احبك حيل 3

احبك حيل 

بقلم ايناس ادم 

-3-

لمن قال كده فضلتا اعاين ليهو بدهشهه،،،فجأه فكاني وقعد يضحكك،،قال لي اكلتي المقلب?? كنت بحاول اقلد جدو،،،ههههه،،،بعدها هبش خدودي وراسي،،،قال لي ياا الله مامتخيل انك ح تبردي بالطريقهه دي،،،قولته ليهو زين هسس مني،،،قال لي هههه طيب تاني بالحيل برييدك،،،قولته ليهو ماتتكلم معاي فاهم ولالا،،،وبعدين لو حقيقه ولا كذب مافارق معاي،،لانو اساسا انت ما اكتر من اخ بالنسبهه لي،،عاين لي مساافهه وعقد حواجبينوو،،قال لي ههه وزوجك بإذن الله،،،حمرتا ليهو وشلته منو الريمود،،،قعدتا اتفرج،،،وهو كان سرحان فيني،،بعد،شويهه مدا يدو على شعري وبقى يلعب بيهوو،،،وهو خاتي يدو على خدو،،،زحيت منو شويهه،،ولميت شعري ورفعتو فوق،،،ضحك ضحكهه خفيفه كده،،وقام من جمبي،،،مشى لي لدن قال ليها اجهزي يلا ارح،،،عمتو قالت ليهو اي والله الزمن اتأخر،،،،،،لمن جوو طالعين،،،لدن قالت لي انتي بكره عندك جامعهه صاح?! قولته ليها اي،،،قالت لي طيب ح تمشي بشنو،،وملابسك كلها هناك،،،قولته ليها وااي نسيت ياخ،،،الموضوع طلع من بالي،،،حبوبه قالت لي ما فرقت بكره غيبي،،،امشي لمي حاجاتك كلهم وتعالي،،قولته ليها لا يا ماما فاطمه ماينفع لانو بكره عندي محاضرات مهمه والله،،،زين قال لي طيب ارح معانا،،،وبكره تعالي هنا بعد الجامعهه،،،قولته ليهو يعني ح اشيل معاي شنطتي بتاعت الملابس الجامعهه😒،،،عاين لي بنظرات جامده كدااا،،،قال لي طيب ارح لمي حاجاتك،،،وانا اسي بجيبك راجعهه،،تاني في شي?! عمو عصام قال ليهو يا زين كده ح يبقى ليك مشوار كمان،،،قال ليهو ما مشكلهه يا خال،،،راحتها اهم شي،،،،حبوبهه قالت لي،طيب امشي معاهو وتعالي،،قولته ليهو طيب،،دخلتا جووه لبستا لي توب بس،وجيت طالعه،،لدن شغالة تضحك فيني سااي،،،وزين دا حاسهه وشو ح يقع من الزعل،،،،المهم ركبتاا ومشيت معاهم،،،وطول الطريق لدن تحنس،فيني،،،،انو ابيت وبكره ارجع،،،قولته ليها ضيقهه والله،،،وصلنا البيت،،،عمتو فاديه قالت لي عسااك دايمهه عند حبوبتك وطلعت سالم عاين لي بقرف كده ومشى،،،اصلا ما اشتغلتا بيهوو،،،،زين قال لي طيب يلا سرعه لمي حاجاتك العاوزاها علشان اوصلك،،لانو من التعب ما قادر اشووف،،،قولته ليهو طيب برجع بأمجاد،،،حمر لي ورفع حواجبو،،،طوالي فحطتا من جمبوو😂😂مشيت غرفتنا انا ولدن،،،لميت ملابسي وشيتاتي واي شي عاوزاهو،،،وودعتا لدن وطلعتا،،،لقيت زين غير جلابيتو ب تي شيرت رمادي وشورت ابيض،،،،قال لي ارح،،،شال الشنطهه ووصلا العربيهه،،،،لمن جيت اركب،،،قال لي شكلك ما مصدقهه انك طلعتي من البيت دا،،للدرجه دي مضايقنك،،،قولته ليهو لا ابدا،،،بس،انت عارف اني مابحب اكسر كلمه مااما فاطمهه،،قال لي تمام،،،ماشين في الشارع وزين مركز مع سواقتو،،،كأني ما راكبهه جمبوو،،،قولته ليهو زين،،،قال لي احكي،،،قولته ليهو مالك ساكت كدا،،،قال لي عاوزاني اقول شنو مثلا،،،قولته ليهو اووف خلاص ولا شي وقبلتا وشي منوو،،،فجأه مسك يدي وهو لسه مركز مع سواقتوو،،قولته ليهو فك يدي،،،قال لي ابيت ويلا اسكتي مني😒،،،،نحنا بالحاله دي لمن وصلنا بيت حبوبهه،،،عاوزه انزل جراني ناحيتوو،،،قولته ليهو اها في،شنو تاني،،،قال لي شكلك نسيتي انا بودعك كيف صاح😒،،،نزلتا راسي شويهه،،،باس جبيني وصلح لي التوب،،،،قال لي خلي بالك من نفسكك،،،قولته ليهو وانت كمان،،،قال لي انا ما بوصوني يا سجم😒قولته ليهو اووك اووك،،،نزل معاي الشنطهه واتصل لي عمو عصام يفتح الباب لانو الدنيا كانت ليل وماحب يزعجهم بصوت الجرس،،،،وقبل عمو عصام يفتح الباب،،زين مسك يدي مسافه بدون ما يتكلم وفكاها،،احترتا فيهوو،،،بس ما سألتوو،،،عمو فتح الباب،،،وقال لي زين كتر خيرك يا ابني،،زين قال ليهو الواجب،،يلا تصبحوا على خير،،،،،دخلنا جواا،،،عمو عصام وصل لي الشنطهه لحدي غرفه حبوبهه،،،قولته ليهو شكرا يا عمو،،قال لي من متين الذوق دا،،،ههه يلا يلا على النوم،،،قولته ليهو طيب،،،لقيت حبوبه في سابع نومهه،،،،فتحتا شنطتي،،رتبتا الملابس،،،وختيت الشيتات في الدرج واللوشنات وكذا،،،بعدين رقدتا،،،بين نايمه وصاحيهه،،سمعتا صوت تلفوني،،،كانت رساله من زين مكتوب فيها"نسيت اقول ليك ارقدي عكس جهه التكييف علشان الرطوبهه فاهمهه💜،،،"،،رديت ليهو ب فاهمه،،قال لي المصحيك شنو كمان،،،نومي ياخ،،قولته ليهو ما نعسانه شديد،،قال لي ايناس نومي بكره عندك صحيهه بدري،،يلا تصبحي على خير،،،قولته ليهو وانت من اهلوو،،،وقفلتا التلفون ونمتاا،،،

تاني يوم صحيت بدري،،،لبستاا وشلته قروشي،،حبوبهه صحت على كركبتي،،قالت لي شيلي قروش زياده من دولابي،،قولته ليها معاي يا ماما والله،،قالت لي يا بت هاا اسمعي الكلام،،،قولته ليها ههه حااااضر،،،شلته قروش،شويهه منها وطلعتا،،،،،،مع زحمه المواصلات،،،حضرتا المحاضره الاولى من نصها،،،،،،لقيت صحباتي او بمعنى اصح اللي مصررررين يصاحبوني،،رغم اني مابحب العلاقات والمداخلات،،،بس هم مصرين يعرفوني،،،،اللي هم "شهد وملك وروان"،،،،بعد المحاضره خلصت،،شهد قالت لي اتأخرتي مالك? روان قالت ليها بكون زين ما وصلا اليوم،،قولته ليها روااان عرفتي اسمو من وين كمان😒قالت لي انا في حاجهه بتفوتني كمان ههيي بسم الله😌✋،،،،ملك قالت ليها الله يخليك للفارغهه بس،،،قولته ليهم انا ح افطر واجي،،شهد عاينت لي ملك وروان،،قالت ليهم الاخت بخيله ولاحاجهه،،ملك قالت ليها لا خايفه نشاركها في فطوراا،روان قالت ليهم خلوها على راحتاا،،،قولته ليهم هيي ماقصدي والله،،تعالوا لو عاوزين،،،شهد عاينت لي بغيظ قالت لي ثقيلهه،،بعديها طلعنا مطعم قريب من الجامعهه،،،وطلبناا واتمنينا منىى😂😂💔،،وروان زي الفالحهه هي الدفعت الحساب،،،ملك قالت ليها بت الذينهه جبتي القروش دي من وين?? روان قالت ليها من حازم😎شغلتو شنو غييري،،،قالت ليها والله حرام عليك نهيتتي الولد ياخ واهلكتي،،وربي يا روان لو عرف انك بس بتلعبي بيهو ح يعمل فيك عمايل،،،ضحكت وقالت ليها ههه ما ح يعرف،،،اصلا اسبوع بالاكتر واخترع لي كذبهه جديده ازحوا من طريقي واجيب الجديد😍❤️،،،ملك قالت ليها حراام عليك والله،،،شهد قالت لي ملك افصليها بالله،،اي واحده ادرى بمصلحتها وعارفه هي بتعمل في شنوو،،،اتونسناا شويهه وبعدين طلعناا،،،خلصنا محاضرات،،،،شهدقالت لي راجعه معاك اشيل شيت الانجليزي لانو حقي طباعتو ما واضحهه،،قولته ليها طيب ارح،،،،روان وملك طلعوا قدامنا،،،،بعدين انا وشهد،،،وصلنا البيت،،عمو عصام كان في الصاله،،قولته ليهو يا عمو معاي ضيوف،،قال لي اهلا اهلاا،،،اتفضلوا،،،يا الضيووف،،،،شهد قالت ليهو يزيد فضلك،،قولته ليها تعالي معاي،دخلنا غرفه حبوبهه لقيناها بتصلي،بعد خلصت،انا جبتا لشهد مويه وكبايه عصيرحبوبه قالت ليها حبابك الف والله،،،المهم اخدت على حبوبه واتونسوا مع بعض،،اديتا الشيت وقالت ماشهه،حبوبه حلفت ليها الا تتغدا،،وفعلا جهزتا الغداء واتغدت معانا،،حبوبه قالت ليها انتي من وين يابتي،،قالت ليها من النيل الابيض،،بس مولودهه هنا وعمري كلو قضيتو هنا،،ساكنهه الثوره،،،حبوبهه قالت ليها اهاا اطيب ناس والله،،،قالت ليها تسلمي،،،شهد قالت لي انا اتأخرتا،،ح امشي بعد كده،باست حبوبه في راسا،،وقالت ليها اتشرفنا يا امي حبوبهه قالت ليها يشرف مقدارك يابتي الله يحفظك ان شاء الله،،،طلعتا معاها،،لقينا عمو عصام في الباب،قولته ليهو ح اقدم صحبتي محل المواصلات واجي،،قال لي ساكنه وين هي،،قولته ليهو الثوره،،قال لي بعيده،،،طيب بوصلا انا بعربيتي،،شهد قالت ليهو لالا ماف داعي للتعب،،قال ليها تعب شنو دا الواجب يااخي،،اتفضلي،وركبت معاهو ،اشرتا ليها ورجعتا جووه،،،،،حبوبهه قالت لي حليووه والله،،قولته ليها ههه اي،شديد،،،قالت لي عمرها كم،،قولته ليها ماعارفهه والله بس،بتكون في عمري،يعني لو بالغت بتكون عمر20سنهه،،قالت لي هاااا،،صغيره عااد،،،وفضلت سرحانهه،،،،دخلتا جوه استحميت وصليت العصر والمغرب مع بعض،،،عاينتا لتلفوني لقيت مكالمه من لدن،،رجعتاا ليها،،،فضلنا نتوونس،قرابتن ساعهه،،قالت لي فقدتك والله ياخي ارجعي،،،البيت بلاك شين،،قولته ليها ههه فتره بس،وبرجع،،قولته ليها ناس،البيت كيف،،،قالت لي كويسن والله،،،بس الليله الصباح سالم جاط،شويهه مع زين في موضوع المعرض وانو كيف زين يمسك الشغل براهوو،،،وكيف ماما تضمنوو كده،،،قولته ليها اها وزين قال شنوو،،قالت لي زين قال ليهو لو بتقدر على مسؤوليه الشغل دا وبتمسكو،،انا ماعندي مشكلهه اخليهو ليك،،،قولته ليها وعمتو فاديةه وقفت مع منو،،قالت لي،في النص،،ماعرفت تقيف في،صف منو،،قولته ليها زين طبعا،سالم غلطان اساسا هو مابعرف للشغل دا حاجهه وزين من زمان ماسكو وممشي امورو،،،قالت لي اي والله بس،ربنا يسهل،،وقفلنا على كده،،فضلتا مقلقهه وقررتا اتصل علي زين،،،اول ما ردا،،قال لي انا كويس،،قولته ليهو. نعم!! قال لي قبل شويهه سامع لدن بتتكلم معاك وعرفتا انك ح تتصلي لي ودا اول سؤال ح تسأليني ليهو،،،قولته ليهو زين،،،ماعارفهه اقول ليك شنو،،،بس،اياك تخلي سالم يمسك المعرض،،لانو كده ح يخرب ليك اي شي عملتو لحدي اليوم،،وح يضيع سمعهه المعرض بتاع ابوك،،قال لي امممم،،ماعارف والله يا ايناس،اعمل شنو راسي جايط،،وحتى امي ما ادتني حل مقنع،،شكلها ناويهه تخلي سالم يمسك المعرض،،قولته ليهو لالا عمتو اوعى من كده واكيد ح تتصرف بحكمهه،،قال لي ان شاء الله،،قولته ليهو طيب خلي بالك على نفسك ولو حسيت نفسك مضايق كلمني،،قال لي طيب تمام،،،وقفل،،،بعد شويهه عمو عصام جاا،،وقال لي يا ننوس،تعالي لي في الصالون،،مشيت ليهوو،،قال لي بدون لف ودوران ومن الاخر كدا،،،انا صحبتك شهد دي عجبتني ويمكن ابقي عليها واتزوجاا،،انتي رايك شنو،،ممكن توافق بي?? ،،💜