😂😂💔
انا سكت ساي فارس اتكلم
فارس: حلا ماعارف اذا من الصاح انا ادخلك ف مشاكلي ولا لأ بس انا برتاح لمن اتكلم معاك بحب برائتك وعفويتك وخجلك ف الكلام !
حلا: 😊
فارس: حلا انا حاليا مدمن
انا عيوني بقت قدر الكورة 😲
فارس: عارفك حتتصدمي لاني برضو اتصدمت
حلا: اتصدمت ف روحك؟
فارس:م ادمنت من تلقاء نفسي !
حلا: وضح لي اكتر
فارس اخد شهيق وزفير : الفترة الفاتت دي ريم زياراتا لي ف مكتبي بقت كتيرة ، صاح انا عارف انها بتحبني بس حسمتها ووريتا اني بحب وحده تانية! انا ف اللحظه دي خيالي سرح الوحده التانية دي منو؟ انا ولا م انا ؟ اكيد م انا💔
قالي ف الاول زعلت بس بدت تتقبل الموضوع عادي ! وانا اصلا م كنت بعرف وحده تانية بس م كنت حاسي باي مشاعر ليها! انا ضحكت 😂😂😂 قالي مالك؟ قلت ليو لا كمل!
قالي دا ماضي وبقينا اصحاب على كده وزي م قلت ليك زياراتا كترت اخر فترة وكل يوم بتقولي ارح المكان الفلاني وماعارف شنو ف خلال اسبوع انا م خليت مطعم ف الخرطوم ولا امدرمان ولا بحري م شفتو ! بس !طلعت هي عايزة تنتقم مني واول وجبة اكلتها ختت لي فيها مخدرات ! وتاني مرة كمان ! تالت مرة رفضت اني اطلع بس شوققي للاكل الرهيب الاصلا م كان رهيب بس فيو نكهه مخدرات ابتديت ادمن عليها هو البطلعني! لحدي م يوم حسيت باعراض المدمنين ! مشيت ففحصت دمي لقيت فعلا انو ف نسبة عالية كمان فعرفت انو ريم هي السبب حتى الشاي والقهوه البتعملهم لي فيهم مخدرات💔💔💔وحاولت اوقف اطلع معاها بس الادمان كعب ! لمن اتلفت علي لقاني ببككي !
قالي حلا انتي بتبكي ! انا خفت عليو شديد لانو قريت قصص فيها مدمنين وكيفية علاجهم فارس طيب وم بيستاهل 💔💔💔😭😭😭 قلت ليو معليش ! قالي م تتأسفي انتي م غلطي معاي بالعكس هسي أنا حسيت نفسي مرتاح لما كلمتك فما تخليني اندم 💔💔 قالي العلاج خليو علي انتي بس كوني كويسة ! بس عارفة انا اول م اتعالج هعمل شنو؟ قلت ليو شنو؟ سكت مسافة ؟ قالي انا عايز مخدرات قمت ضربتو ف يدو قام ضحك قالي يلا انتي م تبكي 😋
يتبع
