احبك حيل 17

#أحبك حيل💜 

تأليف: إيناس آدم(ننس) 

-17-

قالت لي المهم قومي ارح معاي خالتو نور عاوزه تشوفك،،،قولته ليها بخلعه ماما😳،،،الجابا شنو معاك،،قالت لي اصرت تجي،،احساس قلب الام وبتاع😂✋قولته ليها انا ماعايزاها تقلق علي،،،ماح احكي ليها بموضوع زين،،،قالت لي اممم احسن،،كدا ح تضطر تقعد معاك عديييل،،،قولته ليها طيب هي وين اسي،،قالت لي في الشقهه بتاعتنا انا وملك،،يلا البسي ارح ليهاا،،قولته ليها اديني عبايتي بس،،قالت لي ووشك دا?? قولتته ليها مالووو،،قالت لي منتهي رسمي من البكى والتعب،،،قومي اعملي ليك بدرة ولا فير ولا اي شي،،علشان ماتحس بحاجهه،،،قولته ليها ماعندي اخلاق للحاجات دي،،،قالت لي طيب امشي ليها كده وقولي ليها زين ح يتزوج وانا منهاره وعاوزه اموت😊ايناس انتي متخلفهه😒قومي غسيلهو بالاول،،بعدين تعالي نتفاهم،،،دخلتا الحمام غسلتا وشي،،وعاينتا ليهو في المرايهه💔دموعي جات نازلهه،،تاني غسلتوو وطلعتا،،،لقيت روان مجهزه لي لبسهه،،قولته ليها روان ياخ ح البس عبايه بس،،،قالت لي لا يعني لا،،،ح تلبسي البنطلون دا،،،قولته ليها انتي منحرفهه،،،وزين لو شافني بالمنظر دا ح…… روان جات وحضنتني،،،قولته ليها ماقادره اطلعو من عقلي،،ناهيك عن قلبي💔💔💔قالت لي هششش خلاص،،،ح تنسيهو والله ح تنسيهو بس انتي ختي الفكره في راسك،،،قولته ليها ماقادره،،،قالت لي خلاص ماتبكي تاني،،،انتي بتبكي على واحد عرسو باقي عليهو شهر،،قولته ليها27يوم،،،بس27يوم ياروان💔💔💔كل يوم بمر،،زين بقرب من ياسمين وببعد عني💔💔قالت لي خلاص،،انسي السيره دي،،،كل ماتجيبيها وتشغلي نفسك بيها،،ماح توجعي غير قلبك💔،،يلا البسي،،انا مستنياك بره،،،قولته ليها طيب،،،رجعتا البنطلون،،ولبستا لي اسكرتي اسود وتي شيرت اسود،،وطرحهه باللون الكحلي الغاامض💜،،،،عملتا لي حبهه فير وروج وكحل،،،وطلعتا ليهم بره،،حبوبهه قالت لي ماشهه وين،،،روان قالت ليها اا ياحبوبه ح اخليها تغير جو بس وبرجعاا،،ماشايفهه شكلهاا،،حبوبهه قالت ليها طيب يابتي،،،سوقيهاا،،لما طلعنا بره،،روان فالت لي ليه مالبستي البنطلون? قولته ليها ماعندي ليهو مزااج،،،ركبنا امجاد ومشينا شقهه روان،،،،روان قالت لي حاولي قدر مافيك تخبي وجعك قدام امك فااهمه ولالا،،،قولته ليها طيب ماتنقي،،،طلعنا الشقهه،،لقينا ماما بتعمل في الغداء،،،روان قالت ليها خالتو ياا عسلل،،جبتا ليك بتك،،ماما التفتت علي ،،حضنتني ،قولته ليها حمد لله ع السلامهه،،،عاينت لي مسافهه قالت لي صوتك مالوو،،،قولته ليها ماف شي،،روان قالت ليها اا ياخالتو ايناس نست توريك انها مع تغير الجو وكده جاها التهاب،،بس ماتخافي حاجهه خفيفهه،،علشان كده صوتا تعبان،،قولته ليها اي فعلا،،،قالت لي تعالي اقعدي،،،قعدتاا،،قالت لي زين كيف،،ولي ماجاا معاكم،،،روان قالت ليها مشغول،،عندو شغل كتير ماقدر يجي،،،ماما قالت ليها روان😒لما اوجه ليك سؤال اتكلمي،،،قالت ليها اسفهه😷ماشهه اغير وجاياكم،،،ماما قالت لي مالك،،،انتي كويسهه?? قولته ليها ههه كويسهه شدييد،،خلودي خليتيهو مع منو،،كان تجيبيهو،،قالت لي مع ابوهو،،،هو اصلا مابحب يباريني ههه،،،قولته ليها ياحليلو ياخ،،قعدتا اتونس معاها كدددده،،لحدي اذان المغرب،،صليت وبعدين قولته ليها انا لازم امشي،،ماما فاطمه ح تقلق،،ماما قالت لي هي كيف وصحتا كيف،،،قولته ليها كويسهه،،،يلا ياروان انزلي اجري لي امجاد مامعاي قروش،،قالت لي ههه طيري قدامي طيب،،،ودعتا ماما نزلنا،،،قالت لي اووف امك شكلها مامصدقااك،،قولته ليها اي،،،حاسهه بي💔،،ح تسافر متين هي،،نسيت اسألا،،،قالت لي ماعارفه والله،،لانو بس جات تشوفك،،،قولته ليها ايووه،،،مشينا الظلط،،وقفت لي امجاد ودفعت حقها،،،،قولته لبها يابت انا كنتا بهظر ساي والله،،،معاي قروش،،قالت لي بطلي فلسفهه،،ولمن تصلي اتصلي علي،،قولته ليها طيب،،،،،قالت لي بتاع الامجاد خلي بالك من المزه دي ياعموو🌚❤️،،،قال ليها ههه طيب،،،،،،

عند شهد كانتت بتتكلم مع عمو عصام،،،قالت ليهو عاوزه امشي لاهلي بكره،،قال ليها ومالوو طوالي امشي💋قالت ليهو بس عاوزه قروش،،علشان اشتري ليهم شويهه حاجات،،،،،قال ليها حبيبي هاك دي بطاقهه الصراف،،اسحبي المبلغ العاوزاهو تمام،،قالت ليهو طيب❤️💋،،،،،،انا وصلتا البيت،،،لقيت عمتو فاديهه في الباب،،،اظنها يادوب ضربت الجرس،،،قولته ليها عمتو كيف،،قالت لي كويسهه وانتي،،،قولته ليها تمام،،،الحبشيهه فتحت الباب،،،دخلنا جوه،،،بستا حبوبهه في راساا،،قالت لي اها انبسطتي حبهه،،قولته ليها امممم،،كنتا داخله الغرفهه،،عمتو فاديهه قالت لي اقيفي يا ايناس،،،احضريناا،،حبوبهه قالت ليها في شنو يافاديهه،،سلمي اول،،قالت ليها يمهه هو زين دا خلى لي عقل،،،حبوبهه قالت ليها مالوو،،قالت ليها تخيلي يا يمهه قال ماعايز يعزم الناس،،ولا عاوز يعمل حنهه،،اودي وشي وين من الناس،،طبعا لما قالت كده،،،قلبي وجعني يعني خلاص بدوا يجهزوا💔💔💔قالت ليها وتخيلي برضو،،قال ح يسكن مرتو معانا في البيت،،لانو ماف زول ح يهتم بيها لو قعدت براها وهي مابتشوف،،،قولته في قلبي لما بقى يفكر فيها وفي راحتاا💔💔💔،،،حبوبهه قالت ليها اسي جايه من بيتك عشان الكلام الفارغ دا،،اصلا عرس ولدك دا كلو على بعضو ما هامني،،كان انا ولا عصام،،شوفي باقي اخواتك واسأليهم،،،قالت ليها يعني يمه انتي ماح تحضري العرس دا وتقيفي فيهوو،،قالت ليها لا،،زين اخد قرار خلي يتحملو،،قولته لي حبوبهه،،ماما فاطمهه لو بتعملي كده علشاني،،فأنا ابدا ما زعلانهه من زين،،ودي سنهه الحياه،،وانا وهو مالينا نصيب مع بعض،،شي طبيعي وبيحصل،،عمتو فاديهه قالت ليها سامعهه حتى هي مقتنعهه،،قولته لحبوبهه وياستي لو مامصدقاني،،انا مستعده امشي واحضر العرس كمان،،،حبوبهه فضلت تعاين لي ،قالت لي ماتكاابري💔قولته ليها ما مكابره،،،بس اقتنعتا😊💔،،،وانا اي كلمه بقولا بتقطعني من جوه حتى تطلع،،بس ماعاوزه احسس حبوبهه بحاجهه💔💔💔حبوبهه قالت لي ولوو،،انا ماماشهه ماعافيه ليهو حقك حتى لو انتي عفيتي ليهو💔وقامت مننا،،عمتو فاديه قالت لي اقنعيها،،انتي عارفه انو زين روحو فيهاا،،وحاول يصالحا بس رفضت،،،قولته ليها بحاول،،قالت لي طيب يلا سلام،،ومشت،،،ياخ بالجدد ماعندها انسانيهه ولا حبه دم💔💔💔💔كل البهمها حفله الحنهه وانو زين يعزم الناس💔💔،،،،طبعا البكى دا بقى ثابت عندي،،لازم قبل انوم ابكي💔💔،،،

عند زين،،كان في غرفتو وبتفرج في صوري💔،،،جاتو لدن،،قالت ليهو انت عارف انا حتى الان ماشفتا ايناس ولا عاوزه اشوفا،،زين قال ليها بإستغراب ليه ماعاوزه تشوفيها? قالت ليهو لانو ماح اقدر اخفف عنها،،ح ازيد عليها،ماح استحمل اشوفا💔💔،،،زين قال ليها انا السبب،،،بس مابيدي💔،،،قالت ليهو فعلا مابيدك وموقفك صعب يازين،،،بس ايناس موقفا اصعب💔💔،،زين سكت وماردا ليهاا،،،لدن قالت ليهو تصبح على خير،،،قال ليها وانتي من اهلو،،،بعد لدن طلعت من غرفتوو،،رقد في السرير،،وبقى يقرا محادثتنا في الواتس،،،كان عندنا محادثهه قبل اسافر قطر بيوم ووقتها كنتا زعلانهه من ناس حبوبه وعمتوو،،،قال لي ماتزعلي ياننوستي❤️لانو اناكمان بزعل ومزاجي بتعكر،،يابت انتي ماعارفهه ابتسامتك دي بتعمل فيني شنو،،،قولته ليهو مازعلانهه يازين هسسس يلا،،قعد يضحك قال لي انا يوم بسكتك بطريقتي😂❤️،،،وفي نفس الوقت انا كنتا بقراها وببكي💔💔"احساس صعب انكم تكونوا عاوزين بعض❤️،بس القدر ماعايزكم مع بعض💔"،،،،بعد اسبوعين كده ماما ساافرت،،وفضلت توصي فيني،،وقبل تسافر بتسأل من زين،،قولته ليها سافر اول مايرحع بخلي يضرب ليك،،قالت لي طيب،،،،،روان كانت بعيده مننا،،بعد ودعتا ماما،،مشيت ليها،،كانت بتتكلم بالتلفون وبتقول،،يا زهير افهمني ماف طريقهه اشتغل تاني ،خلاص الشغله دي طلعت من بالي،،عايزه انضف ياااخي،،،،وقفلت الخط،،التفت لقتني وراهاا،،قالت لي انتي واقفه هنا من متين،،،قولته ليها اسي جيت،،،قالت لي خالتو نور ياحليلا،،قولته ليها اممم،،،،،،مشينا بعدها البيت،،،لقيت شهد بتنضف في البيت مع الحبشيهه،،قولته ليها في شنو النضافهه القامت عليكم فجأه،،،قالت لي عمتك فاديه جات هنا قبل شويه،،وقالت… يعني انو،،زين،،قولته ليها شهد في شنو،،اتكلمي،،،قالت لي قالت بتجي تحنن زين هنا بعد المغرب لانو رفض يعمل حفله حنهه💔😷،،،طبعا ولا قدرتا ارد عليها،،قعدتا في اقرب كرسي،،وبقيت ابكي،،،قولته ليها وانا بصرخ وهي مالقت غير البيت دا علشان تحننوا فيهو💔💔قالت لي ماعارفهه،،بس ماقدرتا اتكلم معاها،،،،دخلتا المطبخ ولقيتهم عاجنين الحنهه،،رميتا في الارض💔،وقولته لشهد العجنها منوو💔،،قالت لي عمتك عجنتا بعدين طلعت،،،قعدتا في الارض وبقيت ابكي،،،قالت لي والله حرام عليك نفسك💔💔،،،قولته ليها انا عايزه زين💔😭😭😭هو ماليها هو لي انا،،،،،شهد قعدت جمبي وقالت لي ايناس،،بس،بقيت اقول ليها عاوزه زين،،جيبي لي زين،،ضربتني كف💔💔قالت لي زين خلااص ح يتزوج،،افهمي الجمله دي كويس،،،فضلتا اعاين لبهاا،،،قالت لي فاهمهه ولالا،،اتقبلي الفكره علشان تقدري تكملي برااك💔،،،قومتا من جمبها ومشيت الحمام،،فتحتا الدش،وقعدتا تحتوو وبقيت ابكي بصوت عاالي،،،قولته يااارب اجبر بخاطري انت العالم بي😭😭😭💔💔💔💔💔،،،بعد المغرب كده سمعتاا جوطهه وكورايك بره،،فتحتا الباب وطلعتا راسي،،شايفه زين بتكلم مع امو قال ليها يا امي ماعاوز اتحنن،،قالت ليهو عاوز تكون اغبش الناس تقول شنوو،،قال ليها ماعندي شغله بكلام الناس،،،وانتي مامن حقكك تاخدي قرار عني،،حبوبه قالت ليهو هوي يازين،،انت نسيت دي امك ولاشنو،،،قال ليها متذكر،،عشان كده ماسك اعصابي،،،،عمو عصام قال ليهم انتو بتحبو تكبروا القصص،،اسي وين المشكلهه ،مدام انت يازين دقيت صدرك وقولته ح تتزوج،،يبقى تسمع كلام امك وحبوبتك،،الزواج ماهو بين اتنين لا بين اسرتين،،،فاهم ولالا،،واسي تقعد يحننوك،،قال ليهو بس يا خال.. ،،قال ليهو ولاكلمهه،،ماهو ياتمشي عرسك دا عديل يا تخلي،،ماعاوز كلام تاني انا،،،عمتو فاديه قالت ليهو يلا اقعد،،،زين قعد وهو مضايق وحبوبه بدت تحننو،،عمتو جابت السماعات وشغلت اغاني سيره💔💔،،،انا قفلتا اضنيني،،،وقعدتا في السرير،،بعد شويهه جات عمتو وقالت لي اطلعي ماتقعدي برااك،،،قولته ليها ماعاوزه،،جرتني غصب💔💔💔ووقفتني في نص الصاله،،عيني وقعت على زين يااخ اشتقتا ليهو💔💔ويا جماال الحنه في يدينوو ورجولوو💔💔💔فضل يعاين لي في عيوني وانا بعاين ليهو،،بعد اغاني السيره خلصت،،جات اغنيه نانسي عجرم،يااااخ كأنها جات عالجرح،،#راهنت عليك وحبيتك وكلمه حب دي شويهه،،وكل الناس قالولي بلاااش،،،قولت دا روحي وعنياه،،💔💔،،،مشيت قفلتا السماعات،،جات عمتو قالت لي مالك قافلاها،،قولته ليها انا عاوزه انوم وماعايزه ازعاج،،والسيد العريس،،عندو بيت يعمل فيهو حفلتوو😊💔،،،قبل ادخل الغرفهه،،،زين قال لي ياريت لو بتقدري تقدري موقفي،،ح تعرفي وقتها انو وجعك دا ولا شي بالنسبهه لوجعي💔💔💔

#سلام©💜