احبك حيل 16

#أحبك حيل💜 

تأليف: إيناس آدم(ننس) 

-16-

بعد الاغنيهه خلصت،،،قعدتا ابكي،اصلا ماقادره اتخيل حياتي ح تكون كيف بدون زين💔،،،وهناك روان رتبت حالا،،،وماما قالت ليها ح انزل معاك،،،روان قالت ليها لا ياخالتو انا ح انزل واشوف الحاصل شنو وبتصل عليك،،،اصلا بتكون اشتاقت لي بس😂❤️ماتخافي عليهاا،،،ماما قالت ليها لا انا مامطمنهه،،،روان قالت ليها امممم طيب ننزل سوا،،اصلا انا قاعده في الشقهه برااي،،،،،،،،ماما قالت ليها ايوه عشان اطمن عليهاا ولو لقيتا كويسهه برجع طوالي،،،

اما انا فكنت بشوف في صوري مع زين،،يوم حفله عمو عصام،،،رسلوهم في قروب العيلهه،،،واحده بتبقى لينا،،قالت ننوس وزنون منوريين ياخي حلوين حلا طلعتوو😍❤️،،كأنكم اتخلقتوا لبعض❤️،،،وواحده تانيهه قالت ليها اي والله،،،بالمناسبهه ياننوس صحي انتي وزين ح تخطبوا متين،،سمعنا تحت تحت كده عملتو خطوبهه بيناتكم😂😂😂💔،،ماقدرتا ارد ليهم قفلتا الشبكهه،،،وفتحت الصور تاني،،كنتا ماسكهه زين من يدو وبعاين ليهو وهو بعاين لي،،،وتاني صوره هو كان واقف بتكلم بالتلفون وانا واقفهه وخاتهه يدي على خدي،،،عجبتني الصور لدرجهه نسيت اي حاجهه في راسي وبقيت اضحك،،،نسيت حتى قصهه زين وياسمين💔وشلته التلفون،،وقولته لنفسي زين لمايشوف الصور دي ح ينبسط،،،شلته التلفون ومشيت لقيتهم كلهم في الصالهه،،دا كلو وانا ما واعيهه بعمل في شنوو،،،قعدتا جمب زين قولته ليهو زين عاين الصور دي خرافيهه كيف😍❤️وانا بضحكك،،،قولته ليهو صورتك وانت بتتكلم بالتلفون هههه،،،طبعا هو بعاين لي مستغرب،،،والباقين كلهم مخلوعين فيني،،افتكروني جنيت💔💔💔،،،قولته ليهم مالكم بتعاينوا لي كده😂😂،عاوزين تشوفوا الصور صااح،،،انتو عارفين يوم عرسي ما ح اخلي زين….بس فجأه سكتا ودموعي جات جاريهه واتذكرتا قصهه زواجوو💔💔طوالي جريت الغرفهه وقفلته الباب،،،بقيت ابكي،،،جات شهد دقت لي الباب،،فتحت ليهاا،،حضنتها وقولته ليها لا الله يخليكم ماتخلو زين يعمل كده💔😭،،،شهد انا قلبي واجعني،،،قلبي واجعني شديد،،،حاساهو بينزف دم💔💔💔،،،قالت لي خلاص اهدي يا ايناس،،بتهدي فيني وبتبكي معاي،،،فجأه حسيت نفسي ضااق شدييد،،،وماقدرتا اتنفس،،،،شهد قالت لي مالك في شنوو😨طلعت بره ونادتهم،،،زين جاا جاري،،،رفعني واصلا ما اتفاهم مع زول،،،وداني المستشفى،،،،،كان ببكي وبسأل الممرضات من الدكتور،،،واحده قالت ليهو انت يا استاذ عاوز اي دكتور،،وبعدين دي مستشفى عندها نظام ممكن تسجل وتدفع القروش بعدين نتفاهم،،،قال ليها بصراخ انتي متخلفهه حريقهه فيك وفي النظام وفي المستشفيات😠،،،انتي مابتفهمي،،،بقول ليك حبيبتي قاطعهه نفس💔،،،طبعا لما قال كده💔💔انا بين واعيه وما واعيهه💔،،،،قالت ليهو ماتصرخ،،،نحنا عندنا system معين ماشين بيهوو،،،زين قال ليها لو ما مشيتي من وشي حالا وجبتي دكتور وجيتي،،ح تشوفي العمرك ماشفتيهوو،،كان بتكلم معاها بنبره حاده وفي نفس الوقت كأنو بتوسل ليها💔💔💔،،،فعلا مشت جابت الدكتور وجات،،الدكتور قال لي زين ختها في النقالهه،،قال ليهو لا انت بس وريني اوديها وين،،،قال ليهو الطابق السابع وحاليا الكهرياء قاطعهه،،،مابتقدر تشيلا براك،،،فختها في النقالهه،،،زين ضماني عليهو شديد،،وقال ليهو ح اوصلا براي،،،،،زين طلع مع الدكتور لحدي الطابق السابع،،،هو زاتو نفسو قلا💔💔رقدني في السرير،،،وادوني اوكسجين،،،،الدكتور قال ليهو خلاص شويتين وح تصحصح،،،زين قال ليهو بلهفه كده يعني هي كويسهه مافيها حاجهه،،ماح تموت صاح💔،،الدكتور قال ليهو الاعمار بيد الله،،ماتخاف عليها،،خير ان شاء الله،،،،وطلع،،،زين مسك يدي وبقى يبكي،،،،وبدعي لي،،،قرأ لي ايه الكرسي كم مره،،،وطبعا كان يادوب ناس حبوبهه وصلوا،،وفضلوا يفتشوا في زين وتلفونو قافل،،،الممرضهه. جات قالت لزين انزل ادفع الفاتوره،،قال ليها طيب،،بس خلي بالك منهاا،،،ماتخليها براها،،قالت ليهو تمام،،،لمن نزل تحت دفع الحساب،،عمو عصام لمحوا،،طوالي مشوا عليهو،،،حبوبهه قالت ليهو طمني،،بتي مالا😭😭💔،،،قال ليها بقت كويسهه،،،عمو عصام. مسكوو وقال ليهو كويسهه من بره بس،،،،،حبوبهه قالت ليهو الله يسامحك يا ولدي على العملتو فيها💔😭😭حسبي الله ونعم الوكيل فيك،،،حبوبهه فضلت تتحسبن عليهو كتيير💔💔،،،،زين طلع بره المستشفى،،،وقعد في عربيتوو،،،كان بتذكر في شكل ضحكتي السرقا بدون ما يقصد💔💔،،،،المساء كده الدكتور كتب لي خروج،،على شرط اكل كويس وما اجهد نفسي وما امشي اماكن بعيده برجولي،،،طلعنا من المستشفى وانا متسنده على عمو عصام،،،وشهد وحبوبهه وعمتو ماشين قدامنا،،،عمو عصام جاهو اتصال،،وديلك كانو بعاد مننا،،،،عمو عصام نادا زين،،قال ليهو وصلا العربيهه💔زين مسكني من خصري،،وانا دموعي جاريهه،،ختيت يدي على كتفوو،،،وبقينا ماشين،،قال لي اسي كيف?? قولته ليهو هه انا بموت بالبطئ،،شويه شويه،،نزل راسوو ووصلني لحدي العربيهه،،،قعدني كويس،،،قال لي مرتاحهه?? قولته ليهو انت شايف شنو💔،،،ماردا لي،،بعد شويهه عمو عصام جاا شهد وسالم وعمتو ركبو معاهو علشان يوصلهم،،وانا وحبوبهه مع زين،،،،حبوبهه كانت راكبه معاي وراا،،،قالت لي زين،،نفس قوه الراس والعناد بتاعت جدك،،،قايل نفسك كده مرتاح،،قال ليها ع الاقل ضميري مرتاح،،،وانتي زاتك علمتينا،،البوعد بوفي ولو على رقبتو،،ولا نسيتي،،،قالت ليهو ما نسيت،،بس ماف زول بدي زول وعد لحاجهه ما واضحهه،،،قولته ليها ياماما فاطمه خلاص،،،قالت لي انا قلبي ما حارقني الا عليك😢💔💔قولته ليها انا كويسهه،،ممكن تقفلي سيره الموضوع دا،،وبعدين ماف زول بموت من الوجع💔💔وزين ماح يكون اخر راجل يدخل في حياتي،،،لما قولته كده زين قبض فرمل،،وعاين لي مساافهه💔💔حبوبهه قالت ليهو مالك،،عاوزها تدفن نفسها بالحياه عشانك يعني،،بكره بجيها الاحسن منك💔،،،قولته في قلبي ح يجيني غيرو،،بس الاحسن منو ماف💔💔💔،،،

وصلنا البيت،،حبوبهه ما قدرت تنزلني،،جاا زين رفعني،،اصلا ماحاولتا اقاومو💔عاوزه اشبع منو،،لانو بعد شهر ماح يكون عندي فيهو حق💔💔حبوبهه قالت لي انا ح اعمل ليك حاجهه تقوي بيها جسمك،،زين وصلني لحدي الغرفهه،،كنتا ماسكهه فيهو قوي،،رقدني في السرير،،،وعاوز يمشي مسكتا يدو💔قولته ليهو ليه قولته لي الممرضهه انا حبيبتك❔‼️،،،،نزل راسوو بإتجاه وشي،،قال لي لانو انتي فعلا حبيبتي،،لاقبلك حبيت،،ولابعدك ح احب💔قولته ليهو كذاب،،،انت كذاب،،والحب كذب×كذب،،،،،ماردا لي فضل ساكت وبعاين لي بس،،قولته ليهو ماعارفهه كيف ادمنتك كده،،،ماعارفهه ليه يومي مابمرو الا ويكون ليك دور اساسي فيهو،،،ماعارفهه كيف ومتين حبيتك كده💔💔،،،ما اتكلم. معاي،،،بس كان بمرر يدو على خدي،،،حبوبهه جات وقالت لزين اطلع علشان تقدر تاكل،،لانو لما تشوفك ما اظن تقدر تاكل،،،طوالي زين طلع💔💔حبوبهه قعدت جمبي،،وقالت لي يلا عشانك اولا بعدين عشاني انا،،لازم تخلصي الشوربه وعصير الليمون ديل،،كويس? سكتا شويهه وقولته ليهاطيب،،اكلتني كم معلقه،،بعدين قالت لي بصلي المغرب،،واجي القاك خلصتيهاا،،قولته ليها حاضر،،،،،سرحتا شويهه وشلته تلفوني فتحتا لي اغاني،،،اول اغنيهه جات في وشي اغنيهه حسين الصادق #طعم الدنيا جمبك ما زي وانت ماافي،،انا كلك بريدك طييب وحتى جاافي💔💔،،قفلتها وشغلتا البعديهاا اغنيهه مصريهه كانت بتقول #حرام الحب بعد سنين يضيع في كلمه ولا اتنين،،حبيبي انا وانت بني ادميين غلطنا بيبقى مش مقصود💔،،في بعدك عايشهه مهمومه وباللي عملتو مصدومهه وحاسهه كأني مقسومه ونصي التاني مش موجود💔،،بفكر فيك ومش ناسياك وباكيهه عليك ومش هيأس ومهما تغيب انا فاكراك مادام عايشهه وبتنفس💔💔،،بسمعا وببكي،،نزلتا الصينيهه تحت في الارض،،واتذكرتا المقوله البتقول،،#الاغاني بتحكي مشكلتك،،بس القران بحلها💋💜،،،طوالي شغلتا سوره البقره،،وببكي وبستغفر لحدي مانمتاا،،،،،الايام المرت علي حبوبهه كانت بتأكلني بالغصب،،مابتخليني انوم جعانه دا لو نومتا ههه،،،وزين رجع بيتهم،،قولته احسن علشان اتعود ما اشوفو تاني💔💔،،،،في يوم العصر كده،،قاعده وسرحانه كالعاده،،،شهد جاتني قالت لي في زول عاوز يشووفك،،قولته ليها منوو،،ماناويهه اشوف زول،،ماشايفهه شكلي عامل كيف،،،قالت لي وربي ح تموتي من الفرح،،،فجأه روان جات داخلهه قالت لي اها ماعاوزه تشوفيني برضوو ولا كيف😒💔،،،ماقدرتا اقوم،،فضلتا اعاين ليها من بعيد ودموعي جاريهه،،جات قعدت قدامي،،ورفعت لي وشي،،قالت لي بخلعهه،،ماذا حل بكي يا اختاااه😨شهد قالت ليها ح اجيب ليك مويهه واجي،،روان قالت لي ردي لي،،مالك يابت،،حضنتها وقعدتا ابكي،،قالت لي مالك يا اخت،،،زحتني منها وقالت لي ماتكوني حامل من وراا اهلك😷😨😂😂،،قولته ليها زين ح يتزوج،،،قالت لي كويس والله،،تاني قالت لي شنو شنوو،،😨،،،كيف يعني يتزوج،،،،،حكيت ليها القصهه وانا ببكي💔💔حضنتني وقالت لي الكلب الواطي الحقير المنحط،،،كيف يعمل فيك كده،،،قولته ليها انا لسه بحبو يا روان💔،،،قالت لي في مقوله بتقول ليك شنو #الحب موجود بس الكرامه بنديها حقها😊💔،،،وانتي المفروص تتقوي،،لانو هو خزلك،،وعايزك تتضعفي،،بس لازم تبيني ليهو انك اقوى من كده،،،عايني لروحك بقيتي كيف،،ضعفتي وعيونك دخلو لجووه،،ولونك غمض💔،،،الحب دا غير وجع القلب مابجيب شي💔💔قولته ليها بس هو احلى احساس ممكن الواحد يعيشوو،،قالت لي بس في لحظهه ممكن يكون ازبل احساس لما الواحد يتكسر ويتخزل من ناس ما اتوقع منهم الخزلان💔💔،،،قالت لي المهم،،قومي ارح معاي خالتو نور عاوزة تشوفك،،قولته ليها بخلعهه ماما😳،،

#سلام©💜