أحبك حيل 2

أحبك حيل

بقلم ايناس ادم 

-2-

قال لي يعني بس البحبو بعض هم البتزوجو،،،قولته ليهو يب،،،قال لي لا وحاتك،،،حتى الاصحاب المدارين حبهم وراا حجهه الصداقة بتزوجوا،،،،💜،،،،انا سكتا ساي،،قال لي ايناس،،قولته ليهو نعم،،،قال لي ساكتهه مالك،،،قولته ليهو ولا شي،،انت ماعاوز تنوم يااخي،،قال لي ههههه ماجايني نوم،،،قولته ليهو اممم بس انا نعستاا،،،وماما فاطمه لو فقدتني مشكله،،لازم ارجع جووه،،،قال لي انتي بتتكلمي في الحوش،يعني،،،قولته ليهو لا في الصاله،،،لانو عمو عصام نايم بره،،،قال لي اهاا،،طيب خليك شويهه وامشي نومي،،،قولته ليهو ليه!? قال لي من غير ليه،،،سكتنا شويهه،،،قولته ليهو زين،،،قال لي سامعك،،،قولته ليهو تسمع الطرش😒👋الواحد بقول عيوني روحي،قلبي،،،قال سامعك قال،،،قعد يضحككك،،،قال لي انا ماااالي في الغزل والكلام دا،،كان ممكن اقول ليك كده،،،بس،حاليا ما وقتوو،،،لمن يجي الوقت المناسب ح تسمعي اي شي عاوزه تسمعيهو،،،قولته ليهو هييييي ماتفهمني غلط،،،قال لي ههههه لا فاهمك صاح وحافظك💜،،،يلا بعد كده امشي نومي،،،واتغطي،كويس وماترقدي،على جهه المكيف علشان الرطووبه ماتقوم عليك،،،قولته ليهو طيب،،،،تصبح على خير،،،قال لي وانتي،من اهل الخير،،،،بعد،قفلتا منو بقيت ماسكهه التلفون مساافهه وقلبي،بضرب،،،قومتا ودخلتا جووه،،،لقيت حبوبه ولدن ناموا،،،رقدتا جمب حبوبهه،،،وفتحتا الاستديو وبقيت اعاين في صور زين💜طبعا هو طويل ومعضل ولونو اسمر وجسموو مشعر بطريقهه فظيعهه وحلوهه في نفس،الوقت💜لحيتوو خفيفه وحالق حلاقهه عاديهه على جهه اليمين من شعرو عندو شعر ابيض وعندوو شامهه في رقبتوو،،،عاجباني شديد😂💔،،،،،طبعا ابوهم متوفي،،،زين بعد ابوهو اتوفى مسك الشغل،،عندهم معرض سيارات💞،،،عمرو 26سنهه،،،،،،،بعد عاينتا لصورو،،قفلتا التلفون ونومتاا،،،،

تاني يوم حبوبهه صحتنا صلينا الصبح،،،لدن رجعت نامت،،،وانا قعدتا اقرا قران ودعيت لي بابا وجدو،،،حبوبه قالت لي ربنا يتقبل،،قولته ليها منا ومنكم،،،،،جاا عمو عصام قال لي اعملي الشاي يا ننوس،،،لانو انا تعبتا من حق يمهه دا،،مابتظبطو على كيف كيفي،،حبوبه قالت ليهو اللقى احبابو نسى اصحابو،،،قال ليها ههه ما كده ياخ،،،بس عشان ننوس عارفه مزاجي،،،قولته ليهو طيب عيوني،،،،مشيت المطبخ وعملتا شاي ساده وحليب،،،،وعملتا كيكهه سرييعهه،،،وجبتهم،،،عمو عصام قال لي الله الله،،،ريحهه الكيك فظيعهه،،،قولته ليهو وطعمو افظع،،،،كيبيت ليهم الشاي،،،ومشيت صحيت لدن،،،،قالت لي خليني انوم شويهه يااخ،،،قولته ليها لا قومي اشربي الشاي بعدين ارجعي كملي نوم،،،،"قالت لي. طيب طيب،،،،انا سبقتها ومشيت قعدتا جمب حبوبهه،،،قالت لي والله يا بتي بتشبهي ابوك شبه غريب،،،عمو عصام قال ليها اي والله،،،ملامحا كلها زي ملامح ادم،،،،ابتسمتا ليهم،،حبوبه قالت لي ابوك الله يرحمو كان حنيين،،،قولته ليها ربنا يرحمو،،،بس تصدقي يا ماما فاطمه رغم اني مابتذكر اي ذكريات لينا مع بعض الا طشاش بس،،،بس كل ما اتذكروا ببكي ،،،حاسهه انو كان قريب لي شديد،،،قالت لي ياحليلك يا بتي،،،وكانت عاوزه تبكي بس عمو عصام غير السيره،،،قال ليها يمهه الليله فاتحي فاديه في موضوع زواجي،،،شوفي رأيها،،،قالت ليهو عدييله يا ولدي،،،بعد فطرنا وكذا،،،،عمو عصام قام ماشي الصلاه،،،قال لي عليك الله يا ننوس بس عاوزه منك حاجهه واحده،،،قولته ليهو اها،،،قال لي املي الازيار البره دي وازقي الشجر،،،لانو انا صراحه مابحب الحبشيه تملاهم،،،وبعد الصلاه ماشي لي جماعه قرايبنا ،،لو ما كده كان مليتهم ومشيت،،،قولته ليهو لالا بملاهم انا،،،،قال لي الله يرضى عليك،،،وطلع،،،بعد وصلتا الخرطوش وكده،،،عاوزه اطلع،،جاتني،لدن،قالت لي زين من قبيل بضرب،،هاك دي المكالمه الخامسهه،،شلته التلفون منها وهي دخلت جووه،،،قولته ليهو الوو،،قال لي جمعه مباركهه،،،قولته ليهو علينا وعليك تتبارك،،،قال لي عاوز اسألك،،،ساعتي السوداء وين مالاقيها والسبحهه،،،قولته ليهو في الدرج الفوق حق الجزامهه على يدك اليمين،،،قال لي خليك معاي،،،سامعاهو بكركب،،،بعد شويهه قال لي لقيتهم،،،قال لي وو… قبل يتم كلامو قولته ليهو والطاقيهه البيضاء اول ضلفهه جمب العطر،،،قال لي طيب،،،انا ماعارف لو انتي ماف كنت ح اعمل شنو،،،قولته ليهو ههه عامل زي الاطفال مابتحفظ الاماكن اللي بتخت فيهم اغراضك،،،،قال لي هههه اي،،طيب انا طالع الصلاه،،قولته ليهو تمام،،،،،مشيت جووه رجعتا التلفون،،،وشلته الخرطوش وطلعتا بره،،،،،لقيت الازياار فااضيهه،،،بديت اول شي بالشجر،،،زقيتوو،،،وختيت الخرطووش في الزير الاول،،،هم اربعهه ازيار،،،،،ورجعتا جووه،،استحميت واتوضيت صليت،،،قريت سورت الكهف،،،،،،حبوبهه قالت لي اظبط،ليها قهوه،،قولته ليها بس،القهوه ح تصدمك من الغداء خليها بعد الغداء،،،قالت لي طيب،،،انا كنت لابسهه تووب،،،لمن طلعتوو،،حبوبهه ركزت في يديني ورجولي،،لانو انا لابسهه بجامهه قصيره،،،،قالت لي بخلعهه دا شنو اللفي جسمك دا يا ايناس😨😨،،،قولته ليها شنوو،،،،قالت لي يدينك ووجولك مالهم،،،،حتى يادووب ركزتا،،،قولته ليها ماف شي،،،قالت لي كيف ماف شي،يا بتي،،،التقول زول ضاربك،،،اتكلمي مالك،،،لدن عاينت لي وقالت لي حبوبهه،،،اي يا حبوبهه سالم ضرباا،،،حبوبهه ولعت عيونا،،،وقالت ليها كيف يعني،،وبصفتو شنو يضرباا،،والسبب شنو اساسا،،،هاجت شديد،،قولته ليها والله يا ماما فاطمه ماف شي،،،الموضوع بسيط،،قالت لي بلا بسيط معاك،،،كمان داير يسوي عليك راجل،،،لمن انا اموت واندفن،،بعدين خلي يضربك،،،قالت لي لدن اضربي لي فاديهه خليها تجي وتجيبو معاها،،،عشان اشوف اخرت قله ادبوو،،،كمان بقى يمد،يدو على الحريم،،،لدن قالت ليها زين قال ح يجيوا بعد الصلاه طوالي،،،،قالت ليها سمح،،،،قولته لي حبوبه والله الموضوع ما مستاهل،،،اهدي طيب،،،جبتا ليها مويهه،،،ورجعتا لبستا التوب،،،،مشيت الشارع،،لقيت الزير اتملى وملا الشارع،،،جاا ماري ولد شاب كده،،قال لي خليهم انا بملاهم،،،لانو بالطريقهه دي،الشارع كلو ح يتملي مويهه،،،قولته ليهو لالا يااخ ما مشكلهه انا ح اقعد هناا واملاهم،،،قال لي لا انتي بت وما صااح،،،بعد شويهه عربيه زين وقفت جمبناا،،،الولد قال لي خشي جوه،،،اول ما املاهم ح امد ليك الخرطوش،،،قولته ليهو طيب تسلم،،،زين نزل وهو اساسا كان مراقبني،قبل ينزل من العربيهه،،،،،دخلتاا قبل يصلني،،،،مشيت الصاله قولته لي حبوبه ولدن،،،ناس،عمتو وصلووا،،،حبوبهه دي ملامح وشها اتغير،،،،،،زين سلم علي لدن وحبوبهه،،وهو،بحمر لي،طبعا😷،،،،عمتو سلمت لي حبوبهه،،،حبوبهه سلمت ليها سلام بارد،،ولي،سالم كذلك،،،،حبوبهه قالت لي عمتو،،دي الامانهه الامنتك ليهاا،،،دي الوصيهه مش،،،اسمعي هنا يا فاديهه،،،لو ماقدر انك تتحملي مسؤوليه بت اخوك،،،انا لسهه عاايشهه وبقدر عليها تب ومابتغلبني،،،،قالت ليها خير يا امي لي بتقولي كده،،،قالت ليها هووي،يا فاديهه انتي ولدك سالم دا مسؤول من البت دي،،،كيف تسمحي لي يمد يدو عليها،،،مهما كان الغلط العملتوو،،،ابدا ما تخلي يعاقبا بالطريقهه دي،،،عمتو بقت تعاين لي وساكتهه،،،حبوبهه التفتت لي سالم،،،وقالت ليهوو وانت،،،البت دي عاقد عليها،،،شوفتا لا بينك ولا بينها،،،ايااك يا ولد تمد،يدك عليها،،،،،ولو انا ما بالصدفهه بس،شفتها،،ماكانت كلمتني،،،،عشان هي ماعاوزه تجيب ليك المشاكل انت وامك،،،بس،اسمعوني هنا انت وامك،،،من هنا ولقدام،،،البمد يدو على ايناس اصلوو مايتووقع مني حاجهه سمحهه،،،عمتو فاديهه قالت ليها وهي ما قالت ليك سالم ضربا لي?ولا بس،فالحه انها تطلع البريئه دايما،،،،حبوبهه قالت ليها مهما كان شووفتي،،،بس،لمي ولدك عليك يا فاديهه،،،سالم قال ليها بس،هي ناقصهه تربيهه يا حبوبهه،،،قالت ليهو ربيتا انت ولا مسؤول منها،،،مربيهه احسن منك فاهم ولالا،،،طبعا بعد كلام سالم دا،،،انا بقيت ابكي،،،وطوالي،جريت دخلتا الغرفهه،،،وقعدتا ابكي بس بحاول ما اطلع صوت،،،،باب الغرفهه ضرب،،مسحتا دموعي ومشيت فتحتوو،،،لقيتو زين،،،،بقيت اعاين ليهوو،،وهو بعاين لي،،،طلع منديل من جيبوو،،ومسح لي باقي،دموعي،،،قال لي دي نسيتي،تمسحيهاا،،،بقيت اعاين ليهو وزدتا بكى،،،بس،هو واقف،،قال لي خلاص كفايهه بكى ممكن،،،مابحب اشووفك كده،،لانو بتكوني،قبيحهه شديد،،،وبعدين ما عليك بكلام سالم،،،لانو واحد وجااهل،،،،،ماتشتغلي،بيهوو،،،قولته ليهو بس،هو لي يقول كده،،،قال لي ناقص عقل وجاهل قلنا،،،يلا بطلي،بكى،،،وبعدين تعالي هناا،،قولته ليهو اها،،،قال لي دا منو الكنتي واقفهه وبتتكلمي معاهو دا،،،قولته ليهو مابعرفوو،،،بس قال لي وقفتي في الشارع ما حلوه،،،وطلب انو يملا الازيار هو،،،قال لي اممم،،،وكأنك قلبتيها معاهو ونسهه،،،قولته ليهو ابدا والله،،،قال لي لا واضح انو ما اتونستو😒قولته ليهو زين ياااخ،،،قال لي وكمان بتبتسمي،ليهو،،،قولته ليهو اها اكشر في،وشوو مثلا،،،قال لي ما عارف،،،بعد شويهه حبوبهه نادتني،،طلعتا بره،،،قالت لي ايناس الكلام البقولوا دا مابعيدوا تاني،،،،انتي مرتاحهه في بيت عمتك،،،ولا تخافي منها،،لو ما مرتاحه يا بتي،،دا برضو بيتك وبيت ابوك،،،طوالي،تجي،تسكني معاي،،،قولته ليها لا مرتاحهه،،،،،بس الفتره دي بزات محتاجهه اني اقعد معاك،،،قالت لي عديييله،،،،بعدها جهزنا الغداء وسالم وزين مشوا الصالون مع عمو عصام،،،،،لدن جاتني،في المطبخ،،،قالت لي ايناس،دي فرصهه ما بتتعوض،،،احسن ليك تقعدي مع حبوبهه،،،اساسا هي بتريدك،،،ما زي ماما،،،قولته ليها والله ماعارفهه،،،خلي الفتره دي تعدي وبعدين بقرر،،،،قالت لي طيب،،،،اتغديناا،،،،وحبوبهه لمتنا كلنا وبقت تحكي،لينا عن جدو الله يرحموو،،،وقدر شنو هو كان عصبي بس حنين💜عاينت لي زين،،،وقالت ليهو نفسس شخصيتك بس،،،لدن قالت ليها ياحبوبهه،،،جدو كان بعبر عن مشاعرو كيف💔😂يعني لو عاوز يقول ليك انو بريدك ولا بحبك بقولا كيف💔😂😂،،،عاينتا ليها مخلوعهه قولته ليها لدن😷،،،حبوبهه قالت ليها ههه،،،كان بقول لي انا يا فاطنهه بالحيييل بريدك❤️،،،حبوبهه لمن قالت كده،،شوفتا في،عيونا لمعهه وبسطهه كده غريبهه،،،،كأنها اتذكرت كل تفاصيل حياتا مع جدو،،،بعد شويهه قولته ليهم الزمن دا الازيار بتكون اتملت انا طالعهه اجيب الخرطوش،،زين وقف على حيلو،،قال لي خليك،،بجيبو انا،،،،طلع بره،،،جابوو وقفل الماسوره،،،،لحقتو،،قولته ليهو الولد ما قصر والله،،حمر لي مسافهه وجاني،قريب،،،قال لي اممم ما قصر،،بس،المره الجايهه ح يقصر،،،زحيت منوو ودخلتا جوه،،، بعد المغرب حبوبهه قعدت مع عمو عصام وعمتو فاديهه بتكلموا في موضوع انو عاوزين ليهو عروس،وكذا،،،،اما انا فكنت بحضر في زي الوان،،،كان في برنامج التسوق،،،ولدن ماسكهه تلفونا وسالم بره،،،،زين كان قاعد جمبي،،،بس،انا ما مركزه معاهو شديد،،،،قال احم،،،ما اشتغلتا بيهو،،،تاني قال احم احم،،،ما اشتغلتا ببهو برضو😂😂💔تاني بقى يقولا كتير احم احم احم احم احم،لحدي ما اتشرك😂😂😂💔قومتا جبتا ليهو مويهه وجيت،،،بعد شرب،،قال لي بسببك ح اموت،،،قولته ليهو وانا ذنبي،شنو في الموضوع،،،حلقك انا😒،،،،قال لي، انتي كلي،،،💜،،بقيت اعاين ليهو بإستغراب،،،قولته ليهو وووالمعنى،،،،قال لي معنى شنوو،،قولته ليهو اني كلك وكذا،،،قال لي واضحهه على فكره بطلي استهبال،،،قولته ليهو بدلع ما فاهماها،،،قال لي يعني انتي مني،وفيني ولي،،،❤️قولته ليهو اهااا،،،ورجعتا ركزتا في البرنامج😂👊،،،شال الريمود وقفل الشاشهه،،،قال لي ماهو ماممكن ركزي معاي شويهه،،،قولته ليهو مام ابيت،،،بليز افتح الشاشهه عاوزه اتم البرنامج لانو مهم دا غير انو بتكلم عن التسوق وكذا والشي،دا مفيد لدراستي،،وانت عارف اني ماعندي حنك فخليني،اتعلم،،،كنت بتكلم بسرعه وماعاوزه اسكت😂😂💔قفل لي،خشمي بيدو،،،،قال لي بالحيييل بريدك،،،،💜

#سلام©💜