#ألمي_وأملي
بقلم لولي نذار
-١٣-
قالي يلا انتي م تبكي 😋💔👊قلت ليو وانت بطل تقولي عايز مخدرات 😂قام ضحك قالي ي مجنونة عايز اتعالج انا كيف اطلب مخدرات بس للامانه يعني شوية بس بعداك اداني تلفونو قالي ف فيديو هنا بثبت كلامي لو ريم حاولت تلف وتدور😅😅💔 ضحكت ليو قلت ليو طيب انا حمشي لانو طولت شديد وبسببك فوت حنة اخواني قالي بعوضك !قلت ليو بالله حتعيد الحنة ؟ قالي لا بحنن ليهم اختهم قلت ليو ننننن😂😂 قالي اول م تعملي الحركة دي بحس نفسي شافع بتعاور مع شافعه😂😂😂🔫👊👊👊ضحكت وقلت ليو يلا ❤️ مسكني من يدي قالي حلاي🤤❤️قلت ليو عيونا ❤️ قالي احتمال م اشوفك قريب خلي بالك من نفسك وادعي لي دايما❤️ ف قلبي استودعتو الله وطلعت ❤️ كانت الساعه 11 عديل م حسيت بالوقت بس كنت اسعد انسانه ف الدنيا ❤️ لقيتهم لسه قاعدين وريم واقفه !!
ريم: خلاص اديتيو جرعة للمخدرات بتاعت الليلة وجيتي؟
دكتور حسان اتخلع لي ثقة ريم البتتكلم بيها ! انا طوالي عرفت انهم عرفو بقصة المخدرات 😒💔 بس ماعارفين انو هي المجرمة ف الحكاية!
لطيفة: ليه ي حلا ي بتي؟ فارس ولدي سوا ليك شنو؟ من بعيد شفت امي ومازن وماجد جايين ! طبعا مالك قاعد وصابة فيو مطرة!
ريم: انا شفتك وانتي بتختي ليو حببة مخدرات ف كباية الموية وهو عارف كويس انو دي مخدرات بس خليتيه يدمن ي وسخه!
انا بقيت مخلوعة وم قادرة ادافع عن نفسي!
حلا: خالتو لطيفة صدقيني مافي كلام زي دا ، وبعدين فارس دا انا م بلاقيو بالاسابيع فجأة اطلع بديو مخدرات كمان؟
حسان: ريم اعقلي وم تتبلي على الناس ساي؟ بعدين دي شافعه ي داب ماشة الجامعه حتعرف من وين؟
ريم: الزمن دا الخوف كلو من شفع الثانوي والجامعات!
طبعا امي واخواني بقوا مصدومين ! بس الحمدلله امي مشت على ريم وادتا كف ثلاثي الابعاد! ريحت قلبي! دي بتي وانا ربيتا بيدي دي مستحيل كل الاستحالة تعمل البتقولي فيو دا!
ريم : ي مدام انا دكتورة
أمل: ما كل القاري متعلم وقع ليك؟
ريم: دكتور خالد ودكتور حسان انتو حتسكتو ليهم؟
حلا: انا فارس حكا لي على كل شي احسن تسكتيي عشان م افضحك قدام الناس دي كلها ! لانو معاي شهود وتصوير بثبت الكلام دا كلو !
خالد: حلا انتي بتقولي ف شنو؟
حلا: الماعارفينو انتو انو ريم العاملة فيها بريئة وعايزة تتهمني ! هي زاتا الكانت بتدي فارس المخدرات من غير م ينتبه لحدي م ادمن عليها! من وين جاك قلب تعملي فيو كده؟ دا كلو عشان مابادلك الحب؟ دكتورة زيك م اظن تفكر بالاسلوب دا وانتي مع كل جرعة مخدرات كنتي بتخلي دليل ضدك م عرفتي تلعبيها للاسف 😒😒💔 ( امي متفاجئة من هذا المحقق كونان الذي يتحدث وبالتأكيد ليست حلا بتي😂😂😂😂😂😂😂😂😂💔💔💔🔫🔫🔫🔫)
اديت تلفون فارس لدكتور حسان وفتحت ليهم الفيديو وكان فيو انو دكتورة ريم عملت ليو القهوة بالبويلر وختت ف كبايتو حبوب من غير م ينتبه ) بس نسبة لانو شك فيها قدر بذكاؤو انو يخت التلفون على وضعيه الفيديو وهي م جابت خبر !!!!
ريم : دكتور خالد الكلام دا مفبرك!
دكتور خالد: انتي حتمشي للمستر وحنعرف المفبرك منو خسارة التعليم فيكي ! وساقا ومشى بيها !
خالتو لطيفة بقت تعاين لحسان وبتعاين لي !!
امي جات علي : انا م بحلم مش ؟
حلا: لا 😂😂😂🔫
امي ضمتني وقالت لي يلا طيب !
لطيفة: حلا بتي انا اسفة لانو صدقتها !
حلا: ولايهمك!
مالك مشى قدامي وانا ساكتة لانو صدق ريم الحيوانة 😒😒💔 رجعت ورا لي خالو حسان شكرني شديد ❤️❤️ قلت ليو دا الواجب بس ممكن طلب صغير !؟ قالي اتفضلي قلت ليو خلو بالكم من فارس كويس لو ف طريقة علاج سريعه اعملوها ليو 💔💔 قالي م تشيلي هم بعدها حصلت ناس امي 😍❤️
وصلنا البيت .. طلعت شقتنا فوق لقيت ماجد وفرح بتونسوا طبعا مازن محرم عليو فوق هنا😭😂😂😂🔫
ماجد : فاتتك الحفلة ، حمرت ليو ،واصل قالي حبيب الروح كيف !
انا اتخلعت جيت عليو قلت ليو حبيب الروح دا منو ؟؟؟😒😒
فرح: اللي بالي بالك يحلووووونييي😂😂😂😂💔 بس جدعتهم ليك بالمساااندد
ماجد : جرا وانا وراو قلت ليو م حبيبي ! قالي بس هو بحبك 😮 انا وقفت قالي مالك وقفتي اتصدمتي يعني! هسي تصرفاتو دي اصلا م أوحت ليك شي؟ قلت ليو لا قالي زحي المسند طيب جدعت المسند ف الارض وهو جا علي وانا سرحانةة مشينا قعدنا جمب فرح ف الكراسي قالي تتذكري يوم فرح ومحمد جو من السفر مش انا وفارس كنا ف الصالون حكا لي مشاعرو تجاهك كلها😭❤️❤️❤️ يعني حاليا هو شبه خاطبك حتى امي عارفه بس م موافقةة ولمن سألتها فهمت انو هي لسه متعقدة من الحصل ليها ابوي وعدا تكمل جامعه وم خلاها تكمل واتغير وهي بقت انسانة نكرة وبعدها من اهلها فبقت خاته حاجز 😅💔💔💔💔 انا كنت عاملة كده😮😮😮😮😮 طوالي من غير م اسأل ولا افتح خشمي مشيت غرفتي وطفيت النور ونمت!
بكرة الصباح كانت حنة هديل 😂😂😂😂🔫 امي طيرت مازن من البيت😂😂😂🔫
فرح: حلا ارح معاي بيتي محمد جاييني ، جيراني عاملين لي لمة قالو اصلا ف السابع بعملوها بنجي بدري نسبة لانو ماف موضوع غير الدلوكة والاغاني الجابو لي صداع ماف شي فمشيت معاها !
خلتني انضف البيت الحيوانة لو قايلة وسخان م كنت جيت معاها 😒😒💔 (عندكم زي فرح دي ولا اموت براي هم😭😭😭👊💔💔)
قريب الساعه 11اتصلت ليها رؤى وورتها انهم خلاص جايين عليها وكان يوم خميس !
الجرس دقا مشيت فتحت الباب كمية رهيبة من النسوان😮😮😮💔💔 قريب ال 25مرة ومعاهم قريب 7بنات 😮😮😮💔👊 بيت فرح اختو م كبير شديد كده المهم ضيفتهم وجبت الشاي بس الحمدلله جابو دقيقهم وحاجاتهم وبراهم عملو لقيمات وف وحده عملت فطيرة وكانو جايبين ليها زبادي جاهز م تعبونا والله ❤️❤️
بعد الضهر كده كان اللقيمات والفطائر جاهزه ومعاي ٣ بنات بقينا نوزع فيها بعد وزعنا وكده عملت ليهم قهوة ومعاي بت اسمها هناء بتشبه هدى غايتو لكن م قطيمة شديد وزعنا القهوة وقعدنا مع للناس والونسة ❤️
فرح حتواصل 😂😂😂👊
قعدو النسوان وكان جو جميل وانا فرحت باللمة دي ورؤى مونساني وجابت لي كم قميص كده هدية للبيبي ❤️❤️ بعدها وانا بتونس مع رؤى هدى جرت كرسيها قعدت جمبنا وبقت تتونس بصوت عالي وتضحك حلا فهمت انو قعدت هدى دي م لخير جابت كرسيها قريب برضو ..
هدى: طبعا ي فرح انتي اصغر وحده هنا البنات دي كلهم متعلمات .. شفتو وساخه هدى😒😒👊
رؤى: ي هدى مافي داعي للنقاشات الزي دي !
هناء : انا هسي بحضر ف الماجستير !ودايرة اتخصص قلب مفتوح
حلا: امي قاعد تقول م كل القاري متعلم احيانا الناس الماكملو تعليمهم تصرفاتهم عفوية واحسن من الناس القرو واتفلسفوا !
مرة تانية (جواهر) : والله الزمن دا القراية اهم شي النصييحة!
مرة تانية(ندى): والله بتي بتقرا مختبرات جوها عرسان رفضت قلت الا تتم قرايتا
هدى: شفتي ي فرح بتي الرجال م كل شي ملحوقين م تشوفي لهفة محمد عليك دي حدكم الاول بعدين م بجيب خبرك !
رؤى: انا هسي م جارتكم ف الحي ووقفت قراية وانا ف اولى جامعه هسي لي سنة ي داب بديت اواصل ! ليه م كنتو بتعملو لي كده؟
فرح: انتي عايزة تصلي لشنو ي هدى؟
هدى: راجلك متعلم ي فرح يعني انتي م مناسبة ليو؟
اجي يخواني🙄🙄🙄
فرح: اا وانا مفروض اقوليو طلقني؟عشان انا م مناسبة ليك؟
هدى: لو م قلتي ليو انتي حيطلقك هو!
ندى : لالا انا م من انصار الكلام دا هسي هو م بادر بالشينة ليه تبادر هي ؟
مرة كبيرة (رقية): شوفي ي فرح بتي هدى دي دايرة تخرب بيتك علم شنو وكلام فاضي شنو؟ انا بناتي التلاته م كملوا تعليمهم وحياتهم زي الفل !
هدى: ي حجة رقية بتك سلمى أطلقت مرتين لو كانت متعلمة م كان طلقوها؛,
رؤى: انتي القدامنا دي م مكملة تعليمك على فكرة!
هدى: انا قريت تمريض !
رؤى : ف النهايةة قعدتي ف البيت زيك وزي الماقارية !
فرح: شوفي ي هدى انتي قدر امي عشان كده م حسألك لكن م تطولي لسانك!
هدى : خلاص اختك علمتك؟
فرح: انا كنت محترماك م اكتر؟ بس انتي مرة كبيرة وم محترمة سنك
هناء: انتي احترمي نفسك وم تتكلمي معاها كده ؟
انا وقفت على حيلي
فرح: حتعملي لي شنو يعني ؟ حلا جات جمبي
حلا: لو سمحتي سوقي امك واطلعي!
هدى: بتطردينا ي فرح؟
حلا: ركزي معاي انا الطردتك !
هدى: انتي اساسا شافعه قليلة ادب وانا م شغالة بيك !
حلا: قلة ادبي دي م بتحدديها انتي ؟ عارفة ليه؟ لانك م محترمة ؟ اتخيلوا ادتني كف ؟
رقية : ي بناتي عيب البتسون فيو دا؟
هدى: راجلك دا جرا ورا بتي لمن الله غفر ليو لمن ابيت اديو ماشة جاب ليو وحده م مربية ولامكملة تعليمها ودايرين يطردوني قال ؟
رقية: ي مرة استهدي بالله ي هدى؟
هناءقامت لذتني ، حلا حاولت تمسكني بس كنت تقيلة عليها !💔💔💔💔 اخر شي بتذكرو اني كنت غرقانة ف دمي 💔💔💔💔💔💔
يلا حكمل انا :
هدى وبتها طوالي مرقن ،فرح كانت وقعت على بطنها وقعه حارة شديد💔💔💔 رؤى بسرعه وقفت عربية من الشارع وركبنا انا وهي وفرح ومعانا حجه رقية ، وصلنا المستشفى بسرعه استقبلونا من الباب وساقو فرح 💔💔 الدكتور قال عملية مستعجلة !💔💔 ولازم نعمل الاجراءات وبقوا يسألونا عن سبب النزيف 💔💔 انا لقيت دكتور خالد تتذكروه وكلمتو انو اختي مرت محمد حسان عندها نزيف وجبناها 💔💔 اتصل لحسسان وحسان ضرب لمحمد وجوو الاتنين ..محمد كان زي المجنون صراحه 💔💔💔💔
محمد: حلا العمل فيها كده منو ؟ انا جبتها كويسة واخر مقابلة الدكتور قال انو هي كويسة ولاحتى عرضة لاي نزيف !
انا بس بقيت ساكته!
رؤى: موضوع طويل! 💔💔
ف ممرضة جات جارية لدكتور حسان قالت ليو المريضة فاقدة دم كتير فصيلتها كم؟
محمد: A+
حسان: A+ خلصان
ومحمد بسرعه طلع يفتش دم لفرح انا كل العملتو قعدت ابكي💔💔💔💔💔💔💔💔💔💔💔
بعد قريب الساعتين ونص !
جاتهم ممرضة: قدرنا ننقذ طفل واحد بس والمريضة حالتها حرجة ! ومالاقين ليها دم !
بعدها دكتور حسان اتحرك معاها وقتها كان ناس بيتنا عرفوا الحصل 💔
يتبع
