احبك حيل 18

#أحبك حيل 💜 

تأليف: إيناس آدم(ننس) 

-18-

زين قال لي ياريت لو بتقدري تقدري موقفي حتعرفي وقتها انو وجعك دا ولاشي بالنسبهه لوجعي💔💔💔،،،،قولته ليهو نحنا الاتنين موجوعين ويمكن زي ما قولته انت اكتر مني،،،بس صدقني انا الطلعتا خسرانهه💔💔،،،بعديها دخلتا الغرفهه وقفلتا علي الباب،،،ماقادرت استوعب اي شي ،يعني فضل حكايهه كم يوم ويكون زواج زين وياسمين💔،،،وكان عندي صداع ماعادي💔،،،اتصلتا بروان،،وقولته ليها انا تعبانه ياروان،،،تعبانهه شديد،،،قالت لي يابت خير مالك،،،قولته ليها حاسه اني بموووت😭💔💔زين بحننوهو بره وانا ماقادره اعمل شي😭💔💔💔ليه بيحصل معاي كده😭😭💔💔،،،قالت لي اهدي شويهه،،انتي وبن وزين بحننوهو وين،،قولته ليها في بيت ماما فاطمه يعني وين،،قالت لي طيب الجاب زين يتحنن عندكم شنو،،قولته ليها ماعارفهه ياخ ماعارفهه😭💔💔💔،،،قالت لي ايناس صلي واستغفري،،دا كلو لخيير،،وبكره تقولي رووانتي قالت❤️قولته ليها حاضر،،،قالت لي واول ماتحسي براحهه اتصلي علي،،قولته ليها طيب،،،قفلتا منها ودخلتا اتوضيت،،وصليت ركعتين،،،وقريت قران،،،وبعدها بكيييت كأنو قبل كده مانزلت مني دمووع،،،،بكيت شديييد وبحرررقهه💔💔،،،بعد خلصتاا،،قولته يارب لو وجود زين في حياتي خير ديموو لي،،ولو شر،،ابعدو عني❤️،،،لقيت ماف فايده من البكى وحرااق الروح والقلب،،،الدعوه دي كفيلهه بأنها تظهر لي اي حاجهه❤️بعدها حسيت براحهه بالجدد،،،،واتصلتا بروان،،قالت لي اممم لسه بتبكي? قولته ليها لا،،ماعاوزه ابكي تاني خلاص قررتا،،قالت لي ابردي لسه هو ما اتزوج،،لما تشوفيهم سوا ح تبكي،،وساعه العقد المفروض من نصيبك برضو ح تبكيك،،،ح تبكي يا ايناس على كل لحظه المفروض هي ليك،،بس زين هداها لي غيرك💔قولته ليها بس هو مجبور،،وانا حاولتا اخت نفسي في محلوو،،بس برضو ماقدرتاا،،،صعبهه عليهوو،،،والراجل كل دقيقتين يكرر ليهو ماتخزلني وماتخزلني،،والبت نفس الشي💔،،احساس،صعب يا روان،،،قالت لي يعني انتي اقتنعتي خلاص وقنعتي،،،قولته ليها لو قولته ليك اي اكون كذاابه،،بس بحاول،،،بحاول،،،قالت لي ربنا يقويك❤️❤️ويلا طيري نومي،،انا بكره وراي صحيهه بدري،،قولته ليها عندك شنو،،قالت لي ملك جايهه وانا نظام ظريفهه ح انضف الييت و اجهز ليها عشاء يليق بيها😌قولته ليها ههه ربنا يعينك،،طيب يلا،،قالت لي يلااا،،،قفلتا منها،،،حبوبهه جاتني،،،قالت لي يابتي انا انجبرتا احننوو،،قولته ليها انتي ما مجبوره تبرري لي،،.زي ما انا حفيدك ولي حق عليك،،هو كمان نفس الشي❤️،،وبعدين ماتلومي نفسك،،لوحننتي او لا،،،هو ح يتزوج،،،وخلاص،،،،قالت لي انا عارفاك لسه بتدوريهوو،،،بس يابتي دي اقساام،،،واي زول حسب قسمتوو،،يمكن قسمتك مع غيرو،،،قولته ليها يمكن،،المهم اسي خلصتي ليهو حنهه?قالت لي اي،،واسي في الحمام بغسلاا،،تاني ح اطبقا ليهو باكر،،،قولته ليها والعرس يوم الجمعه صاح،،،قالت لي قالو كده،،،وسمعتا انو البنيه قالت ماعاوزه حفله زفاف،،بس عقد ويسوقاا،،،قولته ليها اممم ربنا يسعدهم❤️،،،دموعي كانت قريبهه،،،بس انا ابدا ماعاوزه انزلا،،قاومتها💔،،،حبوبهه قالت لي طالعه اشوف فاديه ،،قولته ليها طيب،،،رقدتا في السرير وكنتا متلفحه بالتوب،،،جاا زين داخل💔لما شفتو قلبي اشتغل دلوكه،،زي الاحساس الاول الحسيتو اتجاهو💔قال لي انا ماعارف جيت هنا ليه،،لقيت رجولي جايباني هنا💔قولته ليهو لا دي مارجولك،،دا قلبك يازين💔بس للاسف،قلبك جابك بالاتجاه الغلط💔جاا قعد جمبي في السرير وقرب مني💔قولته ليهو كم يوم بس وتكون بعييد مني،،،،،قال لي ايناس عارفك ح تكرهيني ويمكن ماتكوني حابه تشوفي وشي تاني💔بس اتذكري اني بحبك،،وح افضل بحبك❤️قولته ليهو حتى انا ح افضل احبك❤️بس خلاص انت داخل على حياه جديده والمفروض مرتك اولى بالحب دا💔عاين لي وسكت،،،لما قام طالع ماعارفه ناديتو لي،،قولته ليهو زين💔التفت علي،،جريت وحضنتووو💔انا كنتا ساكتهه وهو ساكت💔بعد شويهه زحيت منوو،،،قولته ليهو كده تقريبا دي نهايهه قصتنا💔💔ودخلتا الحمام،،،وبقيت اتذكر كل لحظه لينا مع بعض وفي نفس الوقت بحاول امسح اللحظات دي💔،،، 

مروا الايام وطبقوا لزين حنتووو وجاا يوم الجمعهه💔عقد زين💔💔اليوم دا حسيتو طويل،،،وما عاوز يمشي خالص💔💔،،،جاا وقت الصلاه وجاني تلفون من زين،،،،استغربتاا ورديت قولته ليهو الوو،،قال لي اسف اتصلتا عليك اسي،،بس عاوز اسألك الساعه البنيهه وين?قولته ليهو فوق في الخزنهه انا نقلتا الساعات هناك،،،قال لي طيب،،،ماكنتا عاوزه اقفل ولا هو،،،مرت حكايهه خمسهه دقايق كده والخط فاتح بدون اي واحد فينا يتكلم💔،،،انا قفلتا فيهوو وقولته ح يجهز للصلاه،،يعني خلاص 😭💔💔💔،،،،

في جانب ياسمين وابوها،،،ياسمين قالت لابوها ح تعقدوا بعد الصلاه صاح? قال ليها ايوه،،،قالت ليهو انت متأكد يا بابا انو خطيبه زين موافقه وماعندها مشكله وانت بزاتك سألتها زي ماقولته لي?? قال ليها بتوتر اا اي يابتي،،انا قعدتا معاها وووقالت لي اصلا الخطوبه مارسميهه،،وهي مافارقه معاها كتير،،،وزين كان معانا،،،قالت ليهو اهاا علشان كنتا حابهه اتأكد انو ما ظلمناها،،،قال ليها اطمني دا حتى زين ماعندو ليها حاجهه علشان هي بت خالو وبس ،،،،ابتسمت ليهو،،كان معاها خالتا وبتهاا،،قال ليهم جهزوها،،،لانو زوجها ح يجي يسوقا بعد الصلاه طوالي،،قالوا ليهو طيب،،،،لما طلع بره وقف وقعد يبكي،،،قال عشان خاطرك يا بتي مستعد أألف الف قصهه💔بس اشوفك مبسوطهه

اما انا بعد صليت رقدتا ومسكتا تلفوني،،،بعد شويهه سمعتا صوت عمو عصام بتكلم بره مع شهد،،،جيت طالعهه،،،سكتوا،،وفضلوا يعاينوا لي،،قولته ليهم في شنو??،،،شهد قالت لي اا ماف حاجهه،،عمو عصام جاا علي ومسكني من اكتافي،،،قولته ليهو في شنو،،،قال لي زين…زين عقد قبل شويهه على ياسمين💔طبعا لما قال كده فضلتا اعاين ليهو مساافهه،،،قولته ليهو بدون اشعر كيف يعني عقد ليها،،،قال لي انا ما قولته ليك كده علشان تضعفي بالعكس علشان تقوي،،وتعرفي انو الدنيا مابتقف على زول،،،قولته ليهو بس انا دنيتي واقفهه عليهوو💔💔وبقيت ابكي واكورك،،عمو عصام حضني وقال لي دي قسمتك،،،قولته ليهو لا ما قسمهه،،ماقسمهه ماتقول كده،،دا اسمو ظلم💔💔،،،كان ماسكني وبهدي فيني💔💔،،،،،اما زين مشى علشان يسوق ياسمين💔،،،عم بكري ما كان مصدق انو حلمو اتحقق،،حتى ولو على حساب مشاعر غيرو المهم اتحقق💔،،،زين. كان لابس نظاره شمسيهه لانو عيونو حمر من البكى وتحتها في سواد من عدم النوم💔💔،،،سااق ياسمين وهي كانت مبسوطهه علشان ابوها مبسوط،،وفي نفس الوقت علشان افتكرت انها ماظلمت زول بقصهه زواجا دي💔💔،،،اما انا بعد بكيت،،حبوبه جات وقالت لي مش قولتي ح تكوني قويهه،،يلا امسحي دموعك دي،،انا وانتي ح نمشي نحضر الغداء ونبارك ليهم ونجي،،قولته ليها وانا ببكي لالا ما عاوزه مابقدر اعمل كده،،انا اضعف من انو اعمل كده،،،الله يخليك لا،،،ماما فاطمه افهميني،،مابقدر اشوف حبيبي مع غيري💔💔انا.. انا ح اقعد هنا وانتي امشي وتعالي،،،بس انا لا💔💔قالت لي بنبره حاده،،،قومي قولته ليك لو ماشوفتيهو ما ح تقتنعي،،،،شهد قالت ليها بس هي ماح تقدر،،قالت ليها لا،،ح تقدر،،،انا ماربيت احفادي على الجبن،،قولته ليها يمكن علشان كده زين نفذ وعدو،،،علشان مايطلع جبان زي ماعلمتيهو💔💔سكتت مساافهه،،بعدين قالت لي قومي واسمعي الكلام،،،فعلا قومتا،،ومشيت استحميت ولبستا لي عبايهه،،،وجيت طالعه حبوبهه قالت لي يلا علشان ماتبكي تاني،،،ساقتني ومشيناا،،،،عمو عصام وشهد ما مشوا معانا،،،،لما وصلنا هناك الناس كلهم بعاينوا لي مستغربين،،لانو اي زول عارف انو ايناس لزين وزين لايناس💔💔،،،،،بعد رصوا صواني الغداء،،والناس اتغدوا،،،سمعتا عمتو فاديه بتزغرد💔💔وبتقول العرسان جوو،،وتشيل وتزغرد،،لما قومتا عاينتا ليهم،،للحظه اتخيلتا دي انا،،وزين ماسك يدي وببشر،،وانا ببتسم للناس وخجلانهه💔💔بس فجأه دا كلو مات،،لما شفتا القدامي ياسمين💔مع انو كرهتها قبل اشوفا،،وكرهي زاد بعد شفتها،،الا انها جميله شديد❤️الكمال لله بس هي جميله خالص❤️،،،قعدوهم في الصالهه،،،والناس بدت تبارك ليهم،،،،،لحدي ما البيت فضى،،بس فضل عماتي وناس البيت،،،حبوبه قالت لي يﻻا نمشي،،،قولته ليها لا بعد الجرتق💔فعلا قعدنا وعمتو فاديهه جرتقتهم💔،،وبكل وقاحه جات ادتني فال وقالت لي عقبال ليك،،،مارديت عليها،،،زين كان لابس النظاره وانا مستغربه هو لابسهه ليه،،،بقيت عايزاهو يطلعا بس ابدا ما طلعا،،،حبوبهه قامت باركت ليهم،،قالت لياسمين يغلبك بالمال وتغلبي بالعيال،،،ياخ لما قالت كده،،انا حسيت الدنيا دي لافه بي،،،وكأنو الناس دي كلها عاوزنو يتزوج الا انا💔،،،انا ماقدرتا امشي على اتجاهم اصلا،،،بس طوالي طلعتاا💔💔،،،،وصلنا البيت مع حبوبهه،،قبل اخش مسكتني،،قالت لي يلا صرخي بعد كده،،،ابكي،،بقيت اصررخ،،،صرختااا صرخهه شقت قلبي ماطلعت كل الوجع لا زادتوو💔💔،،،بس بعد الحصل دا كلو حسيتو انو انا وزين ح نرجع،،ماعارفهه كيف،،،بس كنتا بطمن روحي بأننا ح نرجع💔💔،،،،،مرت علي ايام صعبهه اتمنين فيها الموت،،بس كنتا بستغفر كتيير،،لحدي مانزلتا الجامعهه،،،سنهه رابعهه،،،،نزلنا انا وشهد وروان وملك،،،قولته يمكن اقدر انسى زين لما انشغل بالقرايهه💔💔،،،،في يوم كنا في الاستراحهه،،روان قالت لي انا ماشهه الكافتريا اجيب لي سندوتش عاوزه? قولته ليها اي،،شالت مطبقتا ونست تلفونا معاي،انا ما لاحظتا ليهو الا لما ضرب،،،رديت قبل اقول الو،،،المتصل قال لي،،اسمعي ياروان،،اديتك مهله كافيه جدا انك تفكري،،،بعد كده خلاص ح تشتغلي الشغل دا غصبا عنك انتي مرغوبهه،،وفي كتار عينهم منك،،،الليله باي طريقهه تتصرفي تجي مفهوم،،،،

#سلام©💜